7:120. அன்றியும், அந்தச் சூனியக்காரர்கள் ஸஜ்தாவில் வீழ்ந்தார்கள்.

12:4. யூஸுஃப் தம் தந்தையிடம், "என் அருமைத் தந்தையே! நிச்சயமாக நான், பதினோரு நட்சத்திரங்களையும், சூரியனையும், சந்திரனையும் (கனவில்) கண்டேன்; (இவை யாவும்) எனக்குச் சிரம் பணிபவையாக அவற்றை நான் கண்டேன்" என்று கூறியபொழுது.

12:100. இன்னும், அவர் தம் தாய், தந்தையரைச் சிம்மாசனத்தின்மீது உயர்த்தி (அமர்த்தி)னார்; அவர்கள் (எல்லோரும் அக்காலத்திய முறைப்படி) அவருக்கு (மரியாதை செலுத்தியவர்களாகச்) சிரம்பணிந்து வீழ்ந்தனர்: அப்போது அவர் (தம் தந்தையை நோக்கி), "என் தந்தையே! இதுதான் என்னுடைய முந்தைய கனவின் விளக்கமாகும்; அதனை என் இறைவன் உண்மையாக்கிவிட்டான்: மேலும், அவன் என்னைச் சிறைச்சாலையிலிருந்து வெளியாக்கியதுடன், எனக்கும் என் சகோதரர்களுக்குமிடையில் ஷைத்தான் பிரிவினையை உண்டு பண்ணிவிட்ட பின்னர், உங்களைக் கிராமத்திலிருந்து கொண்டுவந்ததன் மூலம், அவன் நிச்சயமாக எனக்குப் பேருபகாரம் செய்துள்ளான்; நிச்சயமாக என் இறைவன், தான் நாடியவற்றை மிக நுட்பமாகச் செய்கிறவன்; நிச்சயமாக அவன் (யாவற்றையும்) நன்கறிந்தவன்; மிக்க ஞானமுள்ளவன்" என்று கூறினார்.

15:29. "அவரை நான் செவ்வையாக உருவாக்கி, அவரில் என் ஆன்மாவிலிருந்து ஊதியதும், 'அவருக்குப் பணிந்துவிடுங்கள்' (என்றும் கூறியதை நினைவுகூர்வீராக)!"

15:30. அவ்வாறே வானவர்கள் - அவர்கள் எல்லோரும் பணிந்தார்கள்.

15:31. இப்லீஸைத் தவிர: அவன் பணிந்தவர்களுடன் சேர்ந்திட மறுத்துவிட்டான்.

15:32. "இப்லீஸே! பணிந்தவர்களுடனே நீயும் சேராமல் (விலகி) இருந்ததற்குக் காரணம் என்ன?" என்று (இறைவன்) கேட்டான்.

15:33. அதற்கு இப்லீஸ், "ஓசை தரும், மாற்றமடைந்த கறுப்பான களிமண்ணிலிருந்து, நீ படைத்துள்ள (ஒரு) மனிதனுக்கு நான் பணிவதற்கில்லை!" என்று கூறினான்.