சஹ்ல் இப்னு அபீ ஹஸ்மா (ரலி) அவர்கள் அறிவித்தார்கள்:

நபி (ஸல்) அவர்கள் தம் தோழர்களுடன் அச்சநேரத் தொழுகையைத் தொழுதார்கள்; அவர்களைத் தமக்குப் பின்னால் இரண்டு வரிசைகளாக ஆக்கினார்கள்.

தங்களுக்கு அருகில் இருந்தவர்களுக்கு ஒரு ரக்அத் தொழுவித்தார்கள்.

பிறகு (நபி (ஸல்) அவர்கள் தமது இரண்டாவது ரக்அத்திற்காக) எழுந்து, அவர்களுக்குப் பின்னால் இருந்தவர்கள் (தனித்து) ஒரு ரக்அத் தொழும் வரை நின்றுகொண்டே இருந்தார்கள்.

பிறகு (இரண்டாவது வரிசையில் இருந்தவர்கள்) முன் வந்தார்கள்; அவர்களுக்கு முன்னால் இருந்தவர்கள் (முதல் வரிசையில் இருந்தவர்கள்) பின்னே சென்றார்கள்.

நபி (ஸல்) அவர்கள் அவர்களுடன் (தமது இரண்டாவது) ஒரு ரக்அத் தொழுதார்கள்.

பிறகு (நபி (ஸல்) அவர்கள் தஷஹ்ஹுதுக்காக) அமர்ந்தார்கள்; பின்னால் தங்கியவர்கள் (தனித்து) ஒரு ரக்அத் தொழும் வரை (அப்படியே) இருந்தார்கள்.

பிறகு (நபி (ஸல்) அவர்கள்) ஸலாம் கொடுத்தார்கள்.