3:20. (இதற்குப் பின்னும்) அவர்கள் உம்மிடம் தர்க்கம் செய்தால் (நபியே!) நீர் கூறுவீராக: "நான் என் முகத்தை அல்லாஹ்வுக்கு முற்றிலும் பணித்து விட்டேன்; என்னைப் பின்பற்றியோரும் (அவ்வாறே பணித்துவிட்டனர்);" தவிர, வேதம் கொடுக்கப்பட்டோரிடமும், எழுதப்படிக்கத் தெரியாதவர்களிடமும், 'இஸ்லாத்தை ஏற்கிறீர்களா?' என்று கேளும்; அவர்கள் இஸ்லாத்தை ஏற்றால் நிச்சயமாக அவர்கள் நேரான பாதையை அடைந்துவிட்டார்கள்; ஆனால், அவர்கள் புறக்கணித்து விடுவார்களாயின் (நீர் கவலைப்பட வேண்டாம்); உம்மீதுள்ள கடமையெல்லாம் எத்திவைப்பதுதான்; மேலும், அல்லாஹ் தன் அடியார்களைப் பார்க்கிறவன்.

3:97. அதில் தெளிவான அத்தாட்சிகளும் இப்ராஹீம் நின்ற இட(மான மகாமு இப்ராஹீ)மும் இருக்கின்றன; மேலும், எவர் அதில் நுழைகிறாரோ அவர் அச்சம் தீர்ந்தவராகிவிடுகிறார்; இன்னும், எவர்கள் அங்கு யாத்திரை செல்லச் சக்திபெற்று இருக்கிறார்களோ, அத்தகைய மனிதர்கள்மீது, அல்லாஹ்வுக்காக அவ்வாலயத்தை ஹஜ் செய்வது கடமையாகும்; ஆனால், எவரேனும் (இதை) நிராகரித்தால் (அதனால் அல்லாஹ்வுக்குக் குறையேற்படப் போவதில்லை; ஏனெனில்) - நிச்சயமாக அல்லாஹ் அகிலத்தாரை விட்டும் தேவையற்றவனாக இருக்கின்றான்.

4:43. நம்பிக்கை கொண்டவர்களே! நீங்கள் போதையில் இருக்கும்போது, நீங்கள் கூறுவது இன்னது என்று நீங்கள் அறிந்துகொள்ளும் வரை தொழுகைக்கு நெருங்காதீர்கள்; அன்றியும், குளிப்பு கடமையாக இருக்கும்போது குளிக்கும் வரை (பள்ளிக்குச் செல்லாதீர்கள்; பள்ளிவாசல் வழியாக) பாதையைக் கடந்து சென்றால் தவிர; இன்னும், நீங்கள் நோயாளிகளாகவோ பயணத்திலோ இருந்தால், அல்லது மலஜலம் கழிக்குமிடத்திலிருந்து வந்தால் அல்லது பெண்களைத் தீண்டியோ இருந்து (சுத்தம் செய்துகொள்ள) தண்ணீரைப் பெறாவிடின் சுத்தமான மண்ணைத் தொட்டு உங்களுடைய முகங்களையும், உங்களுடைய கைகளையும் தடவி (தயம்மும் செய்து) கொள்ளுங்கள்; (இதன் பின் தொழலாம்;) நிச்சயமாக அல்லாஹ் பிழை பொறுப்பவனாகவும், மன்னிப்பவனாகவும் இருக்கின்றான்.

6:161. (நபியே!) நீர் கூறும்: "மெய்யாகவே என் இறைவன் எனக்கு நேரான பாதையின்பால் வழி காட்டினான் - அது மிக உறுதியான மார்க்கமாகும்; சத்திய வழியில் நின்ற இப்ராஹீமின் மார்க்கமுமாகும்: அவர் இணைவைப்பவர்களில் ஒருவராக இருக்கவில்லை."

7:16. "நீ என்னை வழிகெட்டவனாக ஆக்கியதன் காரணத்தால் (ஆதமுடைய சந்ததிகள்) உன்னுடைய நேரான பாதையில் (செல்லாது தடுப்பதற்காக அவ்வழியில்) அவர்களுக்காக திட்டமாக உட்கார்ந்து கொள்வேன்" என்று கூறினான்.

15:16. வானத்தில் கிரகங்களை நிச்சயமாக நாம் அமைத்து, பார்ப்போருக்கு அவற்றை அலங்காரமாகவும் ஆக்கினோம்.

16:15. பூமியின் மீது - அது உங்களைக் கொண்டு அசையாதிருப்பதற்காக அவன் உறுதியான மலைகளை அமைத்தான்; இன்னும், நீங்கள் சரியான வழியை அறி(ந்து செல்)வதற்காக அவன் ஆறுகளையும் பாதைகளையும் (அமைத்தான்).

20:10. அவர் நெருப்பைக் கண்டு தம் குடும்பத்தாரிடம் "நீங்கள் (இங்கு சிறிது) தங்குங்கள்; நிச்சயமாக நான் நெருப்பைக் கண்டேன்; ஒரு வேளை அதிலிருந்து உங்களுக்கு ஓர் எரி கொள்ளியைக் கொண்டுவரவோ, அல்லது நாம் செல்ல வேண்டிய பாதையை அந் நெருப்பி(ன் உதவியி)னால் கண்டுபிடிக்கவோ செய்யலாம்" (என்று கூறினார்).

