94:1. நாம், உம் இதயத்தை உமக்காக விரிவாக்கவில்லையா?

94:1. (நபியே!) உமது உள்ளத்தை நாம் உமக்கு விரிவாக்கவில்லையா?

94:1. (நபியே!) நாம் உம்முடைய இதயத்தை உமக்காக விரிவாக்கித் தரவில்லையா?

94:1. (நபியே!) உமது நெஞ்சை உமக்காக நாம் விரிவாக்கவில்லையா?

94:2. மேலும், நாம் உம்மை விட்டும் உம் சுமையை இறக்கினோம்.

94:2. உமது சுமையையும் உம்மைவிட்டும் நாம் இறக்கிவிட்டோம்.

94:2. மேலும், உம்முடைய சுமையை உம்மைவிட்டு நாம் இறக்கிவைத்தோம்.

94:2. மேலும், உமது சுமையை உம்மைவிட்டும் நாம் இறக்கிவிட்டோம்.

94:3. அது உம் முதுகை முறித்துக் கொண்டிருந்தது.

94:3. அது, உமது இடுப்பையே முறித்துக் கொண்டிருந்தது.

94:3. (அது) உம்முடைய முதுகை முறித்துக் கொண்டிருந்தது.

94:3. அ(ச்சுமையான)து எத்தகையதென்றால், உமது முதுகை முறித்து(உமக்குப் பளுவாகி) விட்டது.

94:4. மேலும், நாம் உமக்காக உம்முடைய புகழை மேலோங்கச் செய்தோம்.

94:4. உமது கீர்த்தியையும் நாம் உயர்த்தினோம்.

94:4. மேலும், உமக்காக உம் புகழினை உயர்த்தினோம்.

94:4. உமது நினைவை (கீர்த்தியை) உமக்காக நாமே உயர்த்தினோம்.

94:5. ஆதலின் நிச்சயமாகத் துன்பத்துடன் இன்பம் இருக்கிறது.

94:5. நிச்சயமாக சிரமத்துடன் சௌகரியம் இருக்கிறது.

94:5. உண்மையில் சிரமத்துடன் இலகுவும் இருக்கின்றது.

94:5. ஆகவே, நிச்சயமாக கஷ்டத்துடன் இலேசு இருக்கிறது.

94:6. நிச்சயமாக துன்பத்துடன் இன்பம் இருக்கிறது.

94:6. மெய்யாகவே சிரமத்துடன் சௌகரியம் இருக்கிறது.

94:6. திண்ணமாக, சிரமத்துடன் இலகுவும் இருக்கிறது.

94:6. நிச்சயமாக கஷ்டத்துடன் இலேசு இருக்கிறது.

94:7. எனவே, (வேலைகளிலிருந்து) நீர் ஓய்ந்ததும் (இறைவழியிலும், வணக்கத்திலும்) முயல்வீராக.

94:7. ஆகவே, (மார்க்கப் பிரச்சாரத்திலிருந்து) நீர் விடுபட்டதும், (இறைவனை வணங்குவதற்கு) சிரத்தை எடுப்பீராக.

94:7. எனவே, நீர் ஓய்வு பெறும்போது வணக்க வழிபாட்டின் கடும் உழைப்பில் முனைப்புடன் ஈடுபடுவீராக!

94:7. ஆகவே, நீர் (உலகக் காரியங்களிலிருந்து விடுபட்டால் (தொழுவதற்கு) நீர் சிரத்தை எடுத்துக் கொள்வீராக!

94:8. மேலும், முழு மனத்துடன் உம் இறைவன் பால் சார்ந்து விடுவீராக.

94:8. மேலும், (துன்பத்திலும் இன்பத்திலும்) உமது இறைவனையே நீர் நோக்கி நிற்பீராக!

94:8. மேலும், உம் இறைவனின் பக்கமே ஆர்வம் கொள்வீராக!

94:8. மேலும், உமதிரட்சகன் பக்கம் நீர் விருப்பம் கொள்வீராக!