அனஸ் (ரலி) அவர்கள் கூறியதாவது:
"பேரீச்ச மரத்தின் கனிகள் (பழுத்து) நிறம் மாறும் வரை அவற்றை விற்பனை செய்வதை நபி (ஸல்) அவர்கள் தடை செய்தார்கள்." நாங்கள் (அனஸ் அவர்களிடம்), "நிறம் மாறுவது என்றால் என்ன?" என்று கேட்டோம். அதற்கு அவர்கள், "அவை சிவப்பாகவும் மஞ்சளாகவும் மாறுவதாகும்" என்று பதிலளித்தார்கள். (மேலும் நபி (ஸல்) அவர்கள்), "நீங்களே சொல்லுங்கள்! அல்லாஹ் கனிகளைத் தடுத்துவிட்டால் (அதாவது, விளைச்சல் பாதிக்கப்பட்டுவிட்டால்), தன் சகோதரரின் செல்வத்தை எதைக்கொண்டு ஒருவர் (தனக்கு) ஆகுமாக்கிக் கொள்வார்?" என்று கேட்டார்கள்.