2:23. இன்னும், (முஹம்மது என்னும்) நம் அடியாருக்கு நாம் அருளியுள்ள (வேதத்)தில் நீங்கள் சந்தேகம் உடையவர்களாக இருப்பீர்களானால், (அந்த சந்தேகத்தில்) உண்மையாளர்களாகவும் இருப்பீர்களானால் அல்லாஹ்வைத் தவிர உங்கள் உதவியாளர்களை அழைத்து இது போன்ற ஓர் அத்தியாயமேனும் கொண்டு வாருங்கள்.

2:70. "உமது இறைவனிடத்தில் எங்களுக்காகப் பிரார்த்தனை செய்வீராக! அவன் அது எப்படிப்பட்டது என்பதை எங்களுக்குத் தெளிவுபடுத்துவான்; எங்களுக்கு எல்லாப் பசுமாடுகளும் திடனாக, ஒரே மாதிரியாகத் தோன்றுகின்றன; அல்லாஹ் நாடினால் நிச்சயமாக நாம் நேர்வழி பெறுவோம்" என்று அவர்கள் கூறினார்கள்.

2:186. (நபியே!) என் அடியார்கள் என்னைப் பற்றி உம்மிடம் கேட்டால், "நிச்சயமாக நான் சமீபமாகவே இருக்கிறேன்; பிரார்த்தனை செய்பவரின் பிரார்த்தனைக்கு அவர் பிரார்த்தித்தால் விடையளிக்கின்றேன்; அவர்கள் என்னிடமே (பிரார்த்தித்துக்) கேட்கட்டும்; என்னையே நம்பட்டும்; அப்பொழுது அவர்கள் நேர்வழியை அடைவார்கள்" என்று கூறுவீராக!

2:221. (அல்லாஹ்வுக்கு) இணைவைக்கும் பெண்களை - அவர்கள் நம்பிக்கை கொள்ளும் வரை - நீங்கள் திருமணம் செய்துகொள்ளாதீர்கள்; இணைவைக்கும் ஒரு பெண், உங்களைக் கவரக் கூடியவளாக இருந்தபோதிலும், அவளைவிட நம்பிக்கையுள்ள ஓர் அடிமைப் பெண் நிச்சயமாக மேலானவள் ஆவாள்; இணைவைக்கும் ஆண்களுக்கு – அவர்கள் நம்பிக்கை கொள்ளும் வரை (நம்பிக்கையுள்ள பெண்களை) நீங்கள் திருமணம் செய்துவைக்காதீர்கள்; இணைவைக்கும் ஆண் அவன் உங்களைக் கவருபவனாக இருந்தபோதிலும், நம்பிக்கையுள்ள ஓர் அடிமை அவனைவிட மேலானவன்; (நிராகரிப்போராகிய) இவர்கள், உங்களை (நரக) நெருப்பின் பக்கம் அழைக்கிறார்கள்; ஆனால், அல்லாஹ்வோ தன் கட்டளையைக்கொண்டு சுவர்க்கத்தின் பக்கமும், மன்னிப்பின் பக்கமும் அழைக்கிறான்; மனிதர்கள் படிப்பினை பெறுவதற்காக தன் வசனங்களை அவன் விளக்குகிறான்.

2:282. நம்பிக்கை கொண்டோரே! ஒரு குறிப்பிட்ட தவணையின் மீது உங்களுக்குள் கடன் கொடுக்கல் வாங்கல் செய்துகொண்டால், அதை எழுதி வைத்துக்கொள்ளுங்கள்; எழுதுபவன் உங்களிடையே நீதியுடன் எழுதட்டும்; எழுதுபவன் எழுதுவதற்கு மறுக்கக்கூடாது; (நீதமாக எழுதுமாறு) அல்லாஹ் அவனுக்குக் கற்றுக்கொடுத்தபடி அவன் எழுதட்டும்; இன்னும், யார் மீது (திருப்பிக் கொடுக்கவேண்டிய கடன்) பொறுப்பு இருக்கிறதோ அவனே (பத்திரத்தின்) வாசகத்தைச் சொல்லட்டும்; அவன் தனது இறைவனாகிய அல்லாஹ்வை அஞ்சிக்கொள்ளட்டும்; மேலும், அ(வன் வாங்கிய)தில் எதையும் குறைத்துவிடக்கூடாது; இன்னும், யார் மீது கடன் (திருப்பிக் கொடுக்க வேண்டிய) பொறுப்பு இருக்கிறதோ அவன் அறிவு குறைந்தவனாகவோ, அல்லது பலவீனனாகவோ, அல்லது வாசகத்தைக் கூற இயலாதவனாகவோ இருப்பின் அவனுடைய பொறுப்பாளர் நீதமாக வாசகங்களைச் சொல்லட்டும்; தவிர, (நீங்கள் சாட்சியாக ஏற்கக்கூடிய) உங்கள் ஆண்களில் இருவரை சாட்சிகளாக்கிக் கொள்ளுங்கள்; ஆண்கள் இருவர் கிடைக்காவிட்டால், சாட்சிகளில் நீங்கள் பொருந்தக் கூடியவர்களிலிருந்து ஆடவர் ஒருவரையும், பெண்கள் இருவரையும் சாட்சிகளாக எடுத்துக்கொள்ளுங்கள்; (பெண்கள் இருவர்) ஏனென்றால், அவ்விருவரில் ஒருத்தி மறந்து விட்டால், இருவரில் மற்றவள் நினைவூட்டும் பொருட்டேயாகும்; அன்றியும், (சாட்சியம் கூற) சாட்சிகள் அழைக்கப்பட்டால் அவர்கள் மறுக்கலாகாது; தவிர, (கொடுக்கல், வாங்கல்) சிறிதோ, பெரிதோ அதை, அதன் காலவரையறையுடன் எழுதுவதில் அலட்சியமாக இருக்காதீர்கள்; இதுவே அல்லாஹ்விடம் மிகவும் நீதமானதாகும்; சாட்சியத்திற்கு உறுதியுண்டாக்குவதற்காகவும், இன்னும் இது உங்களுக்கு சந்தேகங்கள் ஏற்படாமல் இருக்க சிறந்த வழியாகவும் இருக்கும்; எனினும், உங்களுக்கிடையே உடனுக்குடன் நடைபெறும் வியாபாரமாக இருந்தால் தவிர அதை எழுதிக் கொள்ளாமல் இருப்பது உங்கள்மீது குற்றமில்லை; ஆனால், (அவ்வாறு) நீங்கள் வியாபாரம் செய்யும் போதும் சாட்சிகளை வைத்துக்கொள்ளுங்கள்-- அன்றியும் எழுதுபவனுக்கும், சாட்சிக்கும் (உங்களுக்கு சாதகமாக இருப்பதற்காகவோ, வேறு காரணத்திற்காகவோ) எவ்வித இடையூறும் அளிக்கப்படக்கூடாது; நீங்கள் அப்படிச் செய்வீர்களாயின் அது உங்கள்மீது நிச்சயமாக பாவமாகும்: அல்லாஹ்வுக்கு அஞ்சிக் கொள்ளுங்கள்: அல்லாஹ்தான் உங்களுக்கு (நேரிய இவ்விதி முறைகளைக்) கற்றுக்கொடுக்கின்றான்; தவிர, அல்லாஹ்வே எல்லாப்பொருட்களையும் பற்றி நன்கறிபவன்.

