2:89. அவர்களிடம் இருக்கக்கூடிய வேதத்தை மெய்ப்படுத்தக்கூடிய (குர்ஆன் என்னும் இந்த) வேதம் அவர்களிடம் வந்தது; இதற்குமுன் நிராகரிப்போருக்கு எதிராக வெற்றியை (இந்தக் குர்ஆன் மூலமே அல்லாஹ்விடம்) தேடிக் கொண்டிருந்தார்கள்; (இவ்வாறு முன்பே) அவர்கள் அறிந்துவைத்திருந்த (வேதமான)து அவர்களிடம் வந்தபோது, அதை நிராகரித்துவிட்டனர்; இப்படி நிராகரிப்போர் மீது அல்லாஹ்வின் சாபம் இருக்கிறது.

2:159. நாம் அருளிய தெளிவான அத்தாட்சிகளையும், நேர்வழியையும் - அதனை நாம் வேதத்தில் மனிதர்களுக்கு விளக்கிய பின்னரும் - யார் மறைக்கின்றார்களோ, அவர்களை அல்லாஹ் சபிக்கிறான்; மேலும், அவர்களைச் சபிப்ப(தற்கு உரிமை உடைய)வர்களும் சபிக்கிறார்கள்.

2:161. யார் (இவ்வேத உண்மைகளை) நிராகரிக்கிறார்களோ, இன்னும் நிராகரித்தவர்களாகவே மரணித்தும் விடுகிறார்களோ, அத்தகையோர் - அவர்கள்மீது அல்லாஹ், வானவர்கள், இன்னும் மனிதர்கள் அனைவருடைய சாபமும் உண்டாகும்.

3:61. (நபியே! இது பற்றிய உண்மையான) விளக்கம் உமக்கு வந்த பின்னரும், எவரேனும் ஒருவர் உம்மிடம் இது குறித்து தர்க்கம் செய்தால்; "வாருங்கள்! எங்கள் புதல்வர்களையும், உங்கள் புதல்வர்களையும்; எங்கள் பெண்களையும், உங்கள் பெண்களையும்; எங்களையும், உங்களையும் அழைத்துக்கொண்டு, பிறகு (அல்லாஹ்விடம்) 'பொய்யர்கள் மீது அல்லாஹ்வின் சாபம் உண்டாகட்டும்!' என்று நாம் பிரார்த்திப்போம்!" என நீர் கூறும்.

4:47. வேதம் வழங்கப்பட்டவர்களே! நாம் முகங்களை மாற்றி, அவற்றைப் பின்புறமாகத் திருப்பிவிடுவதற்கு முன்னே, அல்லது சனிக்கிழமையுடையோரை நாம் சபித்ததுபோன்று அவர்களைச் சபிக்கும் முன்னே, உங்களிடமுள்ள (வேதத்)தை உண்மைப்படுத்துகின்ற நாம் இறக்கிய (இவ்வேதத்)தை (குர்ஆனை) நம்புங்கள்; அல்லாஹ்வின் கட்டளை நிறைவேற்றப்பட்டேதீரும்.

4:52. இவர்களைத்தான் அல்லாஹ் சபித்துவிட்டான்; எவர்களை அல்லாஹ் சபிக்கின்றானோ அவர்களுக்கு உதவி செய்பவர் எவரையும் நீர் காணவே மாட்டீர்.

4:93. எவனேனும் ஒருவன், ஒரு நம்பிக்கையாளனை வேண்டுமென்றே கொலைசெய்வானாயின், அவனுடைய கூலி நரகமே ஆகும்; அதில் அவன் நிரந்தரமாக இருப்பான்; அல்லாஹ் அவன்மீது கோபம் கொள்கிறான்; இன்னும், அவனைச் சபிக்கிறான்; அவனுக்கு மகத்தான வேதனையையும் (அல்லாஹ்) தயாரித்திருக்கின்றான்.

