2:32. அவர்கள் "(இறைவா!) நீயே தூயவன்; நீ எங்களுக்குக் கற்றுக்கொடுத்தவை தவிர எதைப் பற்றியும் எங்களுக்கு அறிவு இல்லை; நிச்சயமாக நீயே அறிந்தவன்; விவேகமிக்கோன்" எனக் கூறினார்கள்.

2:129. "எங்கள் இறைவனே! அவர்களிடையே உன்னுடைய வசனங்களை ஓதிக்காண்பித்து, அவர்களுக்கு வேதத்தையும், ஞானத்தையும் கற்றுக்கொடுத்து, அவர்களைத் தூய்மைப்படுத்தக் கூடிய ஒரு தூதரை அவர்களிலிருந்தே நீ அனுப்புவாயாக! நிச்சயமாக நீயே வல்லமை மிக்கோனுமாகவும், ஞானமுடையோனாகவும் இருக்கின்றாய்" (என்றும் பிரார்த்தித்தார்).

2:151. இதே போன்று, நாம் உங்களிடையே, உங்களிலிருந்தே ஒரு தூதரை நம் வசனங்களை உங்களுக்கு ஓதிக்காண்பிப்பதற்காகவும்; உங்களைத் தூய்மைப்படுத்துவதற்காகவும்; உங்களுக்கு வேதத்தையும், ஞானத்தையும் கற்றுக்கொடுப்பதற்காகவும்; இன்னும், உங்களுக்குத் தெரியாமல் இருந்தவற்றை உங்களுக்குக் கற்றுக் கொடுப்பதற்காகவும் அனுப்பியுள்ளோம்.

2:209. தெளிவான அத்தாட்சிகள் உங்களிடம் வந்த பின்னரும், நீங்கள் சறுகிவிடுவீர்களானால்- நிச்சயமாக அல்லாஹ் வலிமை மிக்கவன்; ஞானமுள்ளவன் என்பதை அறிந்து கொள்ளுங்கள்.

2:220. (மேற்கூறிய இரண்டும்) இவ்வுலகிலும், மறுமையிலும் (என்ன பலன்களைத் தரும் என்பதைப் பற்றி நீங்கள் தெளிவுபெறுவதற்காக தன் வசனங்களை இவ்வாறு விளக்குகின்றான்;) அநாதைகளைப் பற்றி அவர்கள் உம்மிடம் கேட்கின்றனர்; நீர் கூறுவீராக!: "அவர்களுக்குரிய சீர்திருத்தத்தைச் செய்தல் மிகவும் நல்லது; நீங்கள் அவர்களுடன் கலந்து (வாழ்வதாக) இருந்தால் அவர்கள் உங்கள் சகோதரர்களேயாவார்கள்; இன்னும், சீர்திருத்துபவனிலிருந்து குழப்பம் உண்டாக்குபவனை அல்லாஹ் நன்கறிவான்; அல்லாஹ் நாடியிருந்தால் உங்களைக் கஷ்டத்திற்குள்ளாக்கியிருப்பான்; நிச்சயமாக அல்லாஹ் மிகைத்தவன்; ஞானம் மிக்கவன்."

2:228. விவாகரத்து கூறப்பட்ட பெண்கள், தங்களுக்கு மூன்று மாதவிடாய்கள் ஆகும் வரை பொறுத்து இருக்கவேண்டும்; அல்லாஹ்வையும், இறுதி நாளையும் அவர்கள் நம்புவார்களாயின். அவர்களுடைய கர்ப்பக்கோளறைகளில், அல்லாஹ் படைத்திருப்பதை மறைப்பதற்கு அவர்களுக்கு அனுமதி இல்லை; ஆனால், அவர்களுடைய கணவர்கள் (அவர்களைத் திரும்ப அழைத்துக்கொள்வதன் மூலம்) இணக்கத்தை நாடினால் (அத்தவணைக்குள்) அவர்களை (மனைவியராக)த் திருப்பிக்கொள்ள அவர்களுக்கு அதிக உரிமையுண்டு; பெண்களுக்குக் கடமைகள் இருப்பதுபோல், அவர்களுக்கு உரிமைகளும் சிறந்த முறையில் உள்ளன; ஆயினும், ஆண்களுக்கு அவர்கள்மீது ஒருபடி உயர்வுண்டு; மேலும், அல்லாஹ் வல்லமையும், ஞானமும் மிக்கோனாக இருக்கின்றான்.

2:231. நீங்கள் பெண்களை (மீளக்கூடிய) விவாகரத்து (தலாக்) கூறி, அவர்கள் தங்களது தவணையை அடைந்துவிட்டால் அவர்களை முறைப்படி (மனைவியராக) தடுத்து வைத்துக்கொள்ளுங்கள்; அல்லது, (தவணை முடிந்ததும்) நல்ல முறையில் அவர்களை விடுவித்து விடுங்கள்; ஆனால், துன்புறுத்தி வரம்புமீறுவதற்காக அவர்களைத் தடுத்து வைத்துக்கொள்ளாதீர்கள்; எவர் இவ்வாறு செய்கிறாரோ திட்டமாக அவர் தமக்குத்தாமே அநீதி இழைத்துக்கொண்டார்; எனவே, அல்லாஹ்வின் வசனங்களை கேலிக்குரியதாக ஆக்கிவிடாதீர்கள்; உங்கள்மீதுள்ள அல்லாஹ்வின் அருட்கொடையையும், உங்கள்மீது அவன் இறக்கிய வேதத்தையும், ஞானத்தையும் நினைவுகூருங்கள்; இதனைக் கொண்டு அவன் உங்களுக்கு உபதேசிக்கிறான்; அல்லாஹ்வை அஞ்சுங்கள்; நிச்சயமாக அல்லாஹ் யாவற்றையும் நன்கறிபவனாக இருக்கின்றான் என்பதை அறிந்துகொள்ளுங்கள்.

2:260. இன்னும், இப்ராஹீம்: "என் இறைவா! இறந்தவர்களை நீ எவ்வாறு உயிர்ப்பிக்கிறாய் என்பதை எனக்குக் காண்பிப்பாயாக!" என வேண்டியபோது, அவன் "நீர் (இதை) நம்பவில்லையா?" எனக் கேட்டான்; "அவ்வாறல்ல! (நான் நம்புகிறேன்); ஆனால், என் இதயம் அமைதி பெறுவதற்காக (இவ்வாறு கேட்கிறேன்)" எனக் கூறினார்: "(அப்படியாயின்,) பறவைகளிலிருந்து நான்கைப் பிடித்து, அவற்றைத் துண்டு துண்டாக வெட்டி உம்மிடம் வைத்துக்கொள்ளும்; பின்னர், அவற்றின் ஒவ்வொரு பாகத்தையும் மலையின் மீது வைத்துவிடும்; பின், அவற்றைக் கூப்பிடும்; அவை உம்மிடம் வேகமாய் வரும்; நிச்சயமாக அல்லாஹ் மிகைத்தவன், ஞானம் மிக்கவன் என்பதை அறிந்து கொள்ளும்" என்று (அல்லாஹ்) கூறினான்.

2:269. தான் நாடியவருக்கு அவன் ஞானத்தைக் கொடுக்கின்றான்; (இத்தகு) ஞானம் எவருக்குக் கொடுக்கப்படுகிறதோ, அவர் அதிகமான நன்மைகள் கொடுக்கப்பட்டவராக நிச்சயமாக ஆகிவிடுகிறார்; எனினும், அறிவுடையோர் தவிர (வேறு யாரும் இதைச்) சிந்திப்பதில்லை.

