6:48. (நன்மையைக் கொண்டு) நன்மாராயம் கூறுவோராகவும், (தீமையை விட்டு) எச்சரிக்கை செய்வோராகவுமேயன்றி நாம் தூதர்களை அனுப்பவில்லை; எனவே, எவர்கள் நம்பிக்கை கொண்டு சீர்திருத்திக் கொண்டனரோ, அவர்களுக்கு அச்சமுமில்லை; அவர்கள் துக்கப்படவும் மாட்டார்கள்.

6:51. இன்னும், எவர்கள் தங்கள் இறைவன் முன் (மறுமையில்) ஒன்று திரட்டப்படுவது பற்றி பயப்படுகிறார்களோ, அவர்களுக்கு அவனைத் தவிர பாதுகாப்பளிப்பவனோ, பரிந்துபேசுபவனோ வேறு யாரும் இல்லை என்று, (குர்ஆனாகிய) இதனைக் கொண்டு எச்சரிக்கை செய்வீராக! இதனால் அவர்கள் (இறைவனை) அஞ்சுவர்.

6:92. (குர்ஆனாகிய) இது வேதமாகும்; இதனைப் பாக்கியம் செய்யப்பட்டதாகவும், தனக்கு முன்னுள்ள (வேதத்)தை மெய்ப்படுத்துவதாகவும் நாம் இறக்கிவைத்துள்ளோம்; (இதைக்கொண்டு) தாய் நகர(மாகிய மக்கா) வாசிகளையும், அதனைச் சுற்றியுள்ளவர்களையும் அச்சமூட்டி எச்சரிக்கை செய்வதற்காகவும் (நாம் இதனை அருளினோம்); எவர்கள் மறுமையை நம்புகிறார்களோ அவர்கள் இதை நம்புவார்கள்; இன்னும், அவர்கள் தங்கள் தொழுகையைப் பேணுவார்கள்.

7:2. இது வேதமாகும்; (நபியே!) இதன் மூலம் நீர் எச்சரிக்கை செய்வதற்காகவும், நம்பிக்கையாளர்களுக்கு உபதேசமாகவும் உமக்கு இது அருளப்பட்டுள்ளது; எனவே, இதனால் உமது உள்ளத்தில் கலக்கம் ஏற்பட வேண்டாம்.

10:73. அப்பொழுதும் அவர்கள் அவரைப் பொய்யரெனவே கூறினார்கள்; ஆகவே, நாம் அவரையும், அவருடன் இருந்தவர்களையும் கப்பலில் ஏற்றிக் காப்பாற்றினோம்; மேலும், அவர்களை (முன்னவர்களுக்குப் பூமியில்) பின் தோன்றல்களாகவும் ஆக்கினோம்; நம்முடைய அத்தாட்சிகளைப் பொய்யெனக் கூறியவர்களை நாம் மூழ்கடித்தோம்; அச்சமூட்டி எச்சரிக்கை செய்யப்பட்டவர்களின் முடிவு என்ன ஆயிற்று என்பதை (நபியே!) நீர் கவனிப்பீராக!

11:25. நிச்சயமாக நாம் நூஹை அவருடைய சமூகத்தாரிடம் அனுப்பிவைத்தோம்; (அவர், அவர்களை நோக்கி) "நிச்சயமாக நான் உங்களுக்குப் பகிரங்கமாக அச்சமூட்டி எச்சரிக்கை செய்பவன்."

14:44. எனவே, அத்தகைய வேதனை அவர்களிடம் வரும் நாளை (நபியே!) நீர் மனிதர்களுக்கு அச்சமூட்டி எச்சரிக்கை செய்வீராக! அப்போது அநியாயம் செய்தவர்கள்: "எங்கள் இறைவனே! எங்களுக்குச் சற்றே அவகாசம் கொடுப்பாயாக! உன்னுடைய அழைப்பை நாங்கள் ஏற்றுக்கொள்கிறோம்; (உன்னுடைய) தூதர்களையும் பின்பற்றுகிறோம்" என்று சொல்வார்கள். (அதற்கு இறைவன்) "உங்களுக்கு முடிவேயில்லை என்று இதற்கு முன்னர் நீங்கள் சத்தியம் செய்துகொண்டிருக்கவில்லையா?" (என்றும்.)