4:118. அல்லாஹ் அவனை (ஷைத்தானை) சபித்தான்; (அதற்கு) அவன் "உன் அடியார்களில் ஒரு குறிப்பிட்ட தொகையினரை நான் நிச்சயமாக எடுத்துக்கொள்வேன்" என்றும்,

5:13. அப்பால், அவர்கள் தம் உடன்படிக்கையை முறித்துவிட்டதால் நாம் அவர்களைச் சபித்தோம்; அவர்களுடைய இதயங்களை இறுக்கமாக்கினோம்; (வேத) வசனங்களை அதற்குரிய (சரியான) இடங்களிலிருந்து அவர்கள் மாற்றுகிறார்கள்; எதனைக்கொண்டு அவர்கள் உபதேசிக்கப்பட்டனரோ, அதிலிருந்து (பெரும்) பகுதியை மறந்துவிட்டார்கள்; ஆகவே, அவர்களில் சிலரைத் தவிர அவர்களில் பெரும்பாலோரின் மோசடியைப் பற்றி (நபியே!) நீர் தவறாமல் கண்டுகொண்டே இருப்பீர்; எனவே, நீர் அவர்களை மன்னித்து, புறக்கணித்து விடுவீராக! நிச்சயமாக நன்மை செய்வோரை அல்லாஹ் நேசிக்கிறான்.

5:64. "அல்லாஹ்வின் கை கட்டப்பட்டிருக்கிறது" என்று யூதர்கள் கூறுகிறார்கள்; அவர்களுடைய கைகள் தாம் கட்டப்பட்டுள்ளன; இவ்வாறு கூறியதன் காரணமாக அவர்கள் சபிக்கப்பட்டார்கள்; அல்லாஹ்வின் இரு கைகளோ விரிக்கப்பட்டே இருக்கின்றன; தான் நாடியவாறு (தன் அருட்கொடைகளை) கொடுக்கிறான்: உம்மீது உம் இறைவனால் இறக்கப்பட்ட (இவ்வேதமாகிய)து அவர்கள் அநேகரில் வரம்புமீறுதலையும், நிராகரிப்பையும் நிச்சயமாக அதிகப்படுத்துகிறது; ஆகவே, அவர்களிடையே பகைமையையும், வெறுப்பையும் மறுமைநாள் வரை நாம் போட்டு விட்டோம்; அவர்கள் யுத்த நெருப்பை மூட்டும் போதெல்லாம் அதனை அல்லாஹ் அணைத்து விடுகிறான்; (ஆயினும்) இன்னும், அவர்கள் பூமியில் குழப்பம் செய்துகொண்டே திரிகின்றனர்; அல்லாஹ் குழப்பம் செய்பவர்களை நேசிக்க மாட்டான்.

5:78. இஸ்ராயீலின் சந்ததிகளிலிருந்து நிராகரித்து விட்டவர்கள், தாவூது, மர்யமின் குமாரர் ஈஸா ஆகியவர்களின் நாவால் சபிக்கப்பட்டுள்ளனர்; அது ஏனென்றால், அவர்கள் (இறைவன் கட்டளைக்கு) மாறுசெய்து வரம்பு மீறிக் கொண்டு இருந்தார்கள் என்பதினாலாகும்.

7:38. (அல்லாஹ்) கூறுவான்: ஜின்களிலிருந்தும், மனிதர்களிலிருந்தும் உங்களுக்குமுன் சென்றுவிட்ட கூட்டத்தார்களுடன் நீங்களும் (நரக) நெருப்பில் நுழையுங்கள்; ஒவ்வொரு கூட்டத்தாரும், நரகத்தில் நுழையும்போதெல்லாம், (தங்களுக்குமுன் அங்கு வந்துள்ள) தம்முடைய சக கூட்டத்தினரைச் சபிப்பார்கள்; முடிவாக, அவர்கள் யாவரும் அ(ந்நரகத்)தில் சேர்ந்துவிட்டபொழுது அவர்களில் பிந்தியவர்கள், முந்தியவர்களைப் பற்றி, "எங்கள் இறைவனே! இவர்கள்தான் எங்களை வழிகெடுத்தார்கள்; ஆதலால், இவர்களுக்கு நரகத்தில் இருமடங்கு வேதனையைக் கொடு" என்று சொல்வார்கள்; அவன் கூறுவான்: "உங்களில் ஒவ்வொருவருக்கும் இரட்டிப்பு (வேதனை) உண்டு; ஆனால், நீங்கள் அதை அறியமாட்டீர்கள்."

