அப்பாத் பின் தமீம் அவர்கள் அறிவித்தார்கள்: அவர்களுடைய மாமா (அப்துல்லாஹ் இப்னு ஸைத் இப்னு ஆஸிம் அல்-மாஸினி (ரழி)) அவர்கள் கூறினார்கள்: “நான் அல்லாஹ்வின் தூதர் (ஸல்) அவர்கள் பள்ளிவாசலில் ஒரு காலை மற்றொரு காலின் மீது போட்டவாறு மல்லாந்து படுத்திருந்ததை கண்டேன்.” ஸயீத் பின் அல்-முஸைய்யப் அவர்கள், உமர் (ரழி) அவர்களும் உஸ்மான் (ரழி) அவர்களும் அவ்வாறே செய்வார்கள் என்று அறிவித்தார்கள்.

அப்பாத் பின் தமீம் அவர்களின் பெரிய தந்தை (அப்துல்லாஹ் இப்னு ஸைத் ரழியல்லாஹு அன்ஹு) அறிவித்தார்கள்: நான் அல்லாஹ்வின் தூதர் (ஸல்) அவர்களைப் பள்ளிவாசலில் மல்லாந்து படுத்திருந்த நிலையில், தமது ஒரு காலை மற்றொரு காலின் மீது போட்டுக் கொண்டிருக்கக் கண்டேன்.

அப்பாத் பின் தமீம் அவர்கள், தம் தந்தையின் சகோதரர் (அப்துல்லாஹ் இப்னு ஸைத் அல்-அன்ஸாரி ரழி) வாயிலாக அறிவித்தார்கள்; அவர், அல்லாஹ்வின் தூதர் (ஸல்) அவர்கள் பள்ளிவாசலில் மல்லாந்து படுத்து, ஒரு காலை மற்றொன்றின் மீது வைத்திருந்ததைக் கண்டார்கள்.

அப்பாத் இப்னு தமீம் (ரஹ்) அவர்கள், தமது தந்தையின் சகோதரர் (அப்துல்லாஹ் இப்னு ஸைத் அல்-மாஸினி ரழி) அவர்கள், அல்லாஹ்வின் தூதர் (ஸல்) அவர்களை (கஃநபீயின் அறிவிப்பின்படி) மஸ்ஜிதில் மல்லாந்து படுத்து, தமது ஒரு காலை மற்றொரு காலின் மீது போட்டுக் கொண்டிருக்கக் கண்டதாக அறிவித்தார்கள்.

அப்பாத் பின் தமீம் அவர்கள் தம் தந்தையின் சகோதரர் (அப்துல்லாஹ் இப்னு ஸைத் இப்னு ஆஸிம் அல்-மாஸினி) (ரழி) அவர்களிடமிருந்து அறிவிக்கிறார்கள்: 'அல்லாஹ்வின் தூதர் (ஸல்) அவர்கள் பள்ளிவாசலில் மல்லாந்து படுத்திருந்த நிலையில், ஒரு காலை மற்றொன்றின் மீது வைத்திருந்ததை அவர் கண்டார்.'