நபி (ஸல்) அவர்கள் மிம்பரின் (உயரமான மேடையின்) மீது உரையாற்றிக் கொண்டிருக்கும்போது, "{வலிமன் காஃப மகாம ரப்பிஹீ ஜன்னதான்}" (தன் இறைவனின் சந்நிதியில் நிற்பதை அஞ்சியவருக்கு இரண்டு சொர்க்கங்கள் உண்டு - அல்குர்ஆன் 55:46) என்று ஓதுவதை நான் செவியுற்றேன்.
உடனே நான், "அல்லாஹ்வின் தூதரே! அவன் விபச்சாரம் செய்திருந்தாலும், திருடியிருந்தாலுமா (அவனுக்கு இந்தச் சொர்க்கங்கள் உண்டு)?" என்று கேட்டேன்.
நபி (ஸல்) அவர்கள் இரண்டாவது முறையாகவும், "{வலிமன் காஃப மகாம ரப்பிஹீ ஜன்னதான்}" (தன் இறைவனின் சந்நிதியில் நிற்பதை அஞ்சியவருக்கு இரண்டு சொர்க்கங்கள் உண்டு) என்று ஓதினார்கள்.
நான் இரண்டாவது முறையாகவும், "அல்லாஹ்வின் தூதரே! அவன் விபச்சாரம் செய்திருந்தாலும், திருடியிருந்தாலுமா?" என்று கேட்டேன்.
நபி (ஸல்) அவர்கள் மூன்றாவது முறையாகவும், "{வலிமன் காஃப மகாம ரப்பிஹீ ஜன்னதான்}" (தன் இறைவனின் சந்நிதியில் நிற்பதை அஞ்சியவருக்கு இரண்டு சொர்க்கங்கள் உண்டு) என்று ஓதினார்கள்.
நான் மூன்றாவது முறையாகவும், "அல்லாஹ்வின் தூதரே! அவன் விபச்சாரம் செய்திருந்தாலும், திருடியிருந்தாலுமா?" என்று கேட்டேன்.
அதற்கு நபி (ஸல்) அவர்கள், "ஆம், அபுத்தர்தாவின் மூக்கு மண்ணில் தேய்க்கப்பட்டாலும் (அபுத்தர்தாவிற்கு இது வியப்பாகவோ அல்லது விருப்பமில்லாமலோ இருந்தாலும்) சரியே!" என்று பதிலளித்தார்கள்.
ஹதீஸ் தரம் : இஸ்னாதுஹு ஸஹீஹ் (இதன் அறிவிப்பாளர் தொடர் ஆதாரபூர்வமானது)