3:6. அவன்தான் கர்ப்பக்கோளறைகளில், தான் நாடியபடி உங்களை வடிவமைக்கிறான்; அவனைத் தவிர வணக்கத்திற்குரியவன் வேறில்லை; அவன் யாவரையும் மிகைத்தோனாகவும், விவேகம் மிக்கோனாகவும் இருக்கின்றான்.

3:18. அல்லாஹ், நீதியை நிலைநிறுத்தியவனாக உள்ள நிலையில் அவனைத் தவிர வணக்கத்திற்குரியவன் யாருமில்லை என்று சாட்சி கூறுகிறான்; மேலும், வானவர் (மலக்கு)களும் அறிவுடையோரும் (இவ்வாறே சாட்சி கூறுகின்றனர்); அவனைத் தவிர வணக்கத்திற்குரியவன் (வேறு) யாருமில்லை; அவன் மிகைத்தவன், ஞானமிக்கவன்.

3:48. இன்னும், அவருக்கு அவன் வேதத்தையும், ஞானத்தையும், தவ்ராத்தையும், இன்ஜீலையும் கற்றுக்கொடுப்பான்.

3:58. (நபியே!) நாம் உம்மீது ஓதிக்காட்டும் இவை (நமது) வசனங்களாகவும், ஞானம் மிக்க அறிவுரையாகவும் இருக்கின்றன.

3:62. நிச்சயமாக இதுதான் உண்மையான வரலாறு; அல்லாஹ்வைத் தவிர வேறு கடவுள் இல்லை; நிச்சயமாக அல்லாஹ் - அவன் யாவரையும் மிகைத்தோன், மிக்க ஞானமுடையோன்.

3:81. இன்னும், (நினைவுகூருங்கள்;) நபிமார்களிடம் உறுதிமொழி வாங்கியபோது, "நான் உங்களுக்கு வேதத்தையும், ஞானத்தையும் கொடுத்திருக்கின்றேன்; பின்னர், உங்களிடம் இருப்பதை மெய்ப்பிக்கும் தூதர் வருவார்; நீங்கள் அவர்மீது திடமாக நம்பிக்கை கொண்டு அவருக்கு உறுதியாக உதவி செய்வீர்களாக!" (எனக் கூறினான்): "நீங்கள் (இதை) உறுதிப்படுத்துகிறீர்களா? என்னுடைய இந்த உடன்படிக்கையை ஏற்றுக்கொள்கிறீர்களா?" என்றும் கேட்டான்; "நாங்கள் (அதனை ஏற்று) உறுதிப்படுத்துகிறோம்" என்று கூறினார்கள்; (அதற்கு அல்லாஹ்) "நீங்கள் சாட்சியாக இருங்கள்; நானும் உங்களுடன் சாட்சியாளர்களில் (ஒருவனாக) இருக்கிறேன்" என்று கூறினான்.

3:126. உங்களுக்கு ஒரு நற்செய்தியாகவும், உங்கள் இதயங்கள் இதன் மூலம் அமைதி பெறுவதற்காகவுமேயன்றி அல்லாஹ் அதை ஆக்கவில்லை; மிகைத்தவனும், ஞானமிக்கவனுமாகிய அல்லாஹ்விடத்திலல்லாமல் வேறு உதவி இல்லை.

4:11. உங்கள் மக்களில் ஓர் ஆணுக்கு, இரண்டு பெண்களுக்குக் கிடைக்கும் பங்குபோன்றது கிடைக்கும் என்று அல்லாஹ் உங்களுக்கு உபதேசிக்கின்றான்; அவர்கள் (இரு பெண்களாக அல்லது) இரண்டுக்கு மேற்பட்ட பெண்களாக இருந்தால் (இறந்த) அவர் விட்டுச்சென்றதிலிருந்து மூன்றில் இரண்டு (பாகம்) அவர்களுக்கு உண்டு; ஒரே பெண்ணாக இருந்தால் அவளுக்கு பாதி (சொத்து) உண்டு; (இறந்த) அவருக்கு குழந்தைகள் இருக்குமானால் விட்டுச்சென்றதில் ஆறில் ஒரு பாகம் (அவரது) பெற்றோர் ஒவ்வொருவருக்கும் உண்டு; ஆனால், அவருக்கு குழந்தை இல்லாதிருந்து பெற்றோர் மாத்திரமே வாரிசாக இருந்தால் அவருடைய தாய்க்கு மூன்றில் ஒரு பாகம் (மீதி தந்தைக்கு உரியதாகும்); இறந்தவருக்கு சகோதரர்கள் இருந்தால், அவர் தாய்க்கு ஆறில் ஒரு பாகம்தான் (மீதி தந்தைக்குச் சேரும்; இவ்வாறு பிரித்துக்கொடுப்பது) அவர் செய்துள்ள மரண சாசனத்தையும், கடனையும் நிறைவேற்றிய பின்னர்தான்; உங்கள் தந்தையரோ, இன்னும் உங்கள் குழந்தைகளோ இவர்களில் யார் உங்களுக்குப் பயனளிப்பதில் மிக நெருக்கமாக இருப்பவர்கள் என்று நீங்கள் அறியமாட்டீர்கள்; (ஆகையினால், இந்த பாகப்பிரிவினை) அல்லாஹ்விடமிருந்து வந்த கட்டளையாகும்; நிச்சயமாக அல்லாஹ் (யாவற்றையும்) நன்கறிந்தவனாகவும், மிக்க ஞானமுடையவனாகவும் இருக்கிறான்.

4:17. எவர்கள் அறியாமையினால் தீமை செய்துவிட்டு பின்னர் விரைவில் மன்னிப்புத் தேடிக்கொள்கிறார்களோ அவர்களுக்குத்தான் அல்லாஹ்விடத்தில் மன்னிப்பு உண்டு; அல்லாஹ் அவர்களை மன்னிப்பான்; இன்னும், அல்லாஹ் நன்கறிந்தோனும் ஞானம் உடையோனுமாக இருக்கிறான்.

4:24. இன்னும், அடிமைப் பெண்களைத் தவிர, கணவனுள்ள பெண்களும் - (அவர்களை நீங்கள் மணமுடிப்பது விலக்கப்பட்டுள்ளது: இவை அனைத்தும்) அல்லாஹ் உங்கள் மீது விதியாக்கியவையாகும்; இன்னும், இவர்களைத் தவிர, மற்ற பெண்களை (நீங்கள்) விபசாரம் செய்யாதவர்களாக, (அவர்களைத் தக்கமுறையில்) திருமணம் செய்பவர்களாக இருந்தால், அவர்களுக்கு உங்கள் செல்வங்களிலிருந்து (மஹராக) கொடுத்து (திருமணம் செய்யத்) தேடிக்கொள்வது உங்களுக்கு அனுமதிக்கப்பட்டுள்ளது; எனவே, அவர்களிடமிருந்து எதை நீங்கள் (திருமணத்தின் மூலம்) இன்பம் அனுபவித்தீர்களோ (அதற்காக) அவர்களுக்குரிய மஹரை அவர்களிடம் கட்டாயமாகக் கொடுத்துவிடுங்கள்; எனினும், (மஹரை) நிர்ணயித்தபின் (அதைக் கூட்டவோ அல்லது குறைக்கவோ) நீங்கள் ஒருவருக்கொருவர் சம்மதித்துக்கொண்டால் உங்கள் மீது குற்றமாகாது; நிச்சயமாக அல்லாஹ் நன்கறிந்தோனும் ஞானமுடையோனுமாக இருக்கிறான்.