3:23. வேதத்தில் ஒரு பாகம் கொடுக்கப்பட்டவர்(களான யூதர்)களை நீர் கவனிக்கவில்லையா? அவர்களிடையே (ஏற்பட்ட விவகாரத்தைப் பற்றி) அல்லாஹ்வின் வேதத்தைக் கொண்டு தீர்ப்பளிக்க அவர்கள் அழைக்கப்படுகின்றனர்; ஆனால், அவர்களில் ஒரு பிரிவினர் (இதைப்) புறக்கணித்தவர்களாகத் திரும்பிச் செல்கின்றனர்.

3:38. அந்த இடத்திலேயே ஜகரிய்யா தம் இறைவனிடம் பிரார்த்தனை செய்தவராகக் கூறினார்: "இறைவனே! உன்னிடமிருந்து எனக்கொரு பரிசுத்தமான சந்ததியை அளிப்பாயாக! நிச்சயமாக நீ பிரார்த்தனையைச் செவியேற்கிறவன்."

3:61. (நபியே! இது பற்றிய உண்மையான) விளக்கம் உமக்கு வந்த பின்னரும், எவரேனும் ஒருவர் உம்மிடம் இது குறித்து தர்க்கம் செய்தால்; "வாருங்கள்! எங்கள் புதல்வர்களையும், உங்கள் புதல்வர்களையும்; எங்கள் பெண்களையும், உங்கள் பெண்களையும்; எங்களையும், உங்களையும் அழைத்துக்கொண்டு, பிறகு (அல்லாஹ்விடம்) 'பொய்யர்கள் மீது அல்லாஹ்வின் சாபம் உண்டாகட்டும்!' என்று நாம் பிரார்த்திப்போம்!" என நீர் கூறும்.

3:104. மேலும், (மக்களை) நன்மையின் பக்கம் அழைப்பவர்களாகவும், நல்லதைக் கொண்டு ஏவுபவர்களாகவும், தீயதிலிருந்து தடுப்பவர்களாகவும் உங்களிலிருந்து ஒரு கூட்டத்தார் இருக்கட்டும்; இன்னும், அவர்களே வெற்றி பெற்றோராவர்.

3:153. (நினைவுகூருங்கள்! உஹது களத்தில்) உங்கள் பின்னால் இருந்து இத்தூதர் (முஹம்மது) உங்களை அழைத்துக்கொண்டிருக்க, நீங்கள் எவரையும் திரும்பிப்பார்க்காமல் (மேட்டின் மீது) ஏறிக் கொண்டிருந்தீர்கள்; ஆகவே, துக்கத்தின் மேல் துக்கத்தை உங்களுக்கு அவன் கொடுத்தான்; (ஏனெனில், கிடைக்க வேண்டியது) உங்களுக்குத் தவறிவிட்டதின் மீதும், உங்களுக்கு ஏற்பட்ட(துன்பத்)தின் மீதும் நீங்கள் கவலைப்படாமல் இருப்பதற்காக (இவ்வாறு துக்கத்தைக் கொடுத்தான்); இன்னும், அல்லாஹ் நீங்கள் செய்வதை நன்கு அறிபவனாக இருக்கின்றான்.

4:117. (அல்லாஹ்வாகிய) அவனைத் தவிர்த்து, அவர்கள் பெண் (தெய்வங்)களைத் தவிர (வேறெதனையும்) அழைக்கவில்லை; இன்னும், மூர்க்கத்தனம் கொண்ட ஷைத்தானைத் தவிர, (வேறு யாரையும்) அவர்கள் அழைக்கவில்லை.

6:52. (நபியே!) காலையிலும் மாலையிலும், தங்களுடைய இறைவனை அவனுடைய பொருத்தத்தை நாடியவர்களாகப் பிரார்த்தித்துக் கொண்டிருப்போரை நீர் விரட்டிவிடாதீர்; அவர்களுடைய கேள்வி கணக்குகளைப்பற்றி உம்மீது பொறுப்பில்லை; உம்முடைய கேள்வி கணக்குப் பற்றி அவர்கள்மீதும் யாதொரு பொறுப்புமில்லை; எனவே, நீர் விரட்டிவிட்டால் நீரும் அநியாயம் செய்பவர்களில் ஒருவராகி விடுவீர்.

6:57. பின்னும், நீர் கூறும்: "நான் என்னுடைய இறைவனின் தெளிவான அத்தாட்சியின் மீதே இருக்கின்றேன்; ஆனால், நீங்களோ அதைப் பொய்யாக்கினீர்கள்; நீங்கள் எதற்கு அவசரப்படுகின்றீர்களோ அ(வ்வேதனையான)து என்னிடம் இல்லை; அதிகாரம் அனைத்தும் அல்லாஹ்வுக்கேயன்றி (வேறு எவருக்கும்) இல்லை; சத்தியத்தையே அவன் கூறுகின்றான்; தீர்ப்பு வழங்குவோரில் அவனே மிகவும் மேலானவனாக இருக்கிறான்."

6:71. (நபியே!) நீர் கூறும்: "நமக்கு யாதொரு நன்மையும், நமக்கு யாதொரு தீமையும் செய்ய இயலாத, அல்லாஹ் அல்லாதவற்றை நாம் அழைப்போமா? அல்லாஹ் நமக்கு நேர்வழி காட்டிய பின்னரும், (நாம் வழிதவறி) நம் பின்புறமே திருப்பப்பட்டுவிடுவோமா? (அவ்வாறாயின்,) 'எங்களிடம் நேர்வழியின்பால் வந்துவிடு!' என தன்னை அழைக்கும் நண்பர்கள் ஒருவனுக்கு இருக்க, ஷைத்தான்கள் அவனை வழிதவறச்செய்து, பூமியில் தடுமாறிக் கொண்டிருக்கின்றானே அவனைப்போன்று நாங்கள் ஆகிவிடுவோம்;" இன்னும், கூறும்: "நிச்சயமாக அல்லாஹ்வின் வழியே நேர்வழியாகும்; அகிலங்களின் இறைவனுக்கே வழிப்படுமாறு நாங்கள் ஏவப்பட்டுள்ளோம்."

6:108. அல்லாஹ்வையன்றி அவர்கள் அழைத்துக் கொண்டிருப்போரை நீங்கள் திட்டாதீர்கள்; (அப்படித் திட்டினால்) அப்போது அவர்கள் அறிவில்லாமல், வரம்புமீறி அல்லாஹ்வைத் திட்டுவார்கள்; இவ்வாறே, ஒவ்வொரு சமூகத்தாருக்கும் அவர்களுடைய செயலை நாம் அழகாக ஆக்கியுள்ளோம்; பின்பு அவர்களுடைய மீட்சி அவர்களின் இறைவனிடமே இருக்கிறது: அப்போது அவர்கள் செய்துகொண்டிருந்ததை அவர்களுக்கு அவன் அறிவிப்பான்.

