புஸ்ர் பின் ஸஈத் அவர்கள் அறிவித்தார்கள்:
ஸைத் பின் காலித் (ரழி) அவர்கள், அவரை (புஸ்ர் பின் ஸஈத் அவர்களை) அபூ ஜுஹைம் (ரழி) அவர்களிடம், தொழுது கொண்டிருக்கும் ஒருவருக்கு முன்னாள் மற்றொருவர் கடந்து செல்வது பற்றி அல்லாஹ்வின் தூதர் (ஸல்) அவர்களிடமிருந்து அவர் (அபூ ஜுஹைம்) என்ன செவியுற்றார் என்பதைக் கேட்பதற்காக அனுப்பினார்கள்.

அபூ ஜுஹைம் (ரழி) அவர்கள் பதிலளித்தார்கள், "அல்லாஹ்வின் தூதர் (ஸல்) அவர்கள் கூறினார்கள், 'தொழுகையில் மற்றொரு நபருக்கு முன்னால் கடந்து செல்லும் நபர் தனது பாவத்தின் அளவை அறிந்திருந்தால், அவர் அவருக்கு முன்னால் கடந்து செல்வதை விட 40 (நாட்கள், மாதங்கள் அல்லது ஆண்டுகள்) காத்திருக்க விரும்புவார்.'"

அபூ அந்-நள்ர் அவர்கள் கூறினார்கள், "அவர்கள் 40 நாட்கள், மாதங்கள் அல்லது ஆண்டுகள் என்று கூறினார்களா என்பது எனக்கு சரியாக நினைவில் இல்லை."

புஸ்ர் இப்னு ஸஈத் அவர்கள் அறிவித்தார்கள், ஸைத் இப்னு காலித் அல்ஜுஹனீ (ரழி) அவர்கள், தொழுபவருக்கு முன்னால் செல்பவர் தொடர்பாக அல்லாஹ்வின் தூதர் (ஸல்) அவர்களிடமிருந்து தாம் செவியுற்றது என்னவென்பதை அபூ ஜுஹைம் (ரழி) அவர்களிடம் கேட்பதற்காக அவரை அனுப்பினார்கள். அபூ ஜுஹைம் (ரழி) அவர்கள் அறிவித்தார்கள், அல்லாஹ்வின் தூதர் (ஸல்) அவர்கள் கூறினார்கள்:

தொழுது கொண்டிருக்கும் ஒரு மனிதருக்கு முன்னால் கடந்து செல்பவர், அதனால் தமக்கு ஏற்படும் பொறுப்பை அறிவாரேயானால், அவர் அவருக்கு முன்னால் கடந்து செல்வதை விட நாற்பது (ஆண்டுகள்) அசையாமல் நிற்பார்; அபூ நழ்ர் அவர்கள் கூறினார்கள்: "(அவர்கள்) நாற்பது நாட்கள் அல்லது மாதங்கள் அல்லது ஆண்டுகள் என்று கூறினார்களா என எனக்குத் தெரியாது."

புஸ்ர் பின் சயீத் அவர்கள் அறிவித்தார்கள்:
ஸைத் பின் காலித் (ரழி) அவர்கள், தொழுகின்ற ஒருவருக்குக் குறுக்கே செல்பவரைப் பற்றி அல்லாஹ்வின் தூதர் (ஸல்) அவர்கள் என்ன கூறக் கேட்டீர்கள் என்று அபூ ஜுஹைம் (ரழி) அவர்களிடம் கேட்டுவருமாறு இவரை அனுப்பினார்கள். அபூ ஜுஹைம் (ரழி) அவர்கள் கூறினார்கள்: "அல்லாஹ்வின் தூதர் (ஸல்) அவர்கள் கூறினார்கள்: "தொழுகின்ற ஒருவருக்குக் குறுக்கே செல்பவன், அதனால் தனக்கு ஏற்படும் (பாவத்தின் சுமை) என்ன என்பதை அறிந்திருந்தால், அவருக்குக் குறுக்கே செல்வதை விட நாற்பது காலம் நிற்பது அவனுக்குச் சிறந்ததாக இருக்கும்."