4:26. அல்லாஹ் (தன்னுடைய சட்டங்களை) உங்களுக்குத் தெளிவாக்கவும், உங்களுக்கு முன் இருந்த (நல்ல)வர்கள் சென்ற (நேரான) வழிகளில் உங்களைச் செலுத்தவும், உங்களுக்குப் பாவமன்னிப்பு அளிக்கவுமே விரும்புகிறான்; இன்னும், அல்லாஹ் நன்கு அறிந்தோனாகவும், ஞானமுடையோனாகவும் இருக்கின்றான்.

4:54. அல்லாஹ் தன் அருளினால் மனிதர்களுக்கு வழங்கியவற்றின் மீது இவர்கள் பொறாமை கொள்கின்றார்களா? இன்னும் நாம், நிச்சயமாக இப்ராஹீமின் சந்ததியினருக்கு வேதத்தையும், ஞானத்தையும் கொடுத்தோம்; அத்துடன் மாபெரும் அரசாங்கத்தையும் அவர்களுக்குக் கொடுத்தோம்.

4:56. யார் நம் வசனங்களை நிராகரிக்கின்றார்களோ, அவர்களை நாம் நரகத்தில் புகுத்திவிடுவோம்; அவர்களுடைய தோல்கள் கருகிவிடும் போதெல்லாம் அவையல்லா (வேறு) தோல்களை, அவர்கள் வேதனையை (பூரணமாக) அனுபவிப்பதற்கென, அவர்களுக்கு நாம் மாற்றிக்கொண்டே இருப்போம்: நிச்சயமாக அல்லாஹ் மிகைத்தவனாகவும், ஞானமுள்ளவனாகவும் இருக்கின்றான்.

4:92. தவறாக அன்றி, ஒரு நம்பிக்கையாளனுக்கு பிறிதொரு நம்பிக்கையாளனைக் கொலைசெய்வது ஆகுமானதல்ல: உங்களில் எவரேனும் ஒரு நம்பிக்கையாளனைத் தவறாகக் கொலை செய்துவிட்டால், அதற்குப் பரிகாரமாக நம்பிக்கை கொண்ட ஓர் அடிமையை விடுதலை செய்தலாகும்; இன்னும், அவனுடைய குடும்பத்தார்பால் நஷ்டஈடும் ஒப்படைத்தலாகும்; (அவனுடைய குடும்பத்தாராகிய) அவர்கள் (நஷ்டஈட்டுத் தொகையை மன்னித்து அதை) தர்மமாக விட்டாலொழிய; (கொல்லப்பட்ட) அவன் உங்கள் விரோதியின் சமூகத்தாரில் உள்ளவனாகவும், நம்பிக்கையாளனாகவும் இருந்தால், நம்பிக்கை கொண்ட ஓர் அடிமையை விடுதலை செய்தலாகும்; உங்களுக்கும், எவர்களுக்கும் மத்தியில் (சமாதான) உடன்படிக்கை ஏற்பட்டுள்ளதோ அந்தச் சமூகத்தாரில் உள்ளவனாக இருந்தால், அவனுடைய குடும்பத்தாரிடம் நஷ்டஈடு ஒப்படைக்கப்படுதலாகும்; இன்னும், நம்பிக்கை கொண்ட ஓர் அடிமையை விடுதலை செய்யவும் வேண்டும்; (இவ்வாறு செய்யும் வசதியை) யார் பெறவில்லையோ அவர் அல்லாஹ்விடம் மன்னிப்புப் பெறுவதற்காகத் தொடர்ந்து இரண்டு மாதங்கள் நோன்புவைக்க வேண்டும்: அல்லாஹ் நன்கு அறிந்தவனாகவும் ஞானமுடையவனாகவும் இருக்கின்றான்.

4:104. மேலும், (பகைக்) கூட்டத்தைத் தேடிச்செல்வதில் நீங்கள் சோர்வடையாதீர்கள்; நீங்கள் (போரில்) துன்பமடைந்திருப்பீர்களானால் நீங்கள் துன்பமடைவதுபோன்றே, நிச்சயமாக அவர்களும் துன்பமடைகிறார்கள்; அல்லாஹ்விடமிருந்து அவர்கள் எதிர்பார்க்காததை (நற்கூலியை) நீங்கள் எதிர்பார்க்கிறீர்கள்; அல்லாஹ் மிக அறிந்தவனாகவும், ஞானமுடையவனாகவும் இருக்கின்றான்.

4:113. (நபியே!) உம் மீது அல்லாஹ்வின் அருளும், அவனுடைய கிருபையும் இல்லாதிருந்தால், அவர்களில் ஒரு கூட்டத்தார் உம்மை வழிகெடுக்க முயன்றிருப்பார்கள்; ஆனால், அவர்கள் தங்களையே அன்றி (உம்மை) வழிகெடுக்க முடியாது; இன்னும், உமக்கு எந்த விதமான தீங்கையும் செய்துவிடமுடியாது; மேலும், அல்லாஹ் உம்மீது வேதத்தையும், ஞானத்தையும் இறக்கியுள்ளான்; நீர் அறியாதிருந்தவற்றையும் அவன் உமக்குக் கற்றுக்கொடுத்தான்; உம்மீது அல்லாஹ்வின் அருள் மகத்தானதாகவே இருக்கின்றது.

4:130. (இணைந்து வாழ முடியாமல் சுமூகமாக) அவர்கள் இருவரும் பிரிந்துவிட்டால், (அவர்களில்) ஒவ்வொருவரையும் தன்னுடைய அருளால் (ஒருவர் மற்றவரைவிட்டும்) தேவையற்றவராக அல்லாஹ் ஆக்கிவிடுவான். அல்லாஹ் விசாலமானவனாகவும், ஞானமுடையவனாகவும் இருக்கின்றான்.

4:158. ஆனால், அல்லாஹ் அவரைத் தன் அளவில் உயர்த்திக்கொண்டான்; இன்னும், அல்லாஹ் வல்லமை மிக்கோனாகவும் ஞானமுடையோனாகவும் இருக்கின்றான்.

4:165. இந்தத் தூதர்களுக்குப் பிறகு அல்லாஹ்வுக்கு எதிராக மக்களுக்கு (சாதகமாக) ஆதாரம் எதுவும் ஏற்படாமல் இருக்கும்பொருட்டு, தூதர்கள் (பலரையும்) நன்மாராயம் கூறுபவர்களாகவும், அச்சமூட்டி எச்சரிக்கை செய்பவர்களாகவும் (அல்லாஹ் அனுப்பினான்); மேலும், அல்லாஹ் (யாவற்றையும்) மிகைத்தவனாகவும், ஞானமுள்ளவனாகவும் இருக்கின்றான்.

4:170. மனிதர்களே! உங்கள் இறைவனிடமிருந்து சத்தியத்துடன் (அனுப்பப்பட்ட இத்) தூதர் உங்களிடம் வந்துள்ளார்; (அவர் மீது) நம்பிக்கை கொள்ளுங்கள்; (இது) உங்களுக்கு நன்மையாகும்; ஆனால், நீங்கள் நிராகரிப்பீர்களானால் (இறைவனுக்கு எதுவும் குறைந்துவிடாது; ஏனெனில்,) நிச்சயமாக வானங்களிலும் பூமியிலும் இருப்பவை அனைத்தும் அல்லாஹ்வுக்கே உரியவை; அல்லாஹ் (யாவற்றையும்) நன்கறிந்தோனும், ஞானமிக்கோனும் ஆவான்.

