அபு அல்-பக்தரி அறிவித்தார்கள்:
நான் இப்னு உமர் (ரழி) அவர்களிடம் பேரீச்ச மரங்களின் (பழங்கள் குறித்த) ஸலம் பற்றி கேட்டேன். அவர்கள் பதிலளித்தார்கள், "பேரீச்சம் பழங்கள் (பயன்பாட்டிற்கு) தகுதியானவையாக (முற்றி) ஆகும் வரை அவற்றை விற்பதற்கும், வெள்ளியை (மற்றொரு வெள்ளி அல்லது தங்கத்திற்கு) கடனாக (காலதாமதத்துடன்) பரிமாற்றம் செய்வதற்கும் தடை விதிக்கப்பட்டுள்ளது."

நான் இப்னு அப்பாஸ் (ரழி) அவர்களிடம் பேரீச்ச மரங்களின் (பழங்கள் குறித்த) ஸலம் பற்றி கேட்டேன். அவர்கள் பதிலளித்தார்கள், "நபி (ஸல்) அவர்கள் பேரீச்சம் பழங்கள் உண்ணத் தகுந்தவையாகவும், அவை நிறுக்கப்படும் வரையிலும் அவற்றை விற்பதைத் தடைசெய்தார்கள்."

அபூ அல்-பக்தரி அறிவித்தார்கள்:

நான் இப்னு உமர் (ரழி) அவர்களிடம் பேரீச்சம்பழத்தில் ‘சலம்’ (முன்பண வணிகம்) செய்வது பற்றிக் கேட்டேன். அதற்கு இப்னு உமர் (ரழி) அவர்கள், “நபி (ஸல்) அவர்கள் கனிகள் (முற்றி) நல்ல நிலையை அடையும் வரை அவற்றை விற்பனை செய்வதைத் தடை செய்தார்கள். மேலும், தங்கத்திற்குப் பகரமாக வெள்ளியை, (அதே சபையில்) ஒன்று உடனடியாகவும் மற்றொன்று தாமதமாகவும் (பரிமாற்றம் செய்வதை) தடை செய்தார்கள்” என்று கூறினார்கள்.

நான் இப்னு அப்பாஸ் (ரழி) அவர்களிடமும் கேட்டேன். அதற்கு இப்னு அப்பாஸ் (ரழி) அவர்கள், “நபி (ஸல்) அவர்கள் பேரீச்சம்பழத்தை, அது உண்ணப்படும் வரை அல்லது உண்ணக் கூடியதாகும் வரை, மேலும் அது நிறுக்கப்படும் வரை விற்பனை செய்வதைத் தடை செய்தார்கள்” என்று கூறினார்கள்.

நான், “அது நிறுக்கப்படுவது என்றால் என்ன?” என்று கேட்டேன். (அதற்கு) அவர்களுக்கருகில் இருந்த ஒரு மனிதர், “அது (பறிக்கப்பட்டு) பாதுகாக்கப்படும் வரை (என்று பொருள்)” என்று கூறினார்.