16:2. அவன், தன் அடியார்களில் தான் நாடியவர் மீது தன் கட்டளையிலிருந்து "நிச்சயமாக (வணக்கத்திற்குரிய) இறைவன், என்னைத் தவிர வேறு யாருமில்லை; ஆகையால், நீங்கள் எனக்கே அஞ்சுங்கள் என (மக்களுக்கு) எச்சரிக்கை செய்யுங்கள்" என்ற வஹீயைக் கொண்டு மலக்குகளை இறக்கி வைக்கிறான்.

18:56. இன்னும், நாம் தூதர்களை நன்மாராயம் கூறுபவர்களாகவும், அச்சமூட்டி எச்சரிக்கை செய்பவர்களாகவும் அல்லாமல் அனுப்பவில்லை; எனினும், நிராகரிப்பாளர்களோ பொய்யைக்கொண்டு தர்க்கம் செய்கிறார்கள் - அதன் மூலம் சத்தியத்தை அழித்துவிடுவதற்காக; (எனினும்) என்னுடைய அத்தாட்சிகளையும், அச்சமூட்டி எச்சரிக்கை செய்யப்பட்டதையும் பரிகாசமாகவே எடுத்துக் கொள்கின்றனர்.

19:39. மேலும், (நபியே!) தீர்ப்பு அளிக்கப்படும் அந்த கைசேதப்படக்கூடிய நாளைக் குறித்து, நீர் அவர்களுக்கு அச்சமூட்டி எச்சரிக்கை செய்வீராக! எனினும், அவர்கள் (அது பற்றி) மறதியிலுள்ளவர்களாகவும், நம்பாதவர்களாகவும் இருக்கின்றார்கள்.

19:97. (நபியே!) நாம் இ(வ்வேதத்)தை உம்முடைய மொழியில் (அரபியில்) எளிதாக்கியதெல்லாம், இதைக் கொண்டு (நம்மை) அஞ்சுவோருக்கு நீர் நன்மாராயம் கூறவும், வீண் வாதம் செய்யும் மக்களுக்கு இதைக் கொண்டு அச்சமூட்டி எச்சரிக்கை செய்வதற்குமேயாகும்.

21:45. "நிச்சயமாக நான் உங்களுக்கு எச்சரிக்கை செய்வதெல்லாம் 'வஹீ' மூலம் தான்" என்று (நபியே!) நீர் கூறும்; எனினும், செவிடர்கள் அச்சமூட்டி எச்சரிக்கப்படும் போது (அவர்கள் நேர்வழி பெறும்) அந்த அழைப்பைச் செவிமடுக்கமாட்டார்கள்.

25:1. உலகத்தார் யாவரையும் அச்சமூட்டி எச்சரிக்கை செய்வதற்காக (சத்தியத்தையும் அசத்தியத்தையும் தெளிவாகப்) பிரித்தறிவிக்கும் இவ்வேதத்தைத் தன் அடியார் மீது இறக்கியவன் மிக்க பாக்கியமுடையவன்.

25:56. இன்னும், (நபியே!) நாம் உம்மை நன்மாராயம் கூறுபவராகவும், அச்சமூட்டி எச்சரிக்கை செய்பவராகவுமே அல்லாமல் அனுப்பவில்லை.

26:214. இன்னும், உம்முடைய நெருங்கிய உறவினர்களுக்கு அச்சமூட்டி எச்சரிக்கை செய்வீராக!

27:92. இன்னும், குர்ஆனை ஓதிவரவும் (நான் ஏவப்பட்டுள்ளேன்); ஆகவே, எவர் நேர்வழியை அடைகிறாரோ, அவர் நேர்வழியடைவது அவர் நன்மைக்கேயாகும்; அன்றியும், எவர் வழி கெடுகிறாரோ (அவருக்குக்) கூறுவீராக: "நிச்சயமாக நான் அச்சமூட்டி எச்சரிக்கை செய்பவன்தான்."

28:46. இன்னும், நாம் (மூஸாவை) அழைத்தபோது நீர் தூர் மலையின் பக்கத்தில் இருக்கவுமில்லை; எனினும், ஒரு கூட்டத்தினருக்கு - உமக்கு முன்னர் அச்சமூட்டி எச்சரிக்கை செய்பவர் வராத (இச்) சமூகத்தாருக்கு நீர் அச்சமூட்டி எச்சரிப்பதற்காகவும் அவர்கள் படிப்பினை பெறுவதற்காகவும் உமக்கு உம் இறைவனிடமிருந்து அருட்கொடையாக (இவை கூறப்படுகிறது).