5:38. திருடனும், திருடியும் - அவ்விருவரும் சம்பாதித்ததற்குக் கூலியாக அல்லாஹ்விடமிருந்துள்ள தண்டனையாக - அவர்களின் கரங்களைத் துண்டித்துவிடுங்கள்; அல்லாஹ் மிகைத்தவனும் ஞானம் மிக்கோனுமாக இருக்கின்றான்.

5:118. "(இறைவா!) நீ அவர்களை வேதனை செய்தால் (தண்டிப்பதற்கு முற்றிலும் உரிமையுள்ள) உன்னுடைய அடியார்களாகவே நிச்சயமாக அவர்கள் இருக்கின்றனர்; அன்றி, நீ அவர்களை மன்னித்துவிடுவாயானால் நிச்சயமாக நீதான் (யாவரையும்) மிகைத்தோனாகவும் ஞானமிக்கோனாகவும் இருக்கின்றாய்" (என்று கூறுவார்).

6:18. அவன் தன் அடியார்களை அடக்கியாள்பவன்; இன்னும், அவனே பூரணஞானமுள்ளவன்; (யாவற்றையும்) நன்கறிந்தவன்.

6:73. அவன்தான் வானங்களையும், பூமியையும் உண்மையாகவே படைத்தான்: அவன் 'ஆகுக!' என்று சொல்லும் நாளில், அது (உடனே) ஆகிவிடும்; அவனுடைய வாக்கு உண்மையானது: 'எக்காளம்' (ஸூர்) ஊதப்படும் நாளில், ஆட்சி (அதிகாரம்) அவனுடையதாகவே இருக்கும்: அவன் மறைவானவற்றையும், பகிரங்கமானவற்றையும் அறிகிறவன்: அவனே ஞானமுடையோன்; (யாவற்றையும்) நன்கறிந்தவன்.

6:83. இவை நம்முடைய ஆதாரமாகும்; நாம் இதனை இப்ராஹீமுக்கு அவருடைய கூட்டத்திற்கு எதிராகக் கொடுத்தோம்; நாம் விரும்புவோருக்குப் பதவிகளை உயர்த்துகிறோம்; நிச்சயமாக உம்முடைய இறைவன் ஞானமுள்ளவன்; நன்கறிகிறவன்.

6:128. அவர்கள் யாவரையும் ஒன்று சேர்க்கும் (மறுமை) நாளில், அவன் (ஜின்களை நோக்கி): "ஜின் கூட்டத்தாரே! மனிதர்களிலிருந்து (பலரை நீங்கள் வழிகெடுத்து உங்கள் கூட்டத்தை) திட்டமாக நீங்கள் அதிகப்படுத்திக் கொண்டீர்கள்" (என்று கூறுவான்). அதற்கு, மனிதர்களிலிருந்து அவர்களுடைய நண்பர்கள்: "எங்கள் இறைவா! எங்களில் சிலர் சிலரைக்கொண்டு பலன் அடைந்திருக்கின்றனர்; நீ எங்களுக்கு நிர்ணயித்த எங்களுடைய தவணையை நாங்கள் அடைந்துவிட்டோம்" என்று கூறுவார்கள். அதற்கு அவன், "நரகம்தான் உங்கள் தங்குமிடமாகும் - அல்லாஹ் நாடினாலன்றி நீங்கள் அதில் நிரந்தரமாக இருப்பீர்கள்" என்று கூறுவான். நிச்சயமாக உமது இறைவன் மிக்க ஞானமுடையோனாகவும், (யாவற்றையும்) நன்கறிந்தவனாகவும் இருக்கின்றான்.

6:139. மேலும் அவர்கள், 'இந்தக் கால்நடைகளின் வயிற்றில் உள்ளவை எங்கள் ஆண்களுக்கு மட்டுமே சொந்தம்; அவை எங்கள் பெண்களுக்குத் தடுக்கப்பட்டுள்ளன; அவை செத்துப் பிறந்தால் - அவற்றில் அவர்கள் கூட்டாளிகள்' என்றும் கூறுகிறார்கள். அவர்களுடைய (இந்தப் பொய்யான) கூற்றுக்காக அவர்களை அவன் தண்டிப்பான். நிச்சயமாக அவன் ஞானமுடையோனும் (யாவற்றையும்) அறிந்தவனுமாக இருக்கின்றான்.

8:10. உங்கள் இதயங்கள் திருப்தியடைவதற்காகவும், ஒரு நன்மாராயமாகவும் இதை (இந்த வெற்றியை) அல்லாஹ் ஆக்கினான்; அல்லாஹ்விடமிருந்தே தவிர உதவி இல்லை; நிச்சயமாக அல்லாஹ் மிகைத்தவனாகவும், ஞானமுடையவனாகவும் இருக்கின்றான்.

8:49. நயவஞ்சகர்களும் தம் இதயங்களில் நோய் உள்ளவர்களும் (முஸ்லிம்களைச் சுட்டிக்காட்டி) "இவர்களை இவர்களுடைய மார்க்கம் ஏமாற்றி விட்டது" என்று கூறியதை (நினைவுகூர்வீராக!) அல்லாஹ்வை எவர் சார்ந்திருக்கிறாரோ, நிச்சயமாக அல்லாஹ் (சக்தியில்) மிகைத்தவனாகவும், ஞானமுடையோனாகவும் இருக்கின்றான் (என்பதில் உறுதிகொள்வார்களாக)!

8:63. மேலும், (நம்பிக்கையாளர்களாகிய) அவர்கள் உள்ளங்களுக்கிடையில் பிணைப்பை உண்டாக்கினான்; பூமியிலுள்ள (செல்வங்கள்) அனைத்தையும் நீர் செலவு செய்தபோதிலும், அவர்கள் உள்ளங்களுக்கிடையே அத்தகைய பிணைப்பை உண்டாக்கியிருக்க முடியாது; ஆனால், நிச்சயமாக அல்லாஹ் அவர்களிடையே பிணைப்பை ஏற்படுத்தியுள்ளான்; நிச்சயமாக அவன் மிகைத்தவனாகவும், ஞானமுள்ளவனாகவும் இருக்கின்றான்.

8:67. (விஷமங்கள் அடங்க) பூமியில் இரத்தத்தை ஓட்டாத வரையில் (விரோதிகளை உயிருடன்) சிறைப்பிடிப்பது எந்த நபிக்கும் தகுதியில்லை; நீங்கள் இவ்வுலகத்தின் (நிலையில்லா) பொருட்களை விரும்புகிறீர்கள்; அல்லாஹ்வோ (உங்களுக்கு நிலையான) மறுமையை நாடுகிறான்; அல்லாஹ் மிகைத்தோனாகவும், ஞானமுடையவனாகவும் இருக்கின்றான்.

8:71. (நபியே!) அவர்கள் உமக்கு மோசம் செய்ய நாடினால் (கவலைப்படாதீர்!); இதற்கு முன்னர், அவர்கள் அல்லாஹ்வுக்கு மோசம் செய்திருக்கிறார்கள்; (ஆதலால் தான் அவர்களைச் சிறை பிடிக்க) அவர்கள்மீது உமக்கு சக்தியை அவன் அளித்தான்; அல்லாஹ் (எல்லாம்) அறிபவனாகவும், ஞானமுடையவனாகவும் இருக்கின்றான்.

