அபூஹுரைரா (ரழி) அவர்கள் கூறினார்கள்:
"நாங்கள் அல்லாஹ்வின் தூதர் (ஸல்) அவர்களுடன் (ஒரு பயணத்தில்) இரவின் இறுதியில் ஓரிடத்தில் தங்கினோம். சூரியன் உதிக்கும் வரை நாங்கள் விழிக்கவில்லை. அல்லாஹ்வின் தூதர் (ஸல்) அவர்கள் கூறினார்கள்: 'ஒவ்வொருவரும் தத்தமது ஒட்டகத்தின் தலையைப் பிடித்துக் கொள்ளுங்கள்; ஏனெனில் இந்த இடத்தில் ஷைத்தான் நம்முடன் இருந்தான்.' நாங்கள் அவ்வாறே செய்தோம். பிறகு அவர்கள் தண்ணீர் கேட்டு உளூச் செய்தார்கள்; பின்னர் இரண்டு ஸஜ்தாக்கள் (ஃபஜ்ருடைய சுன்னத் தொழுகையின் இரண்டு ரக்அத்கள்) தொழுதார்கள். பிறகு இகாமத் சொல்லப்பட்டது; அவர்கள் காலைத் தொழுகையை (ஃபஜ்ர்) தொழுதார்கள்."