29:50. "அவருடைய இறைவனிடமிருந்து அவர் மீது அத்தாட்சிகள் ஏன் இறக்கப்படவில்லை?" என்றும் அவர்கள் கேட்கிறார்கள்; "அத்தாட்சிகளெல்லாம் அல்லாஹ்விடம் உள்ளன; நிச்சயமாக நான் வெளிப்படையாக அச்சமூட்டி எச்சரிக்கை செய்பவன்தான்" என்று (நபியே!) நீர் கூறுவீராக!

34:28. இன்னும், (நபியே!) நாம் உம்மை மனிதகுலம் முழுமைக்கும் நன்மாராயம் கூறுபவராகவும், அச்சமூட்டி எச்சரிக்கை செய்பவராகவுமே அன்றி (வேறெவ்வாறும்) அனுப்பவில்லை; ஆனால், மனிதர்களில் பெரும்பாலோர் (இதை) அறியமாட்டார்கள்.

34:44. எனினும், (இதற்குமுன்) நாம் (உங்களை நிராகரிக்கும் அரபிகளாகிய) இவர்களுக்கு இவர்கள் ஓதக்கூடிய வேதங்கள் எதையும் கொடுக்கவில்லை; உமக்கு முன்னர், நாம் இவர்களிடம் அச்சமூட்டி எச்சரிக்கை செய்பவரையும் அனுப்பவில்லை.

34:46. "நான் உங்களுக்கு உபதேசிப்பது ஒரே ஒரு விஷயத்தைப் பற்றித்தான்; நீங்கள் இரண்டிரண்டு பேர்களாகவோ, தனித்தனியாகவோ அல்லாஹ்வுக்காக எழுந்து (நின்று) பின்னர் சிந்தித்துப் பாருங்கள்" என்று (நபியே!) நீர் கூறும்; "உங்கள் தோழருக்குப் பைத்தியம் எதுவுமில்லை; உங்களுக்குக் கடினமான வேதனை வருவதற்கு முன்னர் அச்சமூட்டி எச்சரிக்கை செய்பவரல்லாமல் அவர் வேறில்லை."

35:18. (மறுமைநாளில் தன்) சுமையைச் சுமக்கும் ஒருவன் வேறொருவனுடைய சுமையைச் சுமக்க மாட்டான்; அன்றியும், பளுவான சுமையைச் சுமப்பவன், அதில் (சிறிதேனும்) சுமந்து கொள்ளும்படி (வேறொருவனை) அழைத்தாலும், அவன் சொந்தக்காரனாக இருந்தபோதிலும் - அதில் சிறிதளவுகூட அவ்வாறு சுமந்துகொள்ளப்படாது; எவர்கள், மறைவிலும் தங்கள் இறைவனை அஞ்சி, தொழுகையையும் நிலைநாட்டுகின்றார்களோ அவர்களையே நீர் எச்சரிக்கை செய்வீர்; எவர் பரிசுத்தமாக இருக்கிறாரோ அவர், தம் நன்மைக்காகவே பரிசுத்தமாக இருக்கிறார்; அல்லாஹ்விடமே யாவும் மீண்டு செல்ல வேண்டியுள்ளது.

35:24. நிச்சயமாக நாம் உம்மை உண்மையைக் கொண்டு நன்மாராயம் கூறுபவராகவும், அச்சமூட்டி எச்சரிப்பவராகவுமே அனுப்பியுள்ளோம்; அச்சமூட்டி எச்சரிக்கை செய்பவர் வராத எந்தச் சமுதாயத்தவரும் (பூமியில்) இல்லை.

36:10. இன்னும், அவர்களை நீர் அச்சமூட்டி எச்சரிக்கை செய்வதும் அல்லது அவர்களுக்கு அச்சமூட்டி எச்சரிக்கை செய்யாமலிருப்பதும் அவர்களுக்குச் சமமேதான்; அவர்கள் நம்பிக்கை கொள்ளமாட்டார்கள்.

36:11. நீர் அச்சமூட்டி எச்சரிக்கை செய்வதெல்லாம், உபதேசத்தைப் பின்பற்றி யார் மறைவாகவும் அளவற்ற அருளாளனுக்கு அஞ்சுகிறாரோ அவரைத்தான்; அ(த்தகைய)வருக்கு மன்னிப்பும் மகத்தான (நற்)கூலியும் உண்டென்று நன்மாராயம் கூறுவீராக!