9:15. அவர்களுடைய இதயங்களின் கோபத்தைப் போக்கிவிடுவான்; தான் நாடியவரின் மன்னிப்புக் கோருதலை ஏற்றுக்கொள்கிறான்; அல்லாஹ் (எல்லாம்) அறிந்தவனாகவும், (பூரண) ஞானமுடையவனாகவும் இருக்கின்றான்.

9:28. நம்பிக்கை கொண்டவர்களே! நிச்சயமாக இணைவைப்பவர்களெல்லாம் அசுத்தமானவர்களே. ஆதலால், அவர்களின் இவ்வாண்டிற்குப் பின்னர் (கஃபா என்னும்) மஸ்ஜிதுல் ஹராமை அவர்கள் நெருங்கக்கூடாது. (அதனால், உங்களுக்கு) வறுமையை நீங்கள் பயந்தீர்களாயின் அல்லாஹ் - அவன் நாடினால் - விரைவில் தன் அருளால் உங்களைச் செல்வந்தர்களாக்கி விடுவான். நிச்சயமாக அல்லாஹ், எல்லாம் அறிந்தவனாகவும், ஞானமுடையவனாகவும் இருக்கின்றான்.

9:40. (நம் தூதராகிய) அவருக்கு நீங்கள் உதவி செய்யாவிட்டால், (அவருக்கு யாதொரு இழப்புமில்லை); நிராகரிப்பவர்கள் அவரை (ஊரை விட்டு) வெளியேற்றியபோது, நிச்சயமாக அல்லாஹ் அவருக்கு உதவிசெய்தே இருக்கின்றான்; இருவரும் குகையில் இருந்தபோது, இருவரில் ஒருவராக இருந்த அவர் (நம் தூதர்) தம் தோழரிடம், "கவலைப்படாதீர்கள்! நிச்சயமாக அல்லாஹ் நம்முடன் இருக்கிறான்" என்று கூறிய நேரத்தில்: அப்போது அவர்மீது அல்லாஹ் தன் சாந்தியை இறக்கிவைத்தான்; மேலும், நீங்கள் பார்க்கமுடியாப் படைகளைக் கொண்டு அவரைப் பலப்படுத்தினான்; நிராகரிப்போரின் வாக்கைக் கீழாக்கினான்; ஏனெனில், அல்லாஹ்வின் வாக்கு - அதுதான் (எப்போதும்) மேலோங்கும்; அல்லாஹ் மிகைத்தவன்; ஞானமிக்கவன்.

9:60. (ஜகாத் என்னும்) தானங்கள் - வறியவர்களுக்கும், ஏழைகளுக்கும், அதற்காக (வசூல் செய்வது, கணக்கிடுவது போன்ற வேலைகளில்) உழைப்பவர்களுக்கும், எவர்களுடைய இதயங்கள் (இஸ்லாத்தின்பால்) ஈர்க்கப்படுகின்றனவோ அவர்களுக்கும், (அடிமைகளை) விடுதலை செய்வதற்கும், கடன்பட்டிருப்பவர்களுக்கும், அல்லாஹ்வின் பாதையிலும், வழிப்போக்கருக்கும் உரியவை; (இது) அல்லாஹ் விதித்த கடமையாகும்; அல்லாஹ் (யாவையும்) அறிபவன், மிக்க ஞானமுடையோன்.

9:71. நம்பிக்கை கொண்ட ஆண்களும், நம்பிக்கை கொண்ட பெண்களும் அவர்களில் சிலர் சிலருக்கு உதவியாளர்களாக இருக்கின்றனர்; அவர்கள் நன்மையை ஏவுகின்றனர்; தீமையைவிட்டும் தடுக்கின்றனர்; தொழுகையைக் கடைப்பிடிக்கிறார்கள்; ஜகாத்தை (முறையாகக்) கொடுக்கிறார்கள்; அல்லாஹ்வுக்கும் அவன் தூதருக்கும் கீழ்ப்படிகிறார்கள்; அத்தகையோர் - அவர்களுக்கு அல்லாஹ் சீக்கிரத்தில் கருணைபுரிவான்; நிச்சயமாக அல்லாஹ் மிகைத்தவனாகவும், ஞானமுடையவனாகவும் இருக்கின்றான்.

9:106. வேறுசிலர் அல்லாஹ்வின் கட்டளைக்காகப் பிற்படுத்தப்பட்டுள்ளனர்; (அல்லாஹ்) அவர்களைத் தண்டிக்கலாம் அல்லது அவர்களை மன்னிக்கலாம்: அல்லாஹ் அறிந்தவன்; ஞானமிக்கவன்.

9:110. அவர்கள் எழுப்பிய அவர்களுடைய கட்டடம் அவர்களுடைய இதயங்களில் ஒரு வடுவாக இருந்துகொண்டே இருக்கும்; அவர்களின் உள்ளங்கள் துண்டுதுண்டாக ஆகும்வரை (அதாவது, மரணிக்கும்வரை). அல்லாஹ் நன்கறிந்தவன், ஞானமிக்கவன்.

10:1. அலிஃப், லாம், ரா. இவை ஞானம் நிறைந்த வேதத்தின் வசனங்களாகும்.

11:1. அலிஃப், லாம், றா. (இது) வேதமாகும்; இதன் வசனங்கள் (பல்வேறு அத்தாட்சிகளால்) உறுதியாக்கப்பட்டு, பின்னர் இவை நன்கறிபவனும், ஞானம் மிக்கோனுமாகிய (இறை)வனிடமிருந்து விவரிக்கப்பட்டுள்ளன.

12:6. இவ்வாறே, உன் இறைவன் உன்னைத் தேர்ந்தெடுத்து, கனவுகளின் விளக்கத்தை உனக்குக் கற்றுக்கொடுத்து, தன்னுடைய அருட்கொடையை உன்மீதும், யஃகூபின் சந்ததியினர் மீதும் நிரப்பமாக்கிவைப்பான்; (இதற்கு) முன்னர் இப்ராஹீம், இஸ்ஹாக் ஆகிய உன்னுடைய இரு மூதாதையரின் மீதும் அதனை அவன் நிரப்பமாக்கி வைத்தது போல்; நிச்சயமாக உன் இறைவன் (யாவற்றையும்) நன்கறிந்தோனும், மிக்க ஞானமுடையவனுமாக இருக்கின்றான்" (என்றும் கூறினார்).

12:83. (ஊர் திரும்பியவர்கள் தம் தந்தையிடம் அவ்வாறே சொல்லவும்) "இல்லை! உங்களுடைய மனங்கள் (இவ்வாறு தவறான) ஒரு விஷயத்தைச் செய்யும்படித் தூண்டிவிட்டிருக்கின்றன; ஆயினும், அழகான பொறுமையே (எனக்கு உகந்ததாகும்); அல்லாஹ் அவர்களனைவரையும் என்னிடம் கொண்டுவந்து சேர்க்கப் போதுமானவன்; நிச்சயமாக அவன் மிகவும் அறிந்தவனாகவும், மிக்க ஞானமுடையவனாகவும் இருக்கின்றான்" என்று கூறினார்.

12:110. (நம்) தூதர்கள் நிச்சயமாகப் பொய்ப்படுத்தப்பட்டு விட்டார்கள் என்று எண்ணி, நம்பிக்கை இழந்து விடும்பொழுது நமது உதவி அவர்களுக்கு வந்தது; நாம் நாடியவர்கள் காப்பாற்றப்பட்டனர்; நமது தண்டனை குற்றவாளிகளான கூட்டத்தாரை விட்டும் நீக்கப்படாது.

