அனஸ் இப்னு மாலிக் (ரழி) அவர்கள் கூறினார்கள்:

“ஒரு தையல்காரர் அல்லாஹ்வின் தூதர் (ஸல்) அவர்களை அழைத்து, சுரைக்காய் கலந்த ‘தரீத்’ (ரொட்டி, இறைச்சிக் குழம்பு) உணவைப் பரிமாறினார். அப்போது அல்லாஹ்வின் தூதர் (ஸல்) அவர்கள் (அவ்வுணவிலிருந்து) சுரைக்காயை எடுத்து(ச் சாப்பிட்டு)க் கொண்டிருந்தார்கள். அவர்கள் சுரைக்காயை விரும்புபவர்களாக இருந்தார்கள்.”

ஸாபித் (ரஹ்) அவர்கள் கூறினார்கள்: “அனஸ் (ரழி) அவர்கள், ‘எனக்காகச் சமைக்கப்படும் உணவில் சுரைக்காயைச் சேர்க்க முடியுமானால், அதில் சுரைக்காய் சேர்க்கப்படாமல் இருந்ததில்லை’ என்று கூறுவதை நான் கேட்டேன்.”