7:29. "என் இறைவன், நீதத்தைக் கொண்டே ஏவியுள்ளான்; ஒவ்வொரு தொழுமிடத்திலும் (தொழுகையின் போது) உங்கள் முகங்களை அவன் பக்கமே நிலைப்படுத்திக் கொள்ளுங்கள்; வணக்கத்தை அவனுக்கே கலப்பற்றதாக ஆக்கியவர்களாக அவனை அழையுங்கள்; உங்களை அவன் துவக்கியது போலவே (அவனிடம்) நீங்கள் மீளுவீர்கள்!" என்று நீர் கூறும்.

7:55. (ஆகவே நம்பிக்கையாளர்களே!) உங்களுடைய இறைவனிடம் பணிவாகவும், அந்தரங்கமாகவும் பிரார்த்தனை செய்யுங்கள்; வரம்பு மீறுபவர்களை நிச்சயமாக அவன் நேசிப்பதில்லை.

7:56. மேலும், பூமியில் (அமைதி உண்டாகி) சீர்திருத்தம் செய்யப்பட்ட பின்னர், நீங்கள் குழப்பம் செய்யாதீர்கள்; அச்சத்தோடும், ஆசையோடும் அவனைப் பிரார்த்தியுங்கள்; நிச்சயமாக அல்லாஹ்வின் அருள், நன்மை செய்வோருக்கு மிக சமீபத்தில் இருக்கிறது.

7:98. அல்லது, அவ்வூர்வாசிகள் (கவலையில்லாது) முற்பகலில் விளையாடிக் கொண்டிருக்கும்போதே, நமது வேதனை அவர்களிடம் வருமென்பதைப் பற்றி அச்சமற்று இருக்கின்றார்களா?

7:134. தங்கள் மீது வேதனை ஏற்பட்ட போதெல்லாம் அவர்கள், "மூஸாவே! உம் இறைவன் உமக்கு அளித்திருக்கும் வாக்குறுதிப்படி எங்களுக்காக பிரார்த்தனை செய்வீராக! எங்களை விட்டும் இவ்வேதனையை நீர் நீக்கிவிட்டால், நிச்சயமாக நாங்கள் உம்மது நம்பிக்கை கொண்டு, இஸ்ராயீலின் சந்ததியினரை உம்முடன் நிச்சயமாக அனுப்பிவிடுவோம்" என்று கூறினார்கள்.

7:180. அல்லாஹ்வுக்கு அழகிய பெயர்கள் இருக்கின்றன; அவற்றைக் கொண்டே நீங்கள் அவனைப் பிரார்த்தியுங்கள்; அவனுடைய பெயர்களில் திரித்துக் கூறுவோரை (புறக்கணித்து) விட்டுவிடுங்கள்; அவர்கள் செய்துகொண்டிருந்தவற்றுக்காக அவர்கள் (தக்க) கூலி கொடுக்கப்படுவார்கள்.

7:189. அவன் உங்களை ஒரே மனிதரிலிருந்து படைத்தான்; அவரிலிருந்து அவருடைய துணைவியை அவளிடம் அவர் மன அமைதி பெறுவதற்காகப் படைத்தான்: அவர் அவளை நெருங்கியபோது, அவள் இலேசான சுமையைச் சுமந்தாள்; பின்பு, அதனுடன் நடமாடிக்கொண்டிருந்தாள்; பின்பு, அது பளுவாகவே, அவர்களிருவரும் தம்மிருவரின் இறைவனிடம், "(இறைவனே!) எங்களுக்கு நீ (சந்ததியில்) நல்லதைக் கொடுத்தால், நிச்சயமாக நாங்கள் இருவரும் நன்றி உள்ளவர்களாக இருப்போம்" என்று பிரார்த்தித்தனர்.

7:193. நீங்கள் நேர்வழிக்கு அழைத்தாலும், உங்களை அவர்கள் பின்பற்றமாட்டார்கள்; நீங்கள் அவர்களை அழைப்பதும் அல்லது (அழையாது) வாய் மூடியிருப்பதும் உங்களுக்குச் சமமேயாகும்.

7:194. நிச்சயமாக அல்லாஹ்வையன்றி எவர்களை நீங்கள் அழைக்கின்றீர்களோ, அவர்களும் உங்களைப் போன்ற அடிமைகளே; நீங்கள் உண்மையாளர்களாக இருந்தால் நீங்கள் அவர்களை அழைத்துப் பாருங்கள் - அவர்கள் உங்களுக்குப் பதில் அளிக்கட்டும்!

7:195. அவர்களுக்கு நடக்கக்கூடிய கால்கள் உண்டா? அல்லது அவர்களுக்குப் பிடிப்பதற்குரிய கைகள் உண்டா? அல்லது அவர்களுக்குப் பார்க்கக்கூடிய கண்கள் உண்டா? அல்லது அவர்களுக்குக் கேட்கக்கூடிய காதுகள் உண்டா? (நபியே!) நீர் கூறும்: "நீங்கள் உங்கள் தெய்வங்களை (எல்லாம்) அழைத்து, எனக்கு(த் தீங்கு செய்திட) சூழ்ச்சி செய்யுங்கள்; (இதில்) எனக்குச் சிறிதும் அவகாசம் கொடுக்காதீர்கள்" என்று.

7:198. நீங்கள் அவர்களை நேர்வழியின் பக்கம் அழைப்பீர்களானால், அவர்கள் கேட்கமாட்டார்கள்; (நபியே!) அவர்கள் உம்மைப் பார்ப்பதுபோல் உமக்குத் தோன்றும்; ஆனால், அவர்கள் (உம்மைப்) பார்ப்பதில்லை.

10:10. அதில் அவர்களுடைய பிரார்த்தனையாகிறது; "அல்லாஹ்வே! நீ மிகப்பரிசுத்தமானவன்" என்பதாகும்; அதில் (தம் தோழர்களைச் சந்திக்கும் போது) அவர்களுடைய முகமன், "ஸலாமுன் (சாந்தி உண்டாவதாக!)" என்பதாகும்; "எல்லாப் புகழும் அகிலங்களின் இறைவனாகிய அல்லாஹ்வுக்கே" என்பது அவர்களது பிரார்த்தனையின் முடிவாகவும் இருக்கும்.

10:12. மனிதனை (ஏதேனும் ஒரு) துன்பம் தீண்டுமானால் அவன் (ஒருச்சாய்ந்து) படுத்துக்கொண்டோ, அல்லது உட்கார்ந்துகொண்டோ, அல்லது நின்ற நிலையிலோ (அதை நீக்குமாறு) நம்மிடமே பிரார்த்திக்கின்றான்; ஆனால், நாம் அவனைவிட்டும் அவனுடைய துன்பத்தை நீக்கிவிடுவோமானால், அவன் தனக்கு ஏற்பட்ட துன்பத்தை நீக்குவதற்கு அவன் நம்மை அழைக்காதது போலவே (அலட்சியமாகச்) சென்றுவிடுகிறான்; இவ்வாறே வரம்பு மீறுபவர்களுக்கு அவர்கள் செய்துகொண்டிருந்த தீயவை அழகாக்கப்பட்டுவிடுகின்றன.

