அப்துல்லாஹ் (பின் மஸ்ஊத்) (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் (என்னிடம்), "எனக்கு குர்ஆனை ஓதிக் காட்டுங்கள்" என்று கூறினார்கள். நான், "அது உங்களுக்குத்தானே வஹீ (இறைச்செய்தி)யாக அருளப்பட்டது? உங்களுக்கே நான் ஓதிக் காட்டவா?" என்று கேட்டேன். அவர்கள், "பிறர் ஓத நான் கேட்பதை விரும்புகிறேன்" என்று கூறினார்கள். எனவே நான் சூரத்துந் நிஸா (பெண்கள்) அத்தியாயத்தை, 'ஒவ்வொரு சமுதாயத்திலிருந்தும் (அவர்களுடைய நபியாகிய) சாட்சியை அல்லாஹ் கொண்டுவரும்போதும், இவர்களுக்கு எதிராக உங்களை (முஹம்மதே (ஸல்)!) சாட்சியாக அல்லாஹ் கொண்டுவரும்போதும் (அவர்களின் நிலை) எப்படி இருக்கும்?' (4:41) என்ற வசனத்தை அடையும் வரை ஓதினேன். அப்போது அவர்கள் என்னிடம், "நிறுத்துங்கள்!" என்று கூறினார்கள். அப்போது அவர்களுடைய கண்கள் கண்ணீரால் நிரம்பி வழிந்து கொண்டிருப்பதை நான் கண்டேன்.

இப்ராஹீம் அறிவித்தார்கள்: அல்லாஹ்வின் தூதர் (ஸல்) அவர்கள் அப்துல்லாஹ் இப்னு மஸ்ஊத் (ரழி) அவர்களிடம் தங்களுக்கு (குர்ஆனை) ஓதிக் காட்டுமாறு கேட்டார்கள். அதற்கு அப்துல்லாஹ் இப்னு மஸ்ஊத் (ரழி) அவர்கள் கூறினார்கள்:

"அது தங்களுக்குத்தானே இறக்கியருளப்பட்டது அல்லது வஹீ (இறைச்செய்தி) அருளப்பட்டது? அப்படியிருக்க, நான் தங்களுக்கு அதை ஓதிக் காட்டவா?" அதற்கு அவர் (நபி (ஸல்)) அவர்கள் கூறினார்கள்: "நான் அதை பிறரிடமிருந்து கேட்பதை விரும்புகிறேன்." எனவே, அப்துல்லாஹ் இப்னு மஸ்ஊத் (ரழி) அவர்கள் நபி (ஸல்) அவர்களுக்கு (சூரத்து அந்நிஸாவின் ஆரம்பத்திலிருந்து "ஒவ்வொரு சமூகத்திலிருந்தும் நாம் ஒரு சாட்சியை கொண்டு வந்து, இவர்களுக்கு எதிராக உங்களை ஒரு சாட்சியாக நாம் கொண்டு வரும்போது அப்போது எப்படி இருக்கும்?" என்ற வசனம் வரை) ஓதிக் காட்டினார்கள். (அதைக் கேட்டு) நபி (ஸல்) அவர்கள் அழுதார்கள்.

இப்னு மஸ்ஊத் (ரழி) அவர்களிடமிருந்து மற்றொரு அறிவிப்பாளர் தொடர் வழியாகவும் அறிவிக்கப்படுகிறது: அல்லாஹ்வின் தூதர் (ஸல்) அவர்கள், தாம் தமது மக்களுக்கு, (அவர் (ஸல்) அவர்கள் கூறியது போல்) 'நான் அவர்களிடையே வாழ்ந்த காலம் வரை அல்லது நான் அவர்களிடையே இருந்த காலம் வரை' சாட்சியாக இருந்ததாகக் கூறினார்கள்.

