அபூ ஸுர்ஆ கூறினார்கள்: மதீனாவில் மர்வான் அவர்களிடம் ஒரு குழுவினர் வந்தார்கள். அப்போது, 'வெளிப்படக்கூடிய அடையாளங்களில் முதலாவது தஜ்ஜாலின் வருகையாக இருக்கும்' என்று அவர் கூறுவதை அவர்கள் கேட்டார்கள்.
அபூ ஸுர்ஆ கூறினார்கள்: பிறகு நான் அப்துல்லாஹ் இப்னு அம்ர் (ரழி) அவர்களிடம் சென்று, அதைப்பற்றி அவர்களிடம் தெரிவித்தேன். அதற்கு அப்துல்லாஹ் (ரழி), 'அவர் (மர்வான்) எதையும் (சரியாகக்) கூறவில்லை. அல்லாஹ்வின் தூதர் (ஸல்) அவர்கள் கூற நான் கேட்டிருக்கிறேன்: 'நிச்சயமாக (மறுமை) அடையாளங்களில் முதலாவது வெளிப்படுவது, சூரியன் அது மறையும் திசையிலிருந்து உதிப்பதாகும்; அல்லது முற்பகல் நேரத்தில் மக்கள் மீது (அந்த) மிருகம் வெளிப்படுவதாகும். இவற்றில் எது முதலில் நிகழ்கிறதோ மற்றொன்று அதனையடுத்து விரைவில் வரும்'' என்று கூறினார்கள்.
(முந்தைய) வேதங்களை வாசிப்பவராக இருந்த அப்துல்லாஹ் (ரழி) அவர்கள் கூறினார்கள்: 'அவ்விரண்டில் முதலில் வெளிப்படுவது, சூரியன் அது மறையும் திசையிலிருந்து உதிப்பதாகும் என நான் கருதுகிறேன்.'

அப்துல்லாஹ் பின் அம்ர் (ரழி) அவர்கள் அறிவிக்கிறார்கள், அல்லாஹ்வின் தூதர் (ஸல்) அவர்கள் கூறினார்கள்:
“முதலில் வெளிப்படும் அடையாளங்கள், சூரியன் மேற்கிலிருந்து உதிப்பதும், முற்பகல் வேளையில் பிராணி (தப்பத்துல் அர்ழ்) மக்களுக்கு வெளிப்படுவதுமாகும்.” அப்துல்லாஹ் (ரழி) அவர்கள் கூறினார்கள்: "அவ்விரண்டில் எது முதலில் வெளிப்பட்டாலும், மற்றொன்று அதைத் தொடர்ந்து விரைவில் வந்துவிடும்." அப்துல்லாஹ் (ரழி) அவர்கள் கூறினார்கள்: "அவ்விரண்டில் முதலில் வெளிப்படுவது சூரியன் மேற்கிலிருந்து உதிப்பதைத் தவிர வேறொன்றாக இருக்காது என்று நான் நினைக்கிறேன்."