10:22. அவனே உங்களைத் தரையிலும், கடலிலும் பயணம் செய்யவைக்கிறான்; (சில சமயம்) நீங்கள் கப்பலில் இருக்கும்போது நல்ல காற்றினால் (கப்பலிலுள்ள) அவர்களை அவை (சுமந்து) செல்கின்றன; அதனைக்கொண்டு அவர்கள் மகிழ்ச்சியடைந்திருக்கும் பொழுது, புயல் காற்று வீசி எல்லாப்பக்கங்களிலிருந்தும் அவர்கள் மீது அலைகள் மோதும்போது "நிச்சயமாக அலைகளால் சூழப்பட்டோம் (தப்ப வழியில்லையே!)" என்று அவர்கள் எண்ணுகிறார்கள், அச்சமயத்தில், "நீ எங்களை இதிலிருந்து காப்பாற்றிவிட்டால், மெய்யாகவே நாங்கள் நன்றி செலுத்துபவர்களாக இருப்போம்" என்று அல்லாஹ்வை - அவனுக்கே வணக்கத்தைக் கலப்பற்றவர்களாக ஆக்கிப் பிரார்த்திக்கின்றார்கள்.

10:25. மேலும், அல்லாஹ் (உங்களை) அமைதி வீட்டின்பால் அழைக்கின்றான்; அவன் தான் நாடியவரை நேரான வழியில் செலுத்துகிறான்.

10:38. இதை (நம் தூதராகிய) அவர் கற்பனை செய்து கொண்டார் என அவர்கள் கூறுகிறார்களா? (நபியே!) நீர் கூறும்: "நீங்கள் (உங்கள் கூற்றில்) உண்மையாளர்களாக இருந்தால், இதைப்போன்ற ஓர் அத்தியாயத்தைக் கொண்டுவாருங்கள்! அல்லாஹ்வையன்றி உங்களால் சாத்தியமானவர்களை (உங்களுக்கு உதவிசெய்ய) அழைத்துக்கொள்ளுங்கள்!" என்று.

10:89. அவன் (இறைவன்) கூறினான்: "உங்கள் இருவரின் பிரார்த்தனை ஏற்றுக்கொள்ளப்பட்டது; எனவே, நீங்கள் இருவரும் உறுதியாக இருங்கள்; அறியாதவர்களாக இருக்கிறார்களே அவர்களின் வழியை நீங்கள் இருவரும் (ஒருபோதும்) பின்பற்றாதீர்கள்" என்று.

10:106. அல்லாஹ்வைத் தவிர உமக்கு எவ்வித நன்மையையும், இன்னும் உமக்கு எவ்வித தீமையையும் செய்ய இயலாதவற்றை நீர் பிரார்த்திக்க வேண்டாம்; (அவ்வாறு) செய்வீராயின் அப்பொழுது நிச்சயமாக நீர் அநியாயக்காரர்களில் ஒருவராகிவிடுவீர்.

11:13. அல்லது "இ(வ்வேதத்)தை அவர் (பொய்யாக) கற்பனை செய்துகொண்டார்" என்று அவர்கள் கூறுகிறார்களா? "(அப்படியானால்,) நீங்களும் இதைப்போன்ற கற்பனை செய்யப்பட்ட பத்து அத்தியாயங்களைக் கொண்டுவாருங்கள்: நீங்கள் உண்மையாளர்களாக இருந்தால் அல்லாஹ்வைத் தவிர்த்து, உங்களுக்குச் சாத்தியமான எல்லோரையுமே (இதற்குத் துணைசெய்ய) அழைத்துக் கொள்ளுங்கள்" என்று (நபியே!) நீர் கூறுவீராக!

11:62. அதற்கு அவர்கள், "ஸாலிஹே! இதற்கு முன்னரெல்லாம் நீர் எங்களிடையே நம்பிக்கைக்குரியவராக இருந்தீர்; எங்களுடைய மூதாதையர்கள் எதை வணங்கினார்களோ அதை வணங்குவதை விட்டும் எங்களைத் தடுக்கின்றீரா? மேலும், நீர் எங்களை எதன் பக்கம் அழைக்கிறீரோ அதைப் பற்றி நிச்சயமாக நாங்கள் பெரும் சந்தேகத்தில் இருக்கிறோம்" என்று கூறினார்கள்.

12:33. (அதற்கு) அவர், "என் இறைவனே! இவர்கள் என்னை எதன் பக்கம் அழைக்கிறார்களோ, அ(த்தீய)தைவிடச் சிறைக்கூடமே எனக்கு அதிக விருப்பமுடையதாகும்; இவர்களின் சதியைவிட்டும் நீ என்னை நீக்கவில்லையானால், நான் இவர்கள்பால் சாய்ந்து (பாவத்தால்) அறிவில்லாதவர்களில் ஒருவனாகி விடுவேன்" என்று (பிரார்த்தித்தவராகக்) கூறினார்.

12:108. (நபியே!) நீர் சொல்வீராக! "இதுவே என்னுடைய (நேரிய) வழியாகும்; நான் அல்லாஹ்வின்பால் (உங்களை) அழைக்கின்றேன்; நானும் என்னைப் பின்பற்றியவர்களும் தெளிவான ஆதாரத்தின்மீதே இருக்கின்றோம்; அல்லாஹ் மிகத்தூய்மையானவன்; ஆகவே, நான் (அவனுக்கு) இணைவைப்போரில் உள்ளவனல்லன்."

13:14. உண்மையான அழைப்பு (பிரார்த்தனை) அவனுக்கே உரியதாகும்; எவர்கள் அவனை அன்றி (மற்றவர்களை) அழைக்கின்றார்களோ, அவர்கள் இவர்களுக்கு எவ்விதப் பதிலும் தரமாட்டார்கள்; (அல்லாஹ் அல்லாதவர்களைப் பிரார்த்திப்போரின் உதாரணம்:) தண்ணீர் தன் வாய்க்கு(த் தானாக) வந்தடைய வேண்டுமென்று, தன் இரு கைகளையும் விரித்து ஏந்திக்கொண்டு இருப்பவனைப் போல் அல்லாமல் (வேறில்லை; இவன் அள்ளாது) அது அவனை (-அவனுடைய வாயை) அடைந்துவிடாது; இன்னும், நிராகரிப்பாளர்களின் பிரார்த்தனை வழிகேட்டில் இருப்பதே தவிர வேறில்லை.

13:36. எவர்களுக்கு நாம் (முன்னர்) வேதத்தை அளித்தோமோ, அவர்கள் (நபியே!) உம்மீது இறக்கப்பட்ட (இவ்வேதத்)தைப் பற்றி மகிழ்வார்கள்; எனினும், இதன் சில பகுதிகளை மறுக்கிறவர்களும் (அவர்களுடைய) கூட்டத்தில் இருக்கிறார்கள்; (அவர்களை நோக்கி:) "நான் ஏவப்பட்டிருப்பதெல்லாம், அல்லாஹ்வையே வணங்க வேண்டும்; அவனுக்கு (எதனையும், எவரையும்) இணைவைக்கக் கூடாது என்பதுதான்; நான் (உங்களை) அவன் பக்கமே அழைக்கின்றேன்; அவன்பாலே (என்) மீட்சியும் இருக்கிறது" என்று (நபியே!) நீர் கூறுவீராக!