14:4. எந்தத் தூதரையும் அவருடைய சமுதாயத்தின் மொழியைக் கொண்டே தவிர நாம் அனுப்பவில்லை, அவர்களுக்கு அவர் விளக்கிக் கூறுவதற்காக; அல்லாஹ் தான் நாடியோரை வழிதவறச் செய்கின்றான்; தான் நாடியோருக்கு நேர்வழியையும் காண்பிக்கின்றான்; அவன் மிகைத்தவனாகவும், ஞானமுடையவனாகவும் இருக்கின்றான்.

15:25. நிச்சயமாக உம்முடைய இறைவன் (இறுதிநாளில்) அவர்களை ஒன்று திரட்டுவான்; நிச்சயமாக அவன் ஞானம்மிக்கவன்; யாவற்றையும் நன்கறிபவன்.

16:60. எவர்கள் மறுமையின் மீது நம்பிக்கை கொள்ளவில்லையோ அவர்களுக்கே கெட்ட தன்மை இருக்கிறது; அல்லாஹ்வுக்கோ மிகவும் உயர்ந்த தன்மை இருக்கின்றது; மேலும், அவன் மிகைத்தவன்; ஞானமிக்கவன்.

16:125. (நபியே!) உம் இறைவனின் பாதையில் (மக்களை) விவேகத்துடனும், அழகிய உபதேசத்தைக் கொண்டும் நீர் அழைப்பீராக! இன்னும், அவர்களிடத்தில் மிக அழகான முறையில் தர்க்கிப்பீராக! மெய்யாக உம் இறைவன், அவன் வழியைவிட்டுத் தவறியவர்களை நன்கு அறிந்தவன்; இன்னும், அவன் நேர்வழி பெற்றவர்களையும் நன்கறிந்தவன்.

17:39. இவையெல்லாம் உம்முடைய இறைவன் ஞானத்திலிருந்து உமக்கு 'வஹீ' (மூலம்) அறிவித்துள்ளவையாகும்; ஆகவே, அல்லாஹ்வுடன் வேறு தெய்வத்தை (இணையாக) ஏற்படுத்தாதீர்: (அப்படிச் செய்தால்) நீர் நிந்திக்கப்பட்டவராகவும் (அருளை விட்டும்) தூரமாக்கப்பட்டவராகவும் நரகத்தில் எறியப்படுவீர்.

22:52. (நபியே!) உமக்கு முன்னர் எந்தத் தூதரையும் எந்த நபியையும் - அவர் ஓதினால், அவருடைய ஓதுதலில் ஷைத்தான் (நிராகரிப்போரின் நெஞ்சில்) குழப்பத்தைப் போட்டே அல்லாமல் - நாம் அனுப்பவில்லை; எனினும், ஷைத்தான் எறிந்த (குழப்பத்)தை அல்லாஹ் நீக்கிய பின்னர் அவன் தன்னுடைய வசனங்களை உறுதிப்படுத்துகிறான்; மேலும், அல்லாஹ் (யாவற்றையும்) அறிந்தவனாகவும், ஞானமிக்கோனாகவும் இருக்கின்றான்.

24:5. எனினும், (இவர்களில்) எவர் இதற்குப் பின்னர் தவ்பா செய்து (தங்களைத்) திருத்திக் கொள்கிறார்களோ - நிச்சயமாக அல்லாஹ் மன்னிப்பவனாகவும் கிருபை செய்பவனாகவும் இருக்கின்றான்.

24:10. இன்னும், உங்கள் மீது அல்லாஹ்வுடைய அருளும், அவனுடைய கிருபையும் இல்லாது போயிருப்பின், (உங்களுக்கு அழிவு உண்டாகியிருக்கும்;) நிச்சயமாக அல்லாஹ் தவ்பாவை ஏற்றுக்கொள்பவனாகவும் ஞானமுடையோனாகவும் இருக்கின்றான்.

24:18. இன்னும், அல்லாஹ் (தன்) வசனங்களை உங்களுக்கு (நன்கு) விவரித்துக் கூறுகிறான்; மேலும், அல்லாஹ் (யாவும்) அறிந்தவன்; விவேகம் மிக்கோன்.

24:59. இன்னும், உங்களிலுள்ள குழந்தைகள் பருவத்தை அடைந்துவிட்டால் அவர்களும் அவர்களுக்கு முன்னுள்ள (மூத்த)வர்கள் அனுமதி கேட்பதுபோல் அனுமதி கேட்கவேண்டும்; இவ்வாறே, அல்லாஹ் தன்னுடைய வசனங்களை உங்களுக்கு விவரிக்கின்றான்; அல்லாஹ் (யாவற்றையும்) அறிந்தவன்; ஞானம் மிக்கவன்.

27:6. (நபியே!) நிச்சயமாக மிக்க ஞானமுடைய (யாவற்றையும்) நன்கறிந்தவனிடமிருந்து இந்தக் குர்ஆன் உமக்குக் கொடுக்கப்பட்டுள்ளது.

27:9. "மூஸாவே! நிச்சயமாக நானே அல்லாஹ்! (யாவற்றையும்) மிகைத்தவன்; ஞானம் மிக்கோன்."

27:15. தாவூதுக்கும், ஸுலைமானுக்கும் நிச்சயமாக நாம் கல்வியைக் கொடுத்தோம்; அதற்கு அவ்விருவரும்: "புகழ் அனைத்தும் அல்லாஹ்வுக்கே உரியது; அவன்தான் நம்பிக்கையாளர்களான தன் அடியார்களில் அநேகரைவிட நம்மை மேன்மையாக்கினான்" என்று கூறினார்கள்.

29:26. (இதன் பின்னரும்) லூத் (மட்டுமே) அவர் மீது நம்பிக்கை கொண்டார்; (அவரிடம் இப்ராஹீம்) "நிச்சயமாக நான் என் இறைவனை நாடி (இவ்வூரை விட்டு) ஹிஜ்ரத் செய்கிறேன்; நிச்சயமாக அவன் (யாவற்றையும்) மிகைத்தவன்; ஞானம் மிக்கவன்" என்று கூறினார்.

29:42. நிச்சயமாக அல்லாஹ் - அவனையன்றி (கடவுளென) அவர்கள் எதை அழைக்கிறார்களோ, அதை அறிகிறான்; இன்னும், அவன் (யாவற்றையும்) மிகைத்தவன்; ஞானம் மிக்கவன்.

30:27. அவனே படைப்பைத் துவங்குகின்றான்; பின்னர், அவனே அதை மீட்டுகிறான்; மேலும், இது அவனுக்கு மிகவும் எளிதேயாகும். வானங்களிலும் பூமியிலும் மிக உயர்ந்த வர்ணனை (பண்பு) அவனுக்குரியதே. மேலும், அவன் மிகைத்தவன், ஞானம் மிக்கவன்.

31:2. இவை, ஞானம் நிறைந்த வேதத்தின் வசனங்களாகும்.

31:9. அவர்கள் அதில் நிரந்தரமாக இருப்பார்கள்; அல்லாஹ்வின் வாக்குறுதி உண்மையானது; அவன் (யாவற்றையும்) மிகைத்தவன், ஞானம் மிக்கோன்.

