ஹிஷாமின் தந்தை அறிவித்ததாவது:
ஆயிஷா (ரழி) அவர்களின் முன்னிலையில், "இறந்தவர் தம் குடும்பத்தினர் (அவருக்காக) அழுவதன் காரணமாகவும் புலம்புவதன் காரணமாகவும் கப்ரில் வேதனை செய்யப்படுகிறார்" என்ற கூற்றை இப்னு உமர் (ரழி) அவர்கள் நபி (ஸல்) அவர்களுக்கு உரியதாக்கிக் குறிப்பிட்டார்கள் என்று சொல்லப்பட்டது. அதற்கு ஆயிஷா (ரழி) அவர்கள், "ஆனால் அல்லாஹ்வின் தூதர் (ஸல்) அவர்கள், 'இறந்தவர் தம் குற்றங்களுக்காகவும் பாவங்களுகாகவும் தண்டிக்கப்படுகிறார், அப்போது அவரின் குடும்பத்தினர் அவருக்காக அழுகிறார்கள்' என்று கூறினார்கள்" என்றார்கள்.

மேலும் அவர்கள், "இது, பத்ரில் கொல்லப்பட்ட இணைவைப்பாளர்களின் சடலங்கள் இருந்த கிணற்றின் (ஓரத்தில்) அல்லாஹ்வின் தூதர் (ஸல்) அவர்கள் நின்றபோது, 'நான் சொல்வதை அவர்கள் கேட்கிறார்கள்' என்று கூறியதைப் போன்றதாகும்" என்றார்கள். மேலும் அவர்கள், "ஆனால் அவர் (ஸல்) அவர்கள், 'நான் அவர்களுக்குக் கூறிவந்தது உண்மையே என்பதை இப்போது அவர்கள் நன்றாக அறிந்துகொள்கிறார்கள்' என்று கூறினார்கள்" என்றார்கள். பிறகு ஆயிஷா (ரழி) அவர்கள்: 'நிச்சயமாக நீர் மரித்தோரைக் கேட்கும்படிச் செய்யமுடியாது.' (30:52) மற்றும் 'கப்றுகளில் உள்ளவர்களை நீர் கேட்கும்படிச் செய்யமுடியாது.' (35:22) – அதாவது, அவர்கள் (நரக) நெருப்பில் தங்கள் இடங்களைப் பிடித்துக்கொண்டபோது – என்று ஓதிக் காட்டினார்கள்.