7:44. சுவர்க்கவாசிகள், நரகவாசிகளை அழைத்து, "எங்கள் இறைவன் எங்களுக்கு வாக்களித்ததை உண்மையானதாக நாங்கள் பெற்றுக்கொண்டோம்; நீங்களும் உங்களுடைய இறைவன் வாக்களித்ததை உண்மையானதாகப் பெற்றுக் கொண்டீர்களா?" என்று கேட்பார்கள்; அதற்கு அவர்கள், "ஆம் (பெற்றுக்கொண்டோம்)" என்பார்கள்; அப்போது அவர்களுக்கிடையே அறிவிப்பவர் ஒருவர், "அக்கிரமக்காரர்களின் மீது அல்லாஹ்வின் சாபம் உண்டாவதாக!" என்று அறிவிப்பார்.

9:68. நயவஞ்சகர்களான ஆண்களுக்கும், நயவஞ்சகர்களான பெண்களுக்கும், நிராகரிப்பவர்களுக்கும் அல்லாஹ் நரக நெருப்பையே வாக்களித்துள்ளான்; அதில் அவர்கள் நிரந்தரமாக(த் தங்கி) இருப்பார்கள்; அதுவே, அவர்களுக்குப் போதுமானதாகும்; இன்னும், அல்லாஹ் அவர்களைச் சபித்துள்ளான்; அவர்களுக்கு நிரந்தரமான வேதனையுமுண்டு.

11:18. அல்லாஹ்வின் மீது பொய்யைக் கற்பனை செய்பவனைவிடப் பெரும் அநியாயக்காரன் யார்? அத்தகையோர் (மறுமையில்) தங்கள் இறைவன் முன் நிறுத்தப்படுவார்கள்: "இவர்கள்தாம் தங்கள் இறைவன் மீது பொய் கூறியவர்கள்" என்று 'சாட்சிகள்' சொல்வார்கள்; அறிந்துகொள்ளுங்கள்! இத்தகைய அநியாயக்காரர்கள் மீது அல்லாஹ்வின் சாபம் உண்டாகும்.

11:60. எனவே, இவ்வுலகிலும், மறுமைநாளிலும் (அல்லாஹ்வின்) சாபத்தினால் அவர்கள் தொடரப்பட்டனர்; அறிந்துகொள்வீர்களாக! நிச்சயமாக ஆது கூட்டத்தார் தங்கள் இறைவனை நிராகரித்தார்கள்; அறிந்துகொள்வீர்களாக! ஹூதுடைய சமுதாயமான 'ஆது' கூட்டத்தாருக்குக் கேடுதான்.

13:25. எவர்கள் அல்லாஹ்விடம் அளித்த வாக்குறுதியை அதனை உறுதிப்படுத்திய பின்னர் முறித்துவிடுகிறார்களோ, இன்னும், அல்லாஹ் சேர்த்துவைக்கவேண்டுமென ஏவியதைத் துண்டித்து விடுகிறார்களோ, இன்னும், பூமியில் விஷமம் செய்கிறார்களோ, அத்தகையோருக்கு சாபம்தான்; இன்னும், அவர்களுக்கு மிகக்கெட்ட வீடும் இருக்கிறது.

17:60. (நபியே!) நிச்சயமாக உம்முடைய இறைவன் மனிதர்களைச் சூழ்ந்துகொண்டிருக்கின்றான் என்று உமக்குக் கூறியதை (நினைவுகூர்வீராக! மிஃராஜின் போது) நாம் உமக்குக் காட்டிய காட்சியையும், குர்ஆனில் சபிக்கப்படும் (ஜக்கூம்) மரத்தையும் மனிதர்களுக்குச் சோதனையாகவே தவிர நாம் ஆக்கவில்லை; இன்னும், நாம் அவர்களை அச்சுறுத்துகின்றோம்; ஆனால், இது அவர்களுக்குப் பெரும் அழிச்சாட்டியத்தையே அதிகரிக்கச் செய்கின்றது.