31:12. இன்னும், நாம் லுக்மானுக்கு நிச்சயமாக ஞானத்தைக் கொடுத்தோம்; அல்லாஹ்வுக்கு நீர் நன்றி செலுத்தும்; ஏனென்றால், எவன் நன்றி செலுத்துகிறானோ அவன் தன(து நன்மை)க்காகவே நன்றி செலுத்துகிறான்; இன்னும், எவன் நிராகரிக்கின்றானோ, (அவன் தன்னையே நட்டப்படுத்திக் கொள்கிறான்;) நிச்சயமாக அல்லாஹ் (எவரிடத்திலிருந்தும்) தேவையில்லாதவன்; புகழப்படுபவன்.

31:27. மேலும், நிச்சயமாக இப்பூமியிலுள்ள மரங்கள் யாவும் எழுதுகோல்களாகவும், கடல் (நீர் முழுவதும்) அதனுடன்கூட மற்றும் ஏழு கடல்கள் அதிகமாக்கப்பட்டு (மையாக) இருந்தபோதிலும், அல்லாஹ்வின் (புகழ்) வார்த்தைகள் முடிவுறா. நிச்சயமாக அல்லாஹ் மிகைத்தவன், ஞானம் மிக்கோன்.

33:1. நபியே! அல்லாஹ்வையே அஞ்சுவீராக! நிராகரிப்பாளர்களுக்கும், நயவஞ்சகர்களுக்கும் கீழ்ப்படியாதீர்; நிச்சயமாக அல்லாஹ் (யாவற்றையும்) நன்கறிபவன், ஞானம் மிக்கவன்.

33:34. மேலும், உங்களுடைய வீடுகளில் ஓதப்படுகின்ற அல்லாஹ்வின் வசனங்களையும், ஞானத்தையும் நினைவில் வைத்துக்கொள்ளுங்கள்; நிச்சயமாக அல்லாஹ் (உங்கள் உள்ளங்களிலுள்ளவை பற்றி) சூட்சுமமாகத் தெரிந்தவன்; (உங்கள் செயல்கள் பற்றி) நன்கறிந்தவன்.

34:1. புகழ் எல்லாம் அல்லாஹ்வுக்கே உரியது. வானங்களில் உள்ளவையும் பூமியில் உள்ளவையும் அவனுக்கே (உரியன); மறுமையிலும் புகழ் யாவும் அவனுக்கே; மேலும், அவன் ஞானம் மிக்கவன்; (யாவற்றையும்) நன்கறிபவன்.

34:27. "அவனுக்கு இணையானவர்களென நீங்கள் சேர்த்தீர்களே அவர்களை எனக்குக் காண்பியுங்கள்! அவ்வாறில்லை! (அவனுக்கு எவருமே இணையில்லை;) அவனே அல்லாஹ்; யாவரையும் மிகைத்தவன்; ஞானம் மிக்கோன்" என்றும் சொல்லும்!

35:2. மனிதர்களுக்கு அல்லாஹ் தன் அருளிலிருந்து ஒன்றைத் திறப்பானாயின், அதைத் தடுப்பார் எவருமில்லை; அன்றியும், அவன் எதைத் தடுத்து விடுகிறானோ, அதன் பின் அதனை அனுப்பக்கூடியவர் எவரும் இல்லை; மேலும், அவன் யாவரையும் மிகைத்தவன்; ஞானம் மிக்கவன்.

36:2. ஞானம் நிரம்பிய இக்குர்ஆன் மீது சத்தியமாக!

39:1. (யாவரையும்) மிகைத்தவனும், ஞானம் மிக்கவனுமாகிய அல்லாஹ்விடமிருந்தே இவ்வேதம் இறக்கப்பட்டுள்ளது.

40:8. "எங்கள் இறைவனே! நீ அவர்களுக்கு வாக்களித்திருக்கும் நிலையான சுவர்க்கங்களில் அவர்களையும், அவர்கள் மூதாதையர்களிலும், அவர்கள் மனைவியர்களிலும், அவர்கள் சந்ததியர்களிலும் யார் நல்லோராகிவிட்டனரோ அவர்களையும் பிரவேசிக்கச் செய்வாயாக! நிச்சயமாக நீதான் (யாவரையும்) மிகைத்தவன்; ஞானம் மிக்கவன்."

41:42. அதனிடம் அதற்கு முன்னிருந்தோ அதற்குப் பின்னிருந்தோ அசத்தியம் வராது; (இது) புகழுக்குரிய ஞானம் மிக்கவனிடமிருந்து இறங்கியுள்ளது.

42:3. (நபியே!) இது போன்றே (யாவரையும்) மிகைத்தவனும் ஞானம் மிக்கோனுமாகிய அல்லாஹ் உமக்கும், உமக்கு முன் இருந்தவர்(களுமாகிய நபிமார்)களுக்கும் வஹீ அறிவிக்கிறான்.

42:51. அல்லாஹ் எந்த மனிதரிடத்திலும் வஹீயாகவோ, அல்லது திரைக்கப்பால் இருந்தோ, அல்லது தான் விரும்பியதைத் தன் அனுமதியைக் கொண்டு வஹீ அறிவிக்கக்கூடிய ஒரு தூதரை (- வானவரை) அனுப்பியோ அன்றி (நேரடியாகப்) பேசுவதில்லை. நிச்சயமாக அவன் உயர்ந்தவன்; ஞானமுடையவன்.

43:4. இன்னும், நிச்சயமாக இது நம்மிடத்திலுள்ள (லவ்ஹுல் மஹ்பூள் என்னும்) தாய் நூலில் இருக்கிறது; (இதுவே வேதங்களில்) மிக்க மேலானதும் ஞானம் நிறைந்ததுமாகும்.

43:63. இன்னும், ஈஸா தெளிவான அத்தாட்சிகளுடன் வந்தபோது: "மெய்யாகவே, நான் உங்களுக்கு ஞானத்தைக் கொண்டுவந்திருக்கிறேன்; நீங்கள் கருத்து வேற்றுமையுடன் இருக்கும் சிலவற்றை உங்களுக்கு விளக்கிக்கூறுவேன்; ஆகவே, நீங்கள் அல்லாஹ்வை அஞ்சிக்கொள்ளுங்கள், எனக்குக் கீழ்ப்படியுங்கள்" என்று கூறினார்.

43:84. அன்றியும், அவனே வானத்தின் இறைவனும் பூமியின் இறைவனும் ஆவான்; மேலும், அவனே ஞானம் மிக்கோன், (யாவற்றையும்) நன்கறிந்தவன்.

44:4. அதில் உறுதிசெய்யப்பட்ட ஒவ்வொரு விஷயமும் பிரிக்கப்படும்.

45:2. இவ்வேதம், யாவரையும் மிகைத்தோனும் ஞானம் மிக்கோனுமாகிய அல்லாஹ்விடமிருந்தே இறக்கியருளப்பட்டது.

45:37. இன்னும், வானங்களிலும், பூமியிலுமுள்ள பெருமை அவனுக்கே உரியது; மேலும், அவன்தான் (யாவரையும்) மிகைத்தவன், ஞானம் மிக்கோன்.

46:2. இவ்வேதம் (யாவரையும்) மிகைத்தோனும், ஞானமிக்கோனுமாகிய அல்லாஹ்விடமிருந்தே இறக்கியருளப்பட்டது.

48:4. நம்பிக்கையாளர்களின் இதயங்களில் அவர்களுடைய நம்பிக்கையுடன் (மேலும்) நம்பிக்கையை அதிகரித்துக்கொள்வதற்காக அவன்தான் அமைதியை இறக்கிவைத்தான்; அன்றியும், வானங்களிலும் பூமியிலுமுள்ள படைகள் (எல்லாம்) அல்லாஹ்வுக்கே சொந்தம்; மேலும், அல்லாஹ் நன்கறிந்தவன், ஞானம் மிக்கோன்.

