ஜாபிர் (ரழி) அவர்கள் அறிவித்தார்கள்:
பனூ உத்ரா கோத்திரத்தைச் சேர்ந்த ஒருவர், தனது மரணத்திற்குப் பிறகு தனது அடிமைக்கு விடுதலை என்று அறிவித்தார். அந்தச் செய்தி அல்லாஹ்வின் தூதர் (ஸல்) அவர்களுக்கு எட்டியது. அவர்கள், 'அவனைத் தவிர வேறு ஏதேனும் சொத்து உம்மிடம் இருக்கிறதா?' என்று கேட்டார்கள். அதற்கு அவர், 'இல்லை' என்றார். அல்லாஹ்வின் தூதர் (ஸல்) அவர்கள், 'என்னிடம் இருந்து இவனை யார் வாங்குவார்?' என்று கேட்டார்கள். நுஐம் பின் அப்துல்லாஹ் அல்-அதவி (ரழி) அவர்கள் அந்த அடிமையை எண்ணூறு திர்ஹங்களுக்கு வாங்கினார்கள். அல்லாஹ்வின் தூதர் (ஸல்) அவர்கள் அதை (அந்தப் பணத்தைக்) கொண்டு வந்து அவரிடம் கொடுத்தார்கள். பிறகு அவர்கள், 'முதலில் உனக்காக (உன் அத்தியாவசியத் தேவைகளுக்காக) செலவு செய். மீதம் இருந்தால், அதை உன் குடும்பத்தினருக்குக் கொடு. உன் குடும்பத்தினருக்குக் கொடுத்த பிறகும் மீதம் இருந்தால், அதை உன் உறவினர்களுக்குக் கொடு. உன் உறவினர்களுக்குக் கொடுத்த பிறகும் ஏதேனும் மீதம் இருந்தால், அதை உனக்கு முன்னால், உன் வலதுபுறம், உன் இடதுபுறம் என இப்படி இப்படிக் கொடு' என்று கூறினார்கள்.

ஜாபிர் (ரழி) அவர்கள் அறிவித்தார்கள்:

பனூ உத்ராவைச் சேர்ந்த ஒருவர், தனது மரணத்திற்குப் பிறகு தனது அடிமை விடுதலை செய்யப்படுவான் என்று (வாக்குக்) கூறினார். இந்தச் செய்தி அல்லாஹ்வின் தூதர் (ஸல்) அவர்களுக்கு எட்டியதும், அவர்கள் (அவரிடம்), "அவனைத் தவிர வேறு ஏதேனும் சொத்து உன்னிடம் இருக்கிறதா?" என்று கேட்டார்கள். அதற்கு அவர், "இல்லை" என்றார். அல்லாஹ்வின் தூதர் (ஸல்) அவர்கள், "என்னிடம் இருந்து இவனை யார் வாங்குவார்?" என்று கேட்டார்கள். நுஐம் பின் அப்துல்லாஹ் அல்-அதவி (ரழி) அவர்கள் அவனை எண்ணூறு திர்ஹம்களுக்கு வாங்கினார்கள். அப்பணத்தை அவர் அல்லாஹ்வின் தூதர் (ஸல்) அவர்களிடம் கொண்டு வந்தார். அதை அவர்கள் அவரிடம் (முந்தைய உரிமையாளரிடம்) கொடுத்தார்கள். பிறகு கூறினார்கள்: "முதலில் உனக்காகச் செலவிடு; உனக்கே தர்மம் செய் (உன் அத்தியாவசியத் தேவைகளைப் பூர்த்தி செய்). ஏதேனும் மீதம் இருந்தால், அதை உன் குடும்பத்தினருக்குக் கொடு; உன் குடும்பத்தினருக்குக் கொடுத்தது போக ஏதேனும் மீதம் இருந்தால், அதை உன் உறவினர்களுக்குக் கொடு; உன் உறவினர்களுக்குக் கொடுத்தது போக ஏதேனும் மீதம் இருந்தால், இப்படியும், இப்படியும், இப்படியும் (செலவிடு)" என்று கூறி, "உனக்கு முன்னால், உன் வலதுபுறம் மற்றும் உன் இடதுபுறம் (உள்ளவர்களுக்குக் கொடு)" என்றார்கள்.