14:9. உங்களுக்குமுன் சென்றுபோன நூஹ், ஆது, ஸமூது போன்ற சமூகத்தாரின் செய்தியும் அவர்களுக்குப்பின் வந்தவர்களுடைய செய்தியும் உங்களுக்கு வரவில்லையா? அவர்களை அல்லாஹ்வைத் தவிர (வேறு) எவரும் அறியார்; அவர்களிடத்தில் (அல்லாஹ் அனுப்பிய) அவர்களுடைய தூதர்கள் தெளிவான அத்தாட்சிகளைக் கொண்டுவந்தார்கள்; தங்கள் கைகளை தங்கள் வாய்களின் பக்கம் கொண்டுசென்று, "நீங்கள் எதைக்கொண்டு அனுப்பப்பட்டிருக்கின்றீர்களோ அ(த்தூ)தை நிச்சயமாக நாங்கள் நிராகரிக்கின்றோம்; அன்றியும், நீங்கள் எங்களை எதன்பால் அழைக்கிறீர்களோ, அதைப்பற்றியும் நாங்கள் பெரும் சந்தேகத்தில் இருக்கின்றோம்" என்று கூறினார்கள்.

14:10. அதற்கு அவர்களுடைய தூதர்கள், "வானங்களையும் பூமியையும் படைத்த அல்லாஹ்வைப் பற்றியா (உங்களுக்கு) சந்தேகம்? அவன் உங்களுடைய பாவங்களை மன்னிப்பதற்காக உங்களை அழைக்கின்றான்; (அத்துடன்) ஒரு குறிப்பிட்ட தவணை வரை உங்களுக்கு (உலகில்) அவகாசம் அளிக்கவும் (அழைக்கின்றான்)" என்று கூறினார்கள். (அப்போது) அவர்கள், "நீங்கள் எங்களைப் போன்ற மனிதர்களே அன்றி (வேறு) இல்லை; எங்களுடைய மூதாதையர்கள் வணங்கிக் கொண்டிருந்தவற்றை விட்டும் எங்களைத் தடுத்துவிட நீங்கள் விரும்புகிறீர்கள்? அப்படியானால், எங்களுக்குத் தெளிவான ஆதாரத்தைக் கொண்டு வாருங்கள்" எனக் கூறினார்கள்.

14:22. (மறுமையில் இவர்கள் பற்றித்) தீர்ப்புக்கூறப்பட்டதும் ஷைத்தான் (இவர்களை நோக்கி), "நிச்சயமாக அல்லாஹ் உங்களுக்கு உண்மையான வாக்குறுதியையே வாக்களித்திருந்தான்; நானும் உங்களுக்கு வாக்களித்திருந்தேன்; ஆனால், நான் உங்களுக்கு(க் கொடுத்த வாக்கில்) மாறுசெய்து விட்டேன்; நான் உங்களை அழைத்தேன்; அப்போது, நீங்கள் என் அழைப்பினை ஏற்றுக்கொண்டீர்கள் என்பதைத்தவிர, எனக்கு உங்கள் மீது எந்த அதிகாரமுமில்லை; ஆகவே, நீங்கள் என்னை நிந்திக்காதீர்கள்; உங்களையே நீங்கள் நிந்தித்துக்கொள்ளுங்கள்; உங்களை நான் காப்பாற்றுபவன் இல்லை; நீங்களும் என்னைக் காப்பாற்றுகிறவர்களில்லை; நீங்கள் முன்னர் என்னை, (அல்லாஹ்வுக்கு) இணையாக்கிக் கொண்டிருந்ததையும், நிச்சயமாக நான் நிராகரித்து விட்டேன்; நிச்சயமாக அக்கிரமக்காரர்களுக்கு - நோவினைமிக்க வேதனை உண்டு" என்று கூறுவான்.

14:39. "எல்லாப் புகழும் அல்லாஹ்வுக்கே உரியது; அவனே (என்னுடைய) முதுமையில் இஸ்மாயீலையும், இஸ்ஹாக்கையும் (புதல்வர்களாக) எனக்கு அளித்தான்; நிச்சயமாக என் இறைவன் பிரார்த்தனையைக் கேட்பவன்."

14:40. "என் இறைவனே! என்னையும், என்னுடைய சந்ததியிலுள்ளோரையும் தொழுகையை நிலைநிறுத்துவோராக ஆக்குவாயாக! எங்கள் இறைவனே! என்னுடைய பிரார்த்தனையையும் ஏற்றுக்கொள்வாயாக!"

14:44. எனவே, அத்தகைய வேதனை அவர்களிடம் வரும் நாளை (நபியே!) நீர் மனிதர்களுக்கு அச்சமூட்டி எச்சரிக்கை செய்வீராக! அப்போது அநியாயம் செய்தவர்கள்: "எங்கள் இறைவனே! எங்களுக்குச் சற்றே அவகாசம் கொடுப்பாயாக! உன்னுடைய அழைப்பை நாங்கள் ஏற்றுக்கொள்கிறோம்; (உன்னுடைய) தூதர்களையும் பின்பற்றுகிறோம்" என்று சொல்வார்கள். (அதற்கு இறைவன்) "உங்களுக்கு முடிவேயில்லை என்று இதற்கு முன்னர் நீங்கள் சத்தியம் செய்துகொண்டிருக்கவில்லையா?" (என்றும்.)

16:20. அல்லாஹ்வையன்றி எவர்களை அவர்கள் பிரார்த்திக்கிறார்களோ, அவர்கள் எந்தப் பொருளையும் படைக்கமாட்டார்கள்; அவர்களும் படைக்கப்பட்டவர்களாவார்கள்.

16:86. இன்னும், இணைவைத்தவர்கள் தாங்கள் இணைவைத்தவர்களை (மறுமைநாளில்) பார்க்கும் பொழுது, (அல்லாஹ்விடம்) "எங்கள் இறைவனே! உன்னையன்றி நாங்கள் அழைத்து (வணங்கிக்) கொண்டிருந்தோமே அத்தகைய எங்களுடைய இணையாளர்கள் இவைகள்தாம்;" என்று அவர்கள் கூறுவார்கள்; அதற்கு (அந்தத் தெய்வங்கள், நாங்கள் தெய்வங்களல்ல!) "நிச்சயமாக நீங்கள் பொய்யர்களே!" என்னும் சொல்லை அவர்கள் மீது அவைகள் வீசும்.

16:125. (நபியே!) உம் இறைவனின் பாதையில் (மக்களை) விவேகத்துடனும், அழகிய உபதேசத்தைக் கொண்டும் நீர் அழைப்பீராக! இன்னும், அவர்களிடத்தில் மிக அழகான முறையில் தர்க்கிப்பீராக! மெய்யாக உம் இறைவன், அவன் வழியைவிட்டுத் தவறியவர்களை நன்கு அறிந்தவன்; இன்னும், அவன் நேர்வழி பெற்றவர்களையும் நன்கறிந்தவன்.

17:11. மனிதன் நன்மைக்காகப் பிரார்த்தனை செய்வது போலவே (சில சமயம்) தீமைக்காகவும் பிரார்த்திக்கின்றான்; (ஏனென்றால்,) மனிதன் அவசரக்காரனாக இருக்கின்றான்.