36:70. (இது) உயிரோடிருப்பவர்களை அச்சமூட்டி எச்சரிக்கை செய்கின்றது; நிராகரிப்பவர்களுக்கு (தண்டனை உண்டு என்ற) வாக்கை உண்மையென உறுதிப்படுத்துகிறது.

38:65. (நபியே!) நீர் கூறுவீராக!: "நான் அச்சமூட்டி எச்சரிக்கை செய்பவனே; அன்றியும், ஏகனும் (யாவரையும்) அடக்கியாள்பவனுமாகிய அல்லாஹ்வைத் தவிர வேறு தெய்வம் இல்லை."

38:70. "நிச்சயமாக நான் பகிரங்கமாக அச்சமூட்டி எச்சரிக்கை செய்பவன் என்பதற்காக அல்லாமல் எனக்கு வஹீ அறிவிக்கப்படவில்லை."

39:71. (அந்நாளில்) நிராகரித்தவர்கள் கூட்டம் கூட்டமாக நரகத்திற்கு இழுத்துக்கொண்டு வரப்படுவார்கள்; அவர்கள் அங்கே வந்த உடன் அதன் வாசல்கள் திறக்கப்படும்; அதன் காவலர்கள் அவர்களை நோக்கி: "உங்களிலிருந்து (அல்லாஹ்வின்) தூதர்கள், உங்கள் இறைவனுடைய வசனங்களை உங்களுக்கு ஓதிக் காண்பிக்கின்றவர்களாகவும், இந்த நாளை நீங்கள் சந்திக்க வேண்டுமென்பதைப் பற்றி உங்களை அச்சமூட்டி எச்சரிக்கை செய்பவர்களாகவும் உங்களிடம் வரவில்லையா?" என்று கேட்பார்கள்; (இதற்கு அவர்கள்) "ஆம்! (வந்தார்கள்)" என்று கூறுவார்கள்; எனினும், நிராகரிப்பாளர்களுக்கு வேதனை பற்றிய வாக்கு உண்மையாகிவிட்டது.

40:15. (அவனே) அந்தஸ்துகளை உயர்த்துபவன்; அர்ஷுக்குரியவன்; சந்திப்புக்குரிய (இறுதி) நாளைப் பற்றி அச்சமூட்டி எச்சரிக்கை செய்வதற்காக தன் அடியார்களில் தான் நாடியவர்கள் மீது, தன் கட்டளையினால் வஹீயை இறக்கிவைக்கிறான்.

40:18. (நபியே!) அண்மையில் வரும் (கியாம) நாளைப் பற்றி அவர்களுக்கு அச்சமூட்டி எச்சரிக்கை செய்வீராக! இதயங்கள் விசனத்தால் நிரம்பி தொண்டைக்குழிகளுக்கு வரும் (அவ்) வேளையில், அநியாயக்காரர்களுக்கு (இரக்கப்படும்) உற்ற நண்பனோ, ஏற்றுக்கொள்ளப்படும் சிபாரிசு செய்பவனோ இருக்கமாட்டான்.

41:4. நன்மாராயம் கூறுவதாகவும், அச்சமூட்டி எச்சரிக்கை செய்வதாகவும் (அது இருக்கின்றது); ஆனால், அவர்களில் பெரும்பாலோர் புறக்கணிக்கின்றனர்; அவர்கள் செவியேற்பதுமில்லை.

46:21. மேலும், ஆது சமூகத்தாரின் சகோதரர் (ஹூது) திடமாகவே, அவருக்கு முன்னரும், அவருக்குப் பின்னரும் எச்சரிக்கை செய்பவர்கள் (இறைத் தூதர்கள்) வந்திருக்கிறார்கள்; (அவர்) தம் சமூகத்தாரை, "அல்லாஹ்வையன்றி (வேறு எதனையும்) நீங்கள் வணங்காதீர்கள்! நிச்சயமாக ஒரு கடுமையான நாளின் வேதனை உங்களுக்கு வரும் என்று நான் பயப்படுகிறேன்" என்று மணல் குன்றுகளிலிருந்து அச்சமூட்டி எச்சரிக்கை செய்ததை (நபியே!) நீர் நினைவு கூர்வீராக!