48:7. அன்றியும் வானங்களிலும், பூமியிலுமுள்ள படைகள் (எல்லாம்) அல்லாஹ்வுக்குச் சொந்தம்; மேலும், அல்லாஹ் (யாவரையும்) மிகைத்தவன்; ஞானம் மிக்கோன்.

48:19. இன்னும், ஏராளமான போர்ப்பொருட்களை அவர்கள் கைப்பற்றும்படிச் செய்தான்; அல்லாஹ் (யாவரையும்) மிகைத்தோனாகவும் ஞானம் மிக்கோனாகவும் இருக்கிறான்.

49:8. (இது) அல்லாஹ்விடமிருந்துள்ள அருளாக, அருட்கொடையாக உள்ளது; மேலும், அல்லாஹ் நன்கறிந்தவன்; ஞானம் மிக்கோன்.

51:30. "(அறிவு மிக்க புதல்வர் பிறப்பார்!)" இவ்வாறே, உம் இறைவன் கூறினான்; நிச்சயமாக அவன் ஞானம் மிக்கவன்; (யாவற்றையும்) நன்கறிந்தவன்" என்று கூறினார்கள்.

54:5. நிறைவான ஞானம் உடையவை; ஆனால் (அவர்களுக்கு அவற்றின்) எச்சரிக்கைகள் பயனளிக்கவில்லை.

57:1. வானங்களிலும், பூமியிலும் உள்ள யாவும் அல்லாஹ்வுக்கு தஸ்பீஹ் (துதி) செய்து கொண்டிருக்கின்றன; அவன் (யாவரையும்) மிகைத்தோன்; ஞானம் மிக்கவன்.

59:1. வானங்களிலுள்ளவையும் பூமியிலுள்ளவையும் அல்லாஹ்வைத் தஸ்பீஹ் (துதி) செய்கின்றன; அவன் (யாவரையும்) மிகைத்தவன்; ஞானம் மிக்கவன்.

59:24. அவன்தான் அல்லாஹ்; படைப்பவன்; (ஒழுங்குபடுத்தி) உண்டாக்குபவன்; உருவமளிப்பவன்; அவனுக்கு அழகிய திருநாமங்கள் இருக்கின்றன; வானங்களிலும், பூமியிலும் உள்ளவை யாவும் அவனையே தஸ்பீஹ் (துதி) செய்கின்றன; அவனே (யாவரையும்) மிகைத்தவன்; ஞானம் மிக்கவன்.

60:5. "எங்கள் இறைவா! நிராகரிப்பாளர்களுக்கு எங்களைச் சோதனை(ப் பொருள்) ஆக ஆக்கிவிடாதே! எங்கள் இறைவா! எங்களுக்கு மன்னிப்பும் அருள்வாயாக! நிச்சயமாக நீ (யாவரையும்) மிகைத்தவன்; ஞானம் மிக்கவன்" (என்றும் வேண்டினார்).

60:10. நம்பிக்கை கொண்டவர்களே! நம்பிக்கை கொண்ட பெண்கள் ஹிஜ்ரத் செய்து உங்களிடம் வந்தால், அவர்களை நீங்கள் பரிசோதித்துக் கொள்ளுங்கள்; அல்லாஹ் அவர்கள் நம்பிக்கையை நன்கறிந்தவன்; எனவே, அவர்கள் நம்பிக்கைகொண்ட பெண்கள் என நீங்கள் அறிந்தால், நிராகரிப்பாளர்களிடம் அவர்களைத் திருப்பியனுப்பிவிடாதீர்கள்; ஏனெனில், இவர்கள் அவர்களுக்கு (மனைவியராக இருக்க) அனுமதிக்கப்பட்டோர் அல்லர்; அவர்கள் இவர்களுக்கு (கணவர்களாக இருக்க) அனுமதிக்கப்பட்டோர் அல்லர்; (ஆனால், இப்பெண்களுக்காக) அவர்கள் செலவு செய்திருந்ததை அவர்களுக்குக் கொடுத்துவிடுங்கள்; அன்றியும், நீங்கள் அவர்களுக்குரிய மஹரை கொடுத்து அவர்களை மணந்து கொள்வது உங்கள்மீது குற்றமில்லை; மேலும், நிராகரித்துக் கொண்டிருக்கும் பெண்களின் திருமணபந்தத்தை நீங்கள் பற்றிப்பிடித்துக் கொள்ளவேண்டாம்; அன்றியும், நீங்கள் செலவு செய்திருந்ததை (அவர்கள் போய்ச் சேருவோரிடம்) கேளுங்கள்; (அவ்வாறே, நம்பிக்கை கொண்டு உங்களிடம் வந்து விட்டோருக்காகத்) தாங்கள் செலவு செய்ததை அவர்கள் (உங்களிடம்) கேட்கலாம்; இதுவே, அல்லாஹ்வுடைய கட்டளையாகும்; உங்களிடையே அவன் தீர்ப்பு வழங்குகிறான்; மேலும், அல்லாஹ் நன்கறிந்தவன்; ஞானம் மிக்கவன்.

61:1. வானங்களிலுள்ளவையும், பூமியிலுள்ளவையும் அல்லாஹ்வைத் தஸ்பீஹ் (துதி) செய்து கொண்டிருக்கின்றன; அவன் யாவரையும் மிகைத்தவன்; ஞானம் மிக்கவன்.

62:1. வானங்களிலுள்ளவையும், பூமியிலுள்ளவையும் அல்லாஹ்வைத் தஸ்பீஹ் (துதி) செய்து கொண்டிருக்கின்றன; (அவன்தான் மெய்யான) பேரரசன்; பரிசுத்தமானவன்; (யாவரையும்) மிகைத்தவன்; ஞானம் மிக்கவன்.

62:2. அவன்தான், எழுத்தறிவில்லா மக்களிடம் அவனுடைய வசனங்களை ஓதிக்காட்டி, அவர்களைப் பரிசுத்தமாக்கி, அவர்களுக்கு வேதத்தையும், ஞானத்தையும் கற்பிக்கும்படியான தூதரை அவர்களிலிருந்தே அனுப்பிவைத்தான்; அவர்களோ, அதற்கு முன்னர் பகிரங்கமான வழிகேட்டிலேயே இருந்தனர்.

62:3. இவர்களிலிருந்து இவர்களுடன் சேராத (பிற்காலத்த) வர்களுக்காகவும், (தூதராக அனுப்பி வைத்தான்); அவன் (யாவரையும்) மிகைத்தவன்; ஞானம் மிக்கவன்.

64:18. மறைவானவற்றையும், பகிரங்கமானவற்றையும் அறிபவன்; (யாவரையும்) மிகைத்தவன்; ஞானம் மிக்கவன்.

66:2. அல்லாஹ் உங்களுடைய சத்தியங்களை (சில போது தக்க பரிகாரங்களுடன்) முறித்து விடுவதை உங்களுக்கு ஏற்படுத்தியிருக்கிறான்; மேலும், அல்லாஹ் உங்கள் எஜமானன்; மேலும், அவன் நன்கறிந்தவன்; ஞானம் மிக்கவன்.

76:30. எனினும், அல்லாஹ் நாடினாலன்றி, நீங்கள் நாட மாட்டீர்கள்; நிச்சயமாக அல்லாஹ் நன்கறிந்தவன்; ஞானம் மிக்கவன்.