தூதர் (ஸல்) அவர்களின் மனைவி ஆயிஷா (ரழி) அவர்கள் கூறினார்கள்:

அல்லாஹ்வின் தூதர் (ஸல்) அவர்களிடம் (சிறுக்) குழந்தைகள் கொண்டு வரப்படுவார்கள். அவர்கள் (ஸல்) அக்குழந்தைகளுக்காக (பரகத் வேண்டி) துஆச் செய்வார்கள்; மேலும் (பேரீச்சம்பழம் போன்றவற்றை மென்று) அக்குழந்தைகளின் வாயில் பூசி விடுவார்கள். (ஒரு முறை) அவர்களிடம் ஒரு சிறுவன் கொண்டுவரப்பட்டான்; அவன் அவர்கள் மீது சிறுநீர் கழித்துவிட்டான். எனவே, அவர்கள் (ஸல்) தண்ணீர் வரவழைத்து, அதைச் சிறுநீரின் மீது ஊற்றினார்களே தவிர, அதைக் (கசக்கிக்) கழுவவில்லை.

ஆயிஷா (ரலி) அவர்கள் கூறினார்கள்:
“அல்லாஹ்வின் தூதர் (ஸல்) அவர்களிடம் சிறுவர்கள் கொண்டு வரப்படுவார்கள். அவர்கள் அச்சிறுவர்களுக்காகப் ‘பரக்கத்’ (அருள் வளம்) வேண்டிப் பிரார்த்திப்பார்கள்.”
யூசுஃப் (தம் அறிவிப்பில்), “மேலும் அவர்களுக்குத் தஹ்னீக் செய்வார்கள் (மென்று ஊட்டுவார்கள்)” என்று அதிகப்படுத்தினார். ஆனால் அவர் ‘பரக்கத்’ பற்றி குறிப்பிடவில்லை.