17:52. உங்களை (இறுதியில்) அவன் அழைக்கும் நாளில், நீங்கள் அவன் புகழை ஓதியவர்களாகப் பதில் கூறுவீர்கள்; (மரணத்திற்குப் பின்) சொற்ப(கால)மே தங்கியிருந்ததாக நீங்கள் நினைப்பீர்கள்.

17:56. "அவனையன்றி (வேறு தெய்வங்கள் இருப்பதாக) நீங்கள் எண்ணிக்கொண்டிருப்பவர்களை அழைத்துப் பாருங்கள்; அவர்கள் உங்களைவிட்டும் கஷ்டத்தை நீக்கிவைக்கவோ அல்லது திருப்பிவிடவோ சக்தி பெறமாட்டார்கள்" என்று (நபியே) நீர் கூறுவீராக!

17:57. இவர்கள் அழைக்கின்ற (தெய்வங்களாகிய) அவர்களும் தங்கள் இறைவனிடத்தில், அவர்களில் யார் மிக நெருக்கமானவர்கள் என்று நெருக்கத்தைத் தேடுகிறார்கள்; அவனது அருளை எதிர்பார்த்தும், அவனது தண்டனைக்கு அஞ்சியுமே இருக்கின்றனர்; நிச்சயமாக உமது இறைவனின் தண்டனை அச்சப்படத்தக்கதாகவே உள்ளது.

17:67. இன்னும், கடலில் உங்களை ஏதேனும் துன்பம் தீண்டினால் அவனையன்றி நீங்கள் (தெய்வங்கள் என) எவற்றை அழைத்துக்கொண்டிருந்தீர்களோ அவையாவும் மறைந்துவிடும்; எனினும், (அல்லாஹ்) உங்களை ஈடேற்றிக் கரையளவில் கொண்டுவந்து சேர்க்கும்பொழுது நீங்கள் (அவனைப்) புறக்கணித்துவிடுகிறீர்கள்; இன்னும், மனிதன் மிக்க நன்றி மறப்பவனாகவே இருக்கிறான்.

17:71. (நபியே!) நாம் எல்லா மக்களையும் அவரவர்களுடைய தலைவர்களுடன் அழைக்கும் (நாளை நீர் நினைவூட்டுவீராக!) அந்நாளில் எவருடைய (செயல் குறிப்பு) அவருடைய வலக்கையில் கொடுக்கப்படுகிறதோ அ(த்தகைய நற்பேறுடைய)வர்கள் தம் ஏடுகளை (நிம்மதியுடன்) படிப்பார்கள்; இன்னும், அவர்கள் அணுவளவும் அநியாயம் செய்யப்படமாட்டார்கள்.

18:14. அவர்கள் (கொடுமைக்கார அரசன் முன்னிலையில்) எழுந்துநின்று, "வானங்களுக்கும் பூமிக்கும் இறைவனாகிய அவனே, எங்களுடைய இறைவன்; எக்காலத்தும் அவனையன்றி வேறு எவரையும் தெய்வமென்று அழைக்கமாட்டோம்; (அப்படிச் செய்தால் நிராகரிப்பில் கொண்டு சேர்க்கும்;) வரம்புமீறிய வார்த்தையை நாங்கள் சொன்னவர்கள் ஆவோம்" என்று அவர்கள் உறுதியாகக் கூறியநிலையில் அவர்கள் இதயங்களை நாம் வலுப்படுத்தினோம்.

18:28. இன்னும், (நபியே!) எவர்கள் தம் இறைவனுடைய திருப்பொருத்தத்தை நாடியவர்களாகக் காலையிலும், மாலையிலும் அவனைப் பிரார்த்தனை செய்துகொண்டிருக்கிறார்களோ, அவர்களுடன் நீரும் பொறுமையை மேற்கொண்டிருப்பீராக! இன்னும், உலக வாழ்க்கையின் அலங்காரத்தை நாடி அ(த்தகைய)வர்களை விட்டும் உம் இருகண்களையும் திருப்பிவிடாதீர்! இன்னும், எவனுடைய இதயத்தை நம்மை நினைவு கூர்வதிலிருந்து நாம் திருப்பிவிட்டோமோ அவனுக்கு நீர் கீழ்ப்படியாதீர்; ஏனெனில், அவன் தன் இச்சையைப் பின்பற்றியதனால் அவனுடைய காரியம் வரம்புமீறியதாகிவிட்டது.

18:52. "எனக்கு இணையானவர்களென எவர்களை நீங்கள் எண்ணிக்கொண்டிருந்தீர்களோ அவர்களை நீங்கள் அழையுங்கள்" என்று அவன் கூறக்கூடிய நாளில் இவர்கள் அவர்களை அழைப்பார்கள்; ஆனால், அவர்கள் இவர்களுக்குப் பதிலளிக்கமாட்டார்கள்; இன்னும், அவர்களுக்கிடையே அழிவிடத்தை நாம் ஏற்படுத்துவோம்.

18:57. எவன் தன் இறைவனுடைய வசனங்களைக் கொண்டு உபதேசிக்கப்பட்டும், அவற்றைப் புறக்கணித்துத் தன்னிரு கரங்களும் முற்படுத்திய (தீமையான)வற்றை மறந்துவிடுகிறானோ, அவனைவிடப் பெரிய அக்கிரமக்காரன் எவன் இருக்கிறான்? நிச்சயமாக நாம் அவர்களுடைய இதயங்களின் மீது, இதை விளங்கிக்கொள்ளாதவாறு திரைகளையும், அவர்களுடைய செவிகளில் செவிட்டுத்தனத்தையும் ஏற்படுத்தியிருக்கிறோம்; ஆதலால், நீர் அவர்களை நேர்வழியின்பால் அழைத்தாலும், அவர்கள் ஒருபோதும் நேர்வழி அடையமாட்டார்கள்.

18:110. (நபியே!) நீர் சொல்வீராக: "நிச்சயமாக நான் உங்களைப் போன்ற ஒரு மனிதனே! நிச்சயமாக உங்களுடைய இறைவன் ஒரே இறைவன்தான் என்று எனக்கு வஹீ அறிவிக்கப்படுகிறது; எவன் தன்னுடைய இறைவனைச் சந்திக்கலாமென ஆதரவு வைக்கிறானோ அவன் நற்செயல்களைச் செய்து கொள்ளட்டும்; இன்னும், இறைவனை வணங்குவதில் வேறெவரையும் இணையாக்காது இருப்பானாக."

19:4. (அவர்) கூறினார்: "என் இறைவனே! நிச்சயமாக என் எலும்புகள் பலஹீனமடைந்து விட்டன; என் தலையும் நரையால் (வெண்மையாய்) இலங்குகிறது; என் இறைவனே! (இதுவரையில்) நான் உன்னிடம் செய்த பிரார்த்தனையில் பாக்கியம் இல்லாதவனாகப் போய் விடவில்லை."

19:48. "நான் உங்களை விட்டும், அல்லாஹ்வை அன்றி நீங்கள் பிரார்த்திப்பவற்றை விட்டும் விலகிக் கொள்கிறேன்; மேலும், நான் என் இறைவனைப் பிரார்த்தித்துக் கொண்டே இருப்பேன்; என் இறைவனைப் பிரார்த்திப்பது கொண்டு நான் துர்பாக்கியவனாகாமல் இருக்கப் போதும்" (என்றார்).