46:29. மேலும், (நபியே!) நாம் உம்மிடம் இந்தக் குர்ஆனைச் செவியுறும் பொருட்டு ஜின்களில் சிலரைத் திருப்பியதும், அவர்கள் அங்கு வந்தபோது, "மௌனமாக இருங்கள்" என்று (மற்றவர்களுக்குச்) சொன்னார்கள்; பிறகு, அது (ஓதி) முடிக்கப்பட்டபோது அச்சமூட்டி எச்சரிப்போராய்த் தம் இனத்தாரிடம் திரும்பிச் சென்றனர்.

50:2. எனினும், அவர்களிலிருந்தே, அவர்களுக்கு அச்சமூட்டி எச்சரிக்கை செய்யும் ஒருவர் வந்ததைப் பற்றி அவர்கள் ஆச்சரியப்படுகின்றனர்; ஆகவே, நிராகரிப்பாளர்கள் கூறுகிறார்கள்: "இது ஓர் ஆச்சரியமான விஷயமேயாகும்."

51:50. "ஆகவே, அல்லாஹ்வின் பக்கம் விரைந்து செல்லுங்கள்; நிச்சயமாக, நான் அவனிடமிருந்து உங்களுக்குத் தெளிவாக அச்சமூட்டி எச்சரிக்கை செய்பவனாகவே இருக்கின்றேன்" (என்று நபியே! நீர் கூறுவீராக)!

51:51. "மேலும், அல்லாஹ்வுடன் வேறு கடவுளை (இணையாக) ஆக்காதீர்கள்; நிச்சயமாக, நான் அவனிடமிருந்து உங்களுக்குத் தெளிவாக அச்சமூட்டி எச்சரிக்கை செய்பவனாகவே இருக்கின்றேன்" (என்றும் கூறும்).

67:8. அது கோபத்தால் வெடித்துவிடவும் நெருங்குகிறது; அதில் ஒவ்வொரு கூட்டமும் போடப்படும் போதெல்லாம், "அச்சமூட்டி எச்சரிக்கை செய்பவர் உங்களிடம் வரவில்லையா?" என்று அதன் காவலாளிகள் அவர்களைக் கேட்பார்கள்.

67:9. அதற்கவர்கள் கூறுவார்கள்: "ஆம்! அச்சமூட்டி எச்சரிக்கை செய்பவர் திட்டமாக எங்களிடம் வந்தார். ஆனால், நாங்கள் (அவரைப்) பொய்ப்பித்து, 'அல்லாஹ் யாதொன்றையும் இறக்கவில்லை; நீங்கள் பெரும் வழிகேட்டில் அல்லாமல் வேறில்லை' என்று சொன்னோம்."

67:26. "இதைப் பற்றிய ஞானம் நிச்சயமாக அல்லாஹ்விடமே இருக்கிறது; தவிர, நிச்சயமாக நான் தெளிவாக அச்சமூட்டி எச்சரிக்கை செய்பவன்தான்" என்று (நபியே!) நீர் கூறும்.

71:1. நிச்சயமாக நாம் நூஹை, அவருடைய சமூகத்தாரிடம்: "நீர் உம் சமூகத்தாருக்கு நோவினை செய்யும் வேதனை அவர்கள் மீது வருவதற்கு முன்னர் (அது பற்றி) அச்சமூட்டி எச்சரிக்கை செய்வீராக!" என (தூதராக) அனுப்பினோம்.

74:2. நீர் எழுந்து (மக்களுக்கு) அச்சமூட்டி எச்சரிக்கை செய்வீராக!

74:36. (அது) மனிதர்களுக்கு அச்சமூட்டி எச்சரிக்கை செய்கின்றது.

78:40. நிச்சயமாக, நெருங்கிவரும் வேதனையைப் பற்றி உங்களுக்கு நாம் எச்சரிக்கை செய்கிறோம்; மனிதன் தன் இரு கைகளும் செய்து முற்படுத்தியவற்றை (அமல்களை) அந்நாளில் கண்டு கொள்வான்; மேலும், நிராகரிப்பவன் "அந்தோ கைசேதமே! நான் மண்ணாகிப் போயிருக்க வேண்டுமே!" என்று (பிரலாபித்துக்) கூறுவான்.

79:45. அதைப் பயப்படுவோருக்கு நிச்சயமாக நீர் எச்சரிக்கை செய்பவர்தாம்.