அபூ அஸ்ஸாஹிரிய்யா (ரஹ்) அவர்கள் கூறுகிறார்கள்:
நான் வெள்ளிக்கிழமையன்று அப்துல்லாஹ் இப்னு புஸ்ர் (ரலி) அவர்களுக்கு அருகில் அமர்ந்திருந்தேன். அப்போது அவர்கள் கூறினார்கள்: "ஒரு மனிதர் மக்களின் கழுத்துகளைத் தாண்டி (முன் வரிசைக்கு) வந்தார். அப்போது அல்லாஹ்வின் தூதர் (ஸல்) அவர்கள் அவரிடம், 'அமர்ந்து கொள்வீராக! நீர் (மற்றவர்களுக்குத்) தொந்தரவு கொடுத்துவிட்டீர்' என்று கூறினார்கள்."

ஜாபிர் பின் அப்துல்லாஹ் (ரழி) அவர்கள் அறிவித்தார்கள்: ஒரு வெள்ளிக்கிழமை அன்று அல்லாஹ்வின் தூதர் (ஸல்) அவர்கள் பேருரை நிகழ்த்திக் கொண்டிருந்தபோது, ஒரு மனிதர் பள்ளிவாசலுக்குள் நுழைந்தார். அவர் மக்களின் தோள்களைத் தாண்டி (வரிசைகளைக் கடந்து) வரத் தொடங்கியபோது, அல்லாஹ்வின் தூதர் (ஸல்) அவர்கள் கூறினார்கள்: ‘உட்காருங்கள்! நீங்கள் (மக்களுக்கு)த் தொந்தரவு செய்திருக்கிறீர்கள், மேலும் (ஜும்ஆ தொழுகைக்கு) தாமதமாகவும் வந்திருக்கிறீர்கள்.’