101:1. திடுக்கிடச் செய்யும் (நிகழ்ச்சி).

101:1. (மரணித்தவர்களையும்) திடுக்கிடச் செய்யும் சம்பவம்!

101:1. பயங்கரமான நிகழ்ச்சி!

101:1. (தன் அமளியினால் இதயங்களைத்) தட்டக்கூடியது.

101:2. திடுக்கிடச் செய்யும் (நிகழ்ச்சி) என்ன?

101:2. (அத்தகைய) திடுக்கிடச் செய்யும் சம்பவம் என்ன?

101:2. அந்த பயங்கரமான நிகழ்ச்சி என்ன?

101:2. தட்டக்கூடியது என்றால் என்ன?

101:3. திடுக்கிடச் செய்யும் (நிகழ்ச்சி) என்ன வென்று உமக்கு எது அறிவித்தது?

101:3. (நபியே!) திடுக்கிடச் செய்யும் சம்பவம் இன்னதென்று நீர்அறிவீரா?

101:3. அந்தப் பயங்கரமான நிகழ்ச்சி எதுவென்று உமக்குத் தெரியுமா, என்ன?

101:3. (நபியே!) தட்டக்கூடியது என்னவென்று உமக்கு அறிவித்தது எது?

101:4. அந்நாளில் சிதறடிக்கப்படட ஈசல்களைப் போன்று மனிதர்கள் ஆகிவிடுவார்கள்.

101:4. அந்நாளில் மனிதர்கள் சிதறிக்கிடக்கும் ஈசல்களைப் போல் ஆகிவிடுவார்கள்.

101:4. அந்நாளில் மக்கள், சிதறிக் கிடக்கும் ஈசல்கள் போலவும்

101:4. அந்நாளில் மனிதர்கள் சிதறடிக்கப்பட்ட ஈசல்களைப்போல் ஆகிவிடுவார்கள்.

101:5. மேலும், மலைகள் கொட்டப்பட்ட பஞ்சைப் போன்று ஆகிவிடும்.

101:5. கொட்டப்பட்ட பஞ்சுகளைப்போல் மலைகள் ஆகிவிடும்.

101:5. மேலும், மலைகள் கடையப்பட்ட வண்ண வண்ணக் கம்பளியைப் போலவும் ஆகிவிடும்!

101:5. இன்னும் மலைகள் கொட்டப்(பட்டு சாயம் ஏற்றப்)பட்ட பஞ்சைப்போன்று ஆகிவிடும்.

101:6. எனவே, (அந்நாளில்) எவருடைய (நன்மையின்) நிறை கனத்ததோ-

101:6. எவருடைய (நன்மையின்) எடை கனத்ததோ,

101:6. பிறகு, எவருடைய எடைத்தட்டுகள் கனத்திருக்குமோ

101:6. ஆகவே, எவருடைய (நன்மையின்) எடை கனத்ததோ,

101:7. அவர் திருப்தி பொருந்திய வாழ்வில் இருப்பார்.

101:7. அவர் திருப்தியுள்ள வாழ்க்கையில் (சுகமாக) வாழ்ந்திருப்பார்.

101:7. அவர் மனத்திற்குகந்த வாழ்வைப் பெறுவார்.

101:7. அவர் திருப்தியுள்ள வாழ்க்கையில் (சுகமாக வாழ்ந்து கொண்)டு இருப்பார்.

101:8. ஆனால் எவனுடைய (நன்மையின்) நிறை இலேசாக இருக்கிறதோ-

101:8. எவனுடைய (நன்மையின்) எடை இலேசாகி(ப் பாவ எடை கனத்து) விட்டதோ,

101:8. மேலும், எவருடைய எடைத்தட்டுகள் இலேசாக இருக்குமோ

101:8. மேலும், எவருடைய (நன்மையின்) எடை இலேசாகி)ப் பாவ எடை கனத்துவிட்டதோ,

101:9. அவன் தங்குமிடம் “ஹாவியா” தான்.

101:9. அவன் தங்குமிடம் ஹாவியாதான்.

101:9. அவருடைய தங்குமிடம் ஆழமான படுகுழிதான்!

101:9. அவர் தங்குமிடம் “ஹாவியா”தான்.

101:10. இன்னும் (“ஹாவியா”) என்ன என்று உமக்கு அறிவித்தது எது?

101:10. அந்த ஹாவியா இன்னதென்று (நபியே!) நீர் அறிவீரா?

101:10. அது என்னவென்று உமக்குத் தெரியுமா, என்ன?

101:10. அ(ந்த ஹாவியாவான)து என்னவென்று உமக்கு அறிவித்தது எது?

101:11. அது சுட்டெரிக்கும் (நரகத்தின்) தீக்கிடங்காகும்.

101:11. (அதுதான்) கனிந்து கொண்டிருக்கும் (நரக) நெருப்பாகும்.

101:11. கொழுந்து விட்டெரியும் நெருப்பு!

101:11. (அதுதான்) கடுமையாக சூடேற்றப்பட்ட (நரக) நெருப்பாகும்.