அப்துல்லாஹ் (இப்னு உமர்) (ரழி) அவர்கள் அறிவித்தார்கள்: அல்லாஹ்வின் தூதர் (ஸல்) அவர்கள் ‘முஸாபனா’வைத் தடை செய்தார்கள். (முஸாபனா என்பது) மரத்திலுள்ள (பழுக்காத அல்லது பழுத்த, ஆனால் பறிக்கப்படாத) பேரீச்சம்பழங்களை (பறித்து உலர்த்தப்பட்ட) பேரீச்சம்பழங்களுக்குப் பகரமாக அளவின் அடிப்படையில் விற்பதும், (பறிக்கப்படாத) திராட்சைப் பழங்களை (பறித்து உலர்த்தப்பட்ட) உலர்ந்த திராட்சைகளுக்குப் பகரமாக அளவின் அடிப்படையில் விற்பதும், (நிலத்திலுள்ள, அறுவடை செய்யப்படாத) பயிரைக் (அறுவடை செய்யப்பட்ட) கோதுமைக்குப் பகரமாக அளவின் அடிப்படையில் விற்பதும் ஆகும்.