அப்துல்லாஹ் பின் உமர் (ரழி) அவர்கள் அறிவித்தார்கள்:

அல்லாஹ்வின் தூதர் (ஸல்) அவர்கள் கூறினார்கள்: “ஒரு பெண், ஒரு பூனையின் காரணமாக வேதனை செய்யப்பட்டாள். அப்பூனை பசியால் சாகும் வரை அவள் அதை அடைத்து வைத்திருந்தாள்; அதனால் அவள் நரகத்தில் நுழைந்தாள்.”

மேலும் (நபி (ஸல்) அவர்கள்) கூறினார்கள்: “(அல்லாஹ்வே மிக அறிந்தவன்!) ‘நீ அதை அடைத்து வைத்திருந்தபோது, அதற்கு நீ உணவளிக்கவுமில்லை; அதற்குத் தண்ணீர் புகட்டவுமில்லை; பூமியிலுள்ள புழு பூச்சிகளைத் தின்பதற்காவது அதை நீ விடுவிக்கவுமில்லை’ (என்று அல்லாஹ் கூறினான்).”

அப்துல்லாஹ் பின் உமர் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் கூறினார்கள், "ஒரு பெண், பூனையின் காரணமாக தண்டிக்கப்பட்டாள். அவள் அதை சாகும் வரை சிறைபிடித்து வைத்திருந்தாள். அதன் காரணமாக அவள் நரக நெருப்பில் நுழைந்தாள். ஏனெனில், அவள் அதைக் கட்டிவைத்திருந்தபோது அதற்கு உணவளிக்கவுமில்லை, தண்ணீர் கொடுக்கவுமில்லை; பூமியின் புழு பூச்சிகளைத் தின்பதற்காக அதை அவள் சுதந்திரமாக விடவுமில்லை."

அப்துல்லாஹ் (ரழி) அவர்கள் அறிவித்தார்கள்:
அல்லாஹ்வின் தூதர் (ஸல்) அவர்கள் கூறினார்கள்:

“ஒரு பெண், ஒரு பூனையை அது சாகும் வரை அடைத்து வைத்திருந்த காரணத்தால் வேதனை செய்யப்பட்டாள். அதன் காரணமாக அவள் நரகத்தில் நுழைந்தாள். அவள் அதை அடைத்து வைத்திருந்தபோது, அதற்கு உணவளிக்கவுமில்லை; தண்ணீர் புகட்டவுமில்லை. பூமியிலுள்ள புழு பூச்சிகளைத் தின்பதற்கேனும் அவள் அதை விட்டுவிடவுமில்லை.”

அபூ ஹுரைரா (ரழி) அவர்கள் அறிவித்தார்கள்: அல்லாஹ்வின் தூதர் (ஸல்) அவர்கள் கூறினார்கள்:
“ஒரு பூனையை கட்டி வைத்து, அதற்கு உணவளிக்காமலும், பூமியில் உள்ள புழு பூச்சிகளைத் தின்பதற்காக அதை அவிழ்த்து விடாமலும், அது சாகும் வரை வைத்திருந்த காரணத்தால் ஒரு பெண் நரகத்தில் நுழைந்தாள்.”