அல்லாஹ்வின் தூதர் (ஸல்) அவர்கள் என் தந்தையிடம் வந்தார்கள். நாங்கள் அவர்களுக்கு ஓர் உணவையும், ‘வத்பா’ (பேரீச்சம்பழம், பாலாடைக்கட்டி மற்றும் நெய் ஆகியவற்றாலான ஒரு கலவை)வையும் கொண்டு வந்தோம். அவர்கள் அதிலிருந்து சாப்பிட்டார்கள். பின்னர் அவர்களுக்குப் பேரீச்சம்பழம் கொண்டு வரப்பட்டது. அவர்கள் அவற்றைச் சாப்பிட்டுவிட்டு, தம் ஆள்காட்டி விரலையும் நடுவிரலையும் ஒன்றாகச் சேர்த்து, அந்த இரு விரல்களுக்கிடையே கொட்டைகளைப் போடுபவர்களாக இருந்தார்கள். (அறிவிப்பாளர் ஷுஅபா அவர்கள் கூறினார்கள்: “பேரீச்சம்பழக் கொட்டைகளை இரு விரல்களுக்கு இடையில் போடுதல் என்பது எனது நினைவில் உள்ளதாகும்; இன்ஷா அல்லாஹ்.”)
பிறகு, அவர்களுக்கு ஒரு பானம் கொண்டுவரப்பட்டது. அதை அவர்கள் அருந்தினார்கள். பிறகு அதைத் தம் வலது புறத்தில் இருந்தவருக்குக் கொடுத்தார்கள். (அப்துல்லாஹ் கூறினார்:) என் தந்தை, நபியவர்களின் வாகனத்தின் கடிவாளத்தைப் பிடித்துக்கொண்டு, "எங்களுக்காக அல்லாஹ்விடம் பிரார்த்தனை செய்யுங்கள்" என்று வேண்டிக்கொண்டார்கள். அப்போது அவர்கள் (ஸல்) கூறினார்கள்:
(பொருள்: யா அல்லாஹ்! நீ அவர்களுக்கு வாழ்வாதாரமாக வழங்கியவற்றில் பரக்கத் செய்வாயாக; மேலும் அவர்களை மன்னிப்பாயாக; மேலும் அவர்கள் மீது கருணை காட்டுவாயாக).
பனூ சுலைமைச் சேர்ந்த அப்துல்லாஹ் இப்னு புஸ்ர் (ரழி) அவர்கள் கூறினார்கள்:
அல்லாஹ்வின் தூதர் (ஸல்) அவர்கள் என் தந்தையிடம் வந்தார்கள்; அவருக்கு விருந்தினராகத் தங்கினார்கள். அவர் (என் தந்தை) அவர்களுக்கு உணவு கொண்டு வந்தார் - அவர் 'ஹைஸ்' கொண்டு வந்ததாகக் குறிப்பிட்டார். பிறகு அவர் ஒரு பானம் கொண்டு வந்தார்; அதை அவர்கள் குடித்துவிட்டு, தங்களின் வலதுபுறத்தில் இருந்தவருக்குக் கொடுத்தார்கள். அவர்கள் உலர்ந்த பேரீச்சம்பழங்களைச் சாப்பிட்டு, அதன் கொட்டைகளைத் தங்களின் ஆட்காட்டி விரல் மற்றும் நடுவிரல் ஆகிய இரு விரல்களின் பின்புறத்தில் வைக்கத் தொடங்கினார்கள். அவர்கள் எழுந்தபோது, என் தந்தையும் எழுந்து, அவர்களின் வாகனத்தின் கடிவாளத்தைப் பிடித்தார். அவர் கூறினார்: "எனக்காக அல்லாஹ்விடம் பிரார்த்தனை செய்யுங்கள்." அவர்கள் கூறினார்கள்:
(பொருள்: யா அல்லாஹ், நீ அவர்களுக்கு (அதாவது, அப்துல்லாஹ் இப்னு புஸ்ரின் குடும்பத்தாருக்கு) வழங்கியவற்றில் பரக்கத் செய்வாயாக! அவர்களுக்கு மன்னிப்பளிப்பாயாக! மேலும் அவர்கள் மீது கருணை காட்டுவாயாக!)