அல்லாஹ்வின் தூதர் (ஸல்) அவர்கள் கூறினார்கள்: "அருள் வளம் மிக்கவனும், உயர்ந்தவனுமாகிய அல்லாஹ் கூறுகிறான்: 'யார் ஒரு நன்மையைக் கொண்டு வருகிறாரோ, அவருக்கு அதைப் போன்று பத்து மடங்கு (நன்மை) உண்டு; மேலும் நான் அதிகப்படுத்துவேன். யார் ஒரு தீமையைக் கொண்டு வருகிறாரோ, அத்தீமைக்கான கூலி அதைப் போன்றதே; அல்லது நான் மன்னித்து விடுவேன். யார் ஒரு சாண் அளவு என்னை நெருங்குகிறாரோ, நான் ஒரு முழம் அளவு அவரை நெருங்குகிறேன்; யார் ஒரு முழம் அளவு என்னை நெருங்குகிறாரோ, நான் ஒரு பாகம் (விரிந்த இரு கைகளின்) அளவு அவரை நெருங்குகிறேன்; யார் என்னிடம் நடந்து வருகிறாரோ, நான் அவரிடம் விரைந்து வருகிறேன். பூமி நிறைய பாவங்களுடன், எனக்கு எதையும் இணையாக்காத நிலையில் யார் என்னைச் சந்திக்கிறாரோ, நான் அவரை பூமி நிறைய மன்னிப்புடன் சந்திப்பேன்.'"
وعن أبي ذر، رضي الله عنه ، قال: قال النبي صلى الله عليه وسلم : يقول الله عز وجل: من جاء بالحسنة، فله عشر أمثالها أو أزيد، ومن جاء بالسيئة، فجزاء سيئة سيئة مثلها أوغفر. ومن تقرب مني شبراً ، تقربت منها ذراعا، ومن تقرب منى ذراعاً ، تقربت منه باعاً، ومن أتاني يمشي ، أتيته هرولة، ومن لقينى بقراب الأرض خطيئة لايشرك به شيئاً ، لقيته بمثلها مغفرة ((رواه مسلم)).
அபூதர் (ரழி) அவர்கள் அறிவித்தார்கள்:
நபிகள் நாயகம் (ஸல்) அவர்கள் கூறினார்கள், "சர்வவல்லமையுள்ள அல்லாஹ் கூறுகிறான்: 'எவரொருவர் ஒரு நற்செயல் செய்கிறாரோ, அவருக்கு அது போன்ற பத்து மடங்கு (நற்கூலி) உண்டு, மேலும் நான் அதைவிட அதிகமாகவும் வழங்குவேன்; மேலும் எவரொருவர் ஒரு தீய செயலைச் செய்கிறாரோ, அதற்கான தண்டனை அது போன்றே இருக்கும் அல்லது நான் அவரை மன்னித்து விடுவேன்; எவரொருவர் ஒரு சாண் அளவு என்னை நெருங்குகிறாரோ, நான் ஒரு முழம் அளவு அவரை நெருங்குகிறேன்; எவரொருவர் ஒரு முழம் அளவு என்னை நெருங்குகிறாரோ, நான் ஒரு பாகம் அளவு அவரை நெருங்குகிறேன், எவரொருவர் என்னை நோக்கி நடந்து வருகிறாரோ, நான் அவரை நோக்கி ஓடிச் செல்கிறேன்; மேலும், எனக்கு எதையும் இணையாகக் கருதாத நிலையில், பூமி நிரம்ப பாவங்களுடன் எவரொருவர் என்னைச் சந்திக்கிறாரோ, நான் அவரை அதே அளவு மன்னிப்புடன் சந்திக்கிறேன்'".