20:53. "(அவனே) உங்களுக்காக இப்பூமியை ஒரு விரிப்பாக அமைத்தான்; இன்னும், அதில் உங்களுக்குப் பாதைகளை இலேசாக்கினான்; மேலும், வானத்திலிருந்து நீரையும் இறக்கினான்:" இதை (மழைநீரை)க் கொண்டு நாம் பலவிதமான தாவரங்களை ஜோடி ஜோடியாக வெளிப்படுத்துகிறோம்.

20:63. (மக்களை நோக்கி,) "நிச்சயமாக இவ்விருவரும் சூனியக்காரர்களே! தம் இருவருடைய சூனியத்தைக் கொண்டு உங்களை உங்களுடைய நாட்டை விட்டு வெளியேற்றவும், சிறப்பான உங்களுடைய (மார்க்க) பாதையைப் போக்கி விடவுமே இவ்விருவரும் விரும்புகிறார்கள்" என்று அவர்கள் கூறினார்கள்.

20:77. இன்னும், "நீர் என் அடியார்களுடன் இரவோடிரவாகப் பயணம் செய்து, அவர்களுக்காகக் கடலில் உலர்ந்த பாதையை உண்டாக்கிக் கொள்வீராக! (ஃபிர்அவ்ன் உம்மை) அடைந்து விடுவதைப் பயப்படாமலும் (கடலில் மூழ்கிவிடுவோம் என்று) அஞ்சாமலும் இருப்பீராக!" என்று மூஸாவுக்கு நாம் திட்டமாக வஹீ அறிவித்தோம்.

20:79. ஃபிர்அவுன் - தன் சமூகத்தாரை வழி கெடுத்தான், நேரான பாதையை (அவர்களுக்குக்) காட்டவுமில்லை.

21:31. இன்னும் பூமி, (மனிதர்களாகிய) அவர்களைக் கொண்டு அசையாமலிருக்கும் பொருட்டு, நாம் அதில் நிலையான மலைகளை அமைத்தோம்; அவர்கள் நேரான வழியில் செல்லும் பொருட்டு, நாம் விசாலமான பாதைகளையும் அதில் அமைத்தோம்.

23:17. அன்றியும், உங்களுக்கு மேலே ஏழு பாதைகளைத் திடமாக நாம் படைத்திருக்கிறோம்; (நமது) படைப்பைக் குறித்து நாம் எப்பொழுதுமே பராமுகமாக இருக்கவில்லை.

25:61. வான்மண்டலத்தில் பல கிரகங்களை அமைத்து அவற்றிடையே ஒரு விளக்கை (சூரியனை)யும், ஒளிர்கின்ற சந்திரனையும் உண்டாக்கினானே அவன் பாக்கியமுள்ளவன்.

35:27. நிச்சயமாக அல்லாஹ் வானத்திலிருந்து மழையை இறக்கிவைத்ததை நீர் பார்க்கவில்லையா? பின்னர், நாமே அதனைக்கொண்டு பல விதமான நிறங்களுடைய கனிகளை வெளியாக்கினோம்; மலைகளிலிருந்து வெண்மையானதும், சிவந்ததும், தன் நிறங்கள் பற்பல விதமானவையான பாதைகளும் சுத்தக்கரிய நிறமுடையவும் உள்ளன.

35:42. அவர்களிடம் அச்சமூட்டி எச்சரிப்பவர் எவரும் வருவாராயின், நிச்சயமாக தாங்கள் மற்றெந்த ஒரு சமுதாயத்தையும் விட மிக நேரான பாதையில் ஆகிவிடுவதாக அவர்கள் அல்லாஹ்வின் மீது பலமாக சத்தியம் செய்தார்கள்; ஆயினும், அவர்களிடம் அச்சமூட்டி எச்சரிப்பவர் வந்தபோது, (அது) அவர்களுக்கு வெறுப்பைத் தவிர (வேறெதையும்) அதிகப்படுத்தவில்லை.

36:4. நேரான வழியின் மீது இருக்கின்றீர்.

40:29. "என்னுடைய சமூகத்தாரே! இன்று ஆட்சி உங்களிடம்தான் இருக்கிறது: (நீங்கள்தாம் எகிப்து) பூமியில் மிகைத்தவர்களாகவும் இருக்கின்றீர்கள்; ஆயினும், அல்லாஹ்வின் தண்டனை நமக்கு வந்துவிட்டால், நமக்கு உதவிசெய்பவர் யார்?" (என்றும் கூறினார்:) அதற்கு: "நான் (உண்மை எனக்) காண்பதையே உங்களுக்கு நான் காண்பிக்கிறேன்; நேரான பாதையல்லாது (வேறு) எதையும் நான் உங்களுக்குக் காண்பிக்கவில்லை" என ஃபிர்அவன் கூறினான்.

40:36. (இவ்வளவு உபதேசித்த பின்னரும்,) "ஹாமானே! உயரமான ஒரு கோபுரத்தை எனக்காக நீ கட்டுவாயாக! நான் (மேலே செல்வதற்கான) பாதைகளைப் பெறும் பொருட்டு" என்று ஃபிர்அவ்ன் கூறினான்.

71:20. "அதில் உள்ள விசாலமான பாதைகளில் நீங்கள் செல்வதற்காக" (என்றும் போதித்தார்).

90:10. அன்றியும், (நன்மை, தீமையாகிய) இருபாதைகளை நாம் அவனுக்குக் காண்பித்தோம்.