அப்துல்லாஹ் (இப்னு மஸ்ஊத்) (ரழி) அவர்கள் கூறினார்கள்:

அல்லாஹ்வின் தூதர் (ஸல்) அவர்கள் என்னிடம் கூறினார்கள்: சூரத்துந் நிஸாவை ஓதுங்கள். நான் கேட்டேன்: தங்களுக்கு இறக்கப்பட்டதையே நான் தங்களுக்கு ஓதிக் காட்டவா? அதற்கு அவர்கள் பதிலளித்தார்கள்: நான் அதை மற்றவர்களிடமிருந்து கேட்க விரும்புகிறேன். எனவே நான் ஓதத் தொடங்கினேன், “ஒவ்வொரு சமூகத்திலிருந்தும் நாம் ஒரு சாட்சியை கொண்டுவரும்போது (அவர்களின் நிலை) எப்படி இருக்கும்?” என்ற இந்த வசனத்தை நான் அடையும் வரை ஓதினேன். பிறகு நான் என் தலையை உயர்த்திப் பார்த்தபோது, அவர்களின் கண்களிலிருந்து கண்ணீர் வழிவதைக் கண்டேன்.

இப்ராஹீம் அறிவித்தார்கள்:

அபீதா அவர்கள் வாயிலாக அப்துல்லாஹ் (ரழி) அவர்கள் கூறினார்கள்: "அல்லாஹ்வின் தூதர் (ஸல்) அவர்கள் என்னிடம், 'எனக்காக ஓதுங்கள்' என்று கூறினார்கள். நான் கேட்டேன்: 'அல்லாஹ்வின் தூதரே! இது உங்கள் மீதே வஹீ (இறைச்செய்தி)யாக இறக்கப்பட்டிருக்கும்போது நான் உங்களுக்கு ஓதிக் காட்டட்டுமா?' அதற்கு அவர்கள், 'நான் மற்றவர்களிடமிருந்து அதைக் கேட்பதை விரும்புகிறேன்' என்று கூறினார்கள்."

எனவே, நான் சூரா அந்-நிஸாவை ஓதி, "...மேலும் நாம் உம்மை இம்மக்களுக்கு எதிராகச் சாட்சியாகக் கொண்டுவரும்போது? (4:41)" என்ற வசனத்தை அடையும் வரை ஓதினேன்.

அவர்கள் கூறினார்கள்: "அப்போது நான் நபி (ஸல்) அவர்களின் கண்கள் கண்ணீரால் நிரம்பி வழிவதைப் பார்த்தேன்."

அப்துல்லாஹ் இப்னு மஸ்ஊத் (ரழி) அவர்கள் கூறினார்கள்:

“அல்லாஹ்வின் தூதர் (ஸல்) அவர்கள் என்னிடம், ‘எனக்கு குர்ஆனை ஓதிக்காட்டுங்கள்’ என்று கூறினார்கள். அதற்கு நான், ‘அல்லாஹ்வின் தூதரே, தங்களுக்குத்தானே குர்ஆன் அருளப்பட்டது, நான் தங்களுக்கு ஓதிக்காட்டுவதா?’ என்று கேட்டேன். அதற்கு அவர்கள், ‘நான் அதை மற்றவரிடமிருந்து கேட்பதை விரும்புகிறேன்’ என்று கூறினார்கள். எனவே நான் பெண்கள் அத்தியாயமான சூரத்துந் நிஸாவை ஓதிக் கொண்டிருந்தேன். ‘மேலும், இவர்களுக்கு எதிராக உம்மைச் சாட்சியாகக் கொண்டுவரும்போது வ ஜிஃனா பிக அலா ஹாஉலாயி ஷஹீதா' (அல்குர்ஆன்; 4:41) என்ற இடத்தை நான் அடைந்தபோது, அல்லாஹ்வின் தூதர் (ஸல்) அவர்களின் கண்கள் கண்ணீரால் நிறைந்திருந்ததைக் கண்டேன்.”