இப்னு அப்பாஸ் (ரழி) அவர்கள் அறிவித்தார்கள்:
மைமூனா (ரழி) அவர்களின் விடுதலை செய்யப்பட்ட ஒரு அடிமைப் பெண்ணுக்குத் தர்மமாக வழங்கப்பட்டிருந்த செத்த ஆடு ஒன்றை நபி (ஸல்) அவர்கள் கண்டார்கள். நபி (ஸல்) அவர்கள், "இதன் தோலிலிருந்து நீங்கள் பயனடையக் கூடாதா?" என்று கேட்டார்கள். அதற்கு அவர்கள், "அது செத்துவிட்டது" என்று கூறினார்கள். நபி (ஸல்) அவர்கள், "(அதன் இறைச்சியை) உண்பது மட்டுமே ஹராம்" என்று கூறினார்கள்.

இப்னு அப்பாஸ் (ரழி) அவர்கள் அறிவித்தார்கள்: அல்லாஹ்வின் தூதர் (ஸல்) அவர்கள், மைமூனா (ரழி) அவர்களின் விடுவிக்கப்பட்ட அடிமைப் பெண்ணுக்கு தர்மமாக வழங்கப்பட்டிருந்த ஒரு இறந்த ஆட்டைக் கண்டார்கள். அப்போது அல்லாஹ்வின் தூதர் (ஸல்) அவர்கள், "(நீங்கள்) ஏன் அதன் தோலைப் பயன்படுத்திக் கொள்ளக் கூடாது?" என்று கேட்டார்கள். அதற்கு அவர்கள் (தோழர்கள்), "அது செத்த பிராணி (ஆச்சே)!" என்று கூறினார்கள். அதற்கு நபியவர்கள், "அதை உண்பதுதான் தடுக்கப்பட்டுள்ளது (அதன் தோலைப் பயன்படுத்துவது தடுக்கப்படவில்லை)" என்று கூறினார்கள்.