அனஸ் (ரலி) அவர்கள் அறிவிக்கிறார்கள்:
யூதர்களிடம், அவர்களில் ஒரு பெண்ணுக்கு மாதவிடாய் ஏற்பட்டால், அவர்கள் அப்பெண்ணுடன் சேர்ந்து உண்ணவோ பருகவோ மாட்டார்கள்; மேலும் வீடுகளில் அவர்களுடன் சேர்ந்து வசிக்கவும் மாட்டார்கள். எனவே, (நபித்தோழர்கள்) அல்லாஹ்வின் தூதர் (ஸல்) அவர்களிடம் அதைப் பற்றிக் கேட்டார்கள். அப்போது கண்ணியமும் வல்லமையும் மிக்க அல்லாஹ், "(நபியே!) மாதவிடாய் பற்றி அவர்கள் உம்மிடம் கேட்கிறார்கள். நீர் கூறும்: அது ஒரு தொல்லையாகும்" (திருக்குர்ஆன் 2:222) என்ற வசனத்தை அருளினான். எனவே அல்லாஹ்வின் தூதர் (ஸல்) அவர்கள், "(அப்பெண்களுடன்) சேர்ந்து உண்ணவும் பருகவும், வீடுகளில் அவர்களுடன் சேர்ந்து வசிக்கவும், தாம்பத்திய உறவைத் தவிர மற்ற அனைத்தையும் அவர்களுடன் செய்து கொள்ளவும்" அவர்களுக்குக் கட்டளையிட்டார்கள்.