24:7. ஐந்தாவது முறை, (இதில்) தான் பொய்யர்களில் உள்ளவனாக இருந்தால் நிச்சயமாக அல்லாஹ்வுடைய சாபம் தன்மீது உண்டாகட்டும் என்றும் (அவன் கூற வேண்டும்).

28:42. இன்னும், இவ்வுலகில் அவர்களைச் சாபம் தொடருமாறு நாம் செய்தோம்; மறுமை நாளில் அவர்கள் இகழப்பட்டவர்களாகவே இருப்பார்கள்.

29:25. மேலும் அவர் (இப்ராஹீம்) சொன்னார்: "அல்லாஹ்வையன்றி சிலைகளை (தெய்வமாக) நீங்கள் ஆக்கிக்கொண்டதெல்லாம், உலக வாழ்க்கையில் (அவர்கள் மீது) உங்களிடையேயுள்ள நேசத்தின் காரணத்தினால்தான்; பின்னர், மறுமைநாளன்று உங்களில் சிலர் சிலரை நிராகரிப்பார்கள்; உங்களில் சிலர் சிலரைச் சபித்துக்கொள்வர்; (இறுதியில்) உங்கள் ஒதுங்குமிடம் (நரக) நெருப்புதான்; (அங்கு) உங்களுக்கு உதவியாளர் எவருமில்லை."

33:57. எவர்கள் அல்லாஹ்வையும் அவனுடைய தூதரையும் நோவினை செய்கிறார்களோ, அவர்களை நிச்சயமாக அல்லாஹ் இம்மையிலும் மறுமையிலும் சபிக்கின்றான்; மேலும், அவர்களுக்கு இழிவுதரும் வேதனையைச் சித்தப்படுத்தி இருக்கின்றான்.

33:61. அத்தகையதீயவர்கள் சபிக்கப்பட்டவர்களாவார்கள்; அவர்கள் எங்கே காணப்பட்டாலும் பிடிக்கப்படுவார்கள்; இன்னும், கொன்றொழிக்கப்படுவார்கள்.

33:64. நிச்சயமாக அல்லாஹ் நிராகரிப்பாளர்களைச் சபித்து, அவர்களுக்காகக் கொழுந்துவிட்டெரியும் (நரக) நெருப்பைச் சித்தம் செய்திருக்கிறான்.

33:68. "எங்கள் இறைவா! அவர்களுக்கு இரு மடங்கு வேதனையைத் தருவாயாக! அவர்களைப் பெருஞ்சாபத்தைக் கொண்டு சபிப்பாயாக!" (என்பர்).

40:52. அந்நாளில், அநியாயக்காரர்களுக்கு அவர்கள் புகல் கூறுதல் பயனளிக்காது; அவர்களுக்குச் சாபமும் உண்டு; தீய இருப்பிடமும் அவர்களுக்குண்டு.

47:23. இத்தகையோரைத் தாம் அல்லாஹ் சபித்து, இவர்களைச் செவிடாக்கி, இவர்கள் பார்வைகளையும் குருடாக்கிவிட்டான்.

48:6. அல்லாஹ்வைப் பற்றி கெட்ட எண்ணம் கொள்ளும் நயவஞ்சகர்களான ஆண்களையும், நயவஞ்சகர்களான பெண்களையும், இணைவைக்கும் ஆண்களையும், இணைவைக்கும் பெண்களையும் (அல்லாஹ்) வேதனை செய்வான்; (அவ்வேதனையின்) கேடு அவர்கள் மேல் சூழ்ந்துகொண்டு இருக்கிறது. இன்னும், அல்லாஹ் அவர்கள் மீது கோபம் கொண்டான்; அவர்களைச் சபித்தும் விட்டான்; அவர்களுக்காக நரகத்தையும் சித்தம் செய்திருக்கின்றான்; (அது தான்) செல்லும் இடங்களில் மிகவும் கெட்டது.