19:91. அவர்கள் அளவற்ற அருளாளனுக்கு ஒரு குமாரன் உண்டென்று வாதிடுவதினால் (அவை நிகழக் கூடும்).

19:92. ஒரு குமாரனை எடுத்துக் கொள்வது அளவற்ற அருளாளனுக்குத் தேவையில்லாதது.

20:108. அந்நாளில் அவர்கள் (ஸூர் மூலம்) அழைப்பவரையே பின்பற்றிச் செல்வார்கள்; அதில் எத்தகைய கோணலும் இருக்காது; இன்னும், (அவ்வேளை) அளவற்ற அருளாளனுக்கு (அஞ்சி எல்லாச்) சப்தங்களும் ஒடுங்கிவிடும்; கால்கள் (மெதுவாக அடியெடுத்து வைக்கும்) சப்தத்தைத் தவிர (வேறெதையும்) நீர் கேட்கமாட்டீர்.

21:15. அறுவடை செய்யப்பட்ட வயலின் அரிதாள்கள் எரிந்தழிவது போன்று அவர்களை நாம் ஆக்கும் வரை, அவர்களுடைய இக்கூப்பாடு நீங்காது இருந்தது.

21:45. "நிச்சயமாக நான் உங்களுக்கு எச்சரிக்கை செய்வதெல்லாம் 'வஹீ' மூலம் தான்" என்று (நபியே!) நீர் கூறும்; எனினும், செவிடர்கள் அச்சமூட்டி எச்சரிக்கப்படும் போது (அவர்கள் நேர்வழி பெறும்) அந்த அழைப்பைச் செவிமடுக்கமாட்டார்கள்.

21:90. நாம் அவருடைய பிரார்த்தனையை ஏற்றுக் கொண்டோம்; அவருக்காக அவருடைய மனைவியை (மலட்டுத் தனத்தை நீக்கி) சுகப்படுத்தி, அவருக்கு யஹ்யாவையும் அளித்தோம்; நிச்சயமாக இவர்கள் யாவரும் நன்மைகள் செய்வதில் விரைபவர்களாக இருந்தார்கள்; இன்னும், அவர்கள் நம்மை ஆசை கொண்டும், பயத்தோடும் பிரார்த்தித்தார்கள்; மேலும், அவர்கள் நம்மிடம் உள்ளச்சம் கொண்டவர்களாக இருந்தார்கள்.

22:12. அவன், அல்லாஹ்வையன்றி தனக்குத் தீங்கிழைக்க முடியாததையும், இன்னும் தனக்கு நன்மையும் செய்யாததையுமே பிரார்த்திக்கிறான்; இதுதான் நெடிய வழிகேடாகும்.

22:13. எவனது தீமை, அவனது நன்மையைவிட மிக நெருங்கியிருக்கிறதோ அவனையே அவன் பிரார்த்திக்கிறான்; திடமாக (அவன் தேடும்) பாதுகாவலனும் கெட்டவன்; (அப்பாதுகாவலனை அண்டி நிற்கும்) நண்பனும் கெட்டவனே.

22:62. இது, நிச்சயமாக அல்லாஹ் அவன்தான் உண்மையானவன் மற்றும் அவனையன்றி (வேறு) எதை அவர்கள் பிரார்த்திக்கிறார்களோ, அது பொய்யாகும்; இன்னும், நிச்சயமாக அல்லாஹ், அவனே உயர்ந்தவன், மிகவும் பெரியவன் என்பதினாலுமாகும்.

22:67. (நபியே!) நாம் ஒவ்வொரு சமுதாயத்தினருக்கும் (அந்தந்த காலத்திற்குத் தக்கவாறு) ஒரு வழிபாட்டு முறையை ஏற்படுத்தினோம்; அதனை அவர்கள் செய்கிறவர்களாக இருக்கின்றனர்; எனவே, இக்காரியத்தில் அவர்கள் திடமாக உம்மிடம் பிணங்கவேண்டாம்; இன்னும், நீர் (அவர்களை) உம்முடைய இறைவன் பக்கம் அழைப்பீராக! நிச்சயமாக நீர் நேர்வழியில் இருக்கின்றீர்.

22:73. மனிதர்களே! ஓர் உதாரணம் சொல்லப்படுகிறது: எனவே, அதனைச் செவிதாழ்த்திக் கேளுங்கள்; நிச்சயமாக அல்லாஹ்வையன்றி (வேறு) எவர்களை நீங்கள் அழைக்கின்றீர்களோ அவர்கள் ஒரு ஈயைக்கூடப் படைக்க முடியாது; அதற்காக அவர்கள் ஒன்று சேர்ந்தாலும் சரியே! இன்னும், ஈ அவர்களிடமிருந்து ஒரு பொருளைப் பிடுங்கிக் கொண்டாலும், அதனை அதனிடமிருந்து அவர்கள் விடுவிக்கவும் முடியாது; தேடுவோனும், தேடப்படுவோனும் பலவீனர்களே.

23:73. மேலும், நிச்சயமாக நீர் அவர்களை நேரான வழியின் பக்கமே அழைக்கின்றீர்.

23:117. மேலும், எவன் அல்லாஹ்வுடன் வேறு கடவுளைப் பிரார்த்திக்கிறானோ, அவனுக்கு அதற்காக எவ்வித ஆதாரமும் இல்லை; அவனுடைய கணக்கு அவனுடைய இறைவனிடம்தான் இருக்கிறது; நிச்சயமாக நிராகரிப்பாளர்கள் வெற்றியடையமாட்டார்கள்.

24:48. மேலும், தம்மிடையே (விவகாரம் ஏற்பட்டு, அதுபற்றிய) தீர்ப்புப்பெற அல்லாஹ்விடமும், அவன் தூதரிடமும் (வரும்படி) அழைக்கப்பட்டால் அவர்களில் ஒரு பிரிவினர் (அவ்வழைப்பைப்) புறக்கணிக்கிறார்கள்.

24:51. நம்பிக்கையாளர்களுடைய சொல்லாக இருப்பதெல்லாம், அவர்களுக்கிடையே (ஏற்படும் விவகாரங்களில்) தீர்ப்புக் கூறுவதற்காக அல்லாஹ்விடமும் அவனுடைய தூதரிடமும் (வரும்படி) அழைக்கப்பட்டால், "நாங்கள் செவியேற்றோம்; (அதற்குக்) கீழ்ப்படிந்தோம்" என்று அவர்கள் கூறுவதுதான்; இ(த்தகைய)வர்கள்தாம் வெற்றியடைந்தவர்கள்.

24:63. (நம்பிக்கையாளர்களே!) உங்களில் சிலர் சிலரை (பெயர் கூறி) அழைப்பதுபோல் உங்களுக்கிடையில் (அல்லாஹ்வுடைய) தூதரின் அழைப்பை ஆக்காதீர்கள்; உங்களிலிருந்து (அவருடைய சபையிலிருந்து) எவர்கள் மறைவாக நழுவுகிறார்களோ அவர்களைத் திடமாக அல்லாஹ் (நன்கு) அறிவான்; ஆகவே, எவர்கள் அவருடைய கட்டளைக்கு மாறுசெய்கிறார்களோ அவர்கள் தங்களைச் சோதனை பிடித்துக்கொள்வதையோ, அல்லது தங்களை நோவினைதரும் வேதனை பிடித்துக்கொள்வதையோ அஞ்சிக்கொள்ளட்டும்.

25:13. மேலும், அ(ந்நரகத்)தில் ஒரு நெருக்கமான இடத்தில் அவர்கள் (சங்கிலியால்) கட்டி எறியப்பட்டால், (அவ்வேதனையைத் தாங்கமாட்டாமல்) அங்கே அவர்கள் அழிவை அழைப்பார்கள்.

25:14. "இந்த நாளில் நீங்கள் ஓர் அழிவை அழைக்காதீர்கள்; இன்னும் அநேக அழிவுகளை அழையுங்கள்" (என்று அவர்களிடம் கூறப்படும்).

25:68. அன்றியும், அவர்கள் அல்லாஹ்வுடன் வேறு இறைவனைப் பிரார்த்திக்க மாட்டார்கள்; இன்னும், அல்லாஹ் தடுத்திருக்கும் எந்த உயிரையும் அவர்கள் உரிமையின்றிக் கொலை செய்து விடவும் மாட்டார்கள்; விபசாரமும் செய்ய மாட்டார்கள்: ஆகவே, எவர் இவற்றைச் செய்கிறாரோ, அவர் தண்டனையைச் சந்திப்பார்.

25:77. (நபியே!) நீர் சொல்வீராக! "உங்களுடைய பிரார்த்தனை இல்லாவிட்டால், என்னுடைய இறைவன் உங்களைப் பொருட்படுத்தி இருக்கமாட்டான்; ஆனால், நீங்களோ (சத்தியத்தை) பொய்யாக்கிவிட்டீர்கள்; எனவே, (அதன் வேதனை) பின்னர் (உங்களைக்) கண்டிப்பாகப் பிடித்தே தீரும்."

26:213. ஆதலின், அல்லாஹ்வுடன் வேறொரு தெய்வத்தை அழைக்காதீர்; அவ்வாறு (செய்வீர்) ஆயின், வேதனை செய்யப்படுபவர்களில் ஒருவராக நீர் ஆகிவிடுவீர்.

27:80. நிச்சயமாக நீர் மரணித்தோரைச் செவியேற்கச் செய்யமுடியாது; அவ்வாறே செவிடர்களையும் - அவர்கள் புறங்காட்டித் திரும்பிவிடும்போது - (உம்) அழைப்பை நீர் செவியேற்கச் செய்யமுடியாது.

28:25. (சிறிது நேரத்திற்குப்) பிறகு அவ்விருவரில் ஒருத்தி நாணத்துடன் நடந்து அவரிடம் வந்து, "எங்களுக்காக நீங்கள் தண்ணீர் புகட்டியதற்கான கூலியை உங்களுக்கு வழங்குவதற்காக நிச்சயமாக என் தந்தை உங்களை அழைக்கிறார்" என்று கூறினாள்; இவ்வாறாக (மூஸா) அவரிடம் வந்தபோது, தம் வரலாற்றை எடுத்துச் சொன்னார்; அதற்கவர், "பயப்படாதீர்! அக்கிரமக்கார சமூகத்தாரைவிட்டும் நீர் தப்பித்துவிட்டீர்" என்று கூறினார்.

28:41. மேலும், (மக்களை) நரகத்தின்பால் அழைக்கும் தலைவர்களாகவே நாம் அவர்களை ஆக்கியிருந்தோம்; இன்னும், மறுமை நாளன்று அவர்கள் உதவி செய்யப்படமாட்டார்கள்.

28:64. "உங்கள் இணை(த் தெய்வங்)களை அழையுங்கள்" என்று (அவர்களுக்குச்) சொல்லப்படும்: அவைகளை இவர்கள் அழைப்பார்கள், ஆனால் அவைகள் இவர்களுக்குப் பதிலளிக்கமாட்டா; மேலும், அவர்கள் வேதனையைக் காண்பார்கள்; அவர்கள் நேர்வழியில் சென்றிருந்தால் (இந்நிலைக்கு ஆளாகியிருக்கமாட்டார்கள்).

28:87. இன்னும், அல்லாஹ்வின் வசனங்கள் உமக்கு அருளப்பட்டதன் பின், எதுவும் அவற்றைவிட்டும் நிச்சயமாக அவர்கள் உம்மைத் தடுத்துவிட வேண்டாம்; மேலும், நீர் உம்முடைய இறைவன்பால் (அவர்களை) அழைப்பீராக! நிச்சயமாக நீர் இணைவைப்போரில் ஒருவராகிவிட வேண்டாம்.

28:88. அல்லாஹ்வுடன் வேறொரு தெய்வத்தையும் அழைக்காதீர்; அவனைத் தவிர வேறு கடவுள் இல்லை; அவனது முகத்தைத் தவிர எல்லாப் பொருட்களும் அழிந்துவிடுபவையேயாகும்; அவனுக்கே எல்லா அதிகாரமும் உரியது; இன்னும், அவனிடமே நீங்கள் (யாவரும்) திரும்பக் கொண்டு வரப்படுவீர்கள்.

29:42. நிச்சயமாக அல்லாஹ் - அவனையன்றி (கடவுளென) அவர்கள் எதை அழைக்கிறார்களோ, அதை அறிகிறான்; இன்னும், அவன் (யாவற்றையும்) மிகைத்தவன்; ஞானம் மிக்கவன்.

29:65. மேலும், அவர்கள் கப்பலில் ஏறிக்கொண்டால், அவர்கள் முற்றிலும் வணக்கத்தை அவனுக்கே கலப்பற்றதாக ஆக்கியவர்களாக அல்லாஹ்வைப் பிரார்த்திக்கின்றனர்; ஆனால், அவன் அவர்களைக் கரையின்பால் (கொண்டுவந்து) காப்பாற்றினால், அவர்கள் (அவனுக்கே) இணைவைக்கின்றனர்.

30:25. வானமும், பூமியும் அவனுடைய கட்டளையினால் நிலைபெற்று நிற்பதும் அவன் அத்தாட்சிகளினின்றும் உள்ளன; பின்னர், ஓர் அழைப்பைக் கொண்டு உங்களை அழைத்த உடன் நீங்கள் பூமியிலிருந்து வெளிப்பட்டுவிடுவீர்கள்.

30:33. மனிதர்களை (பசி, நோய், வறுமை, பஞ்சம் போன்ற ஏதேனும்) ஒரு துன்பம் தொட்டுவிடுமானால், தங்களுடைய இறைவனை - அவன் பக்கம் திரும்பியவர்களாய் பிரார்த்திக்கின்றனர்; பிறகு, அவன் அவர்களுக்குத் தன்னிடமிருந்து அருளைச் சுவைக்கச் செய்தால், அவர்களில் ஒரு பிரிவினர் தம் இறைவனுக்கு இணை வைக்கின்றனர்.

30:52. ஆகவே, (நபியே!) மரணித்தவர்களையும் நிச்சயமாக நீர் கேட்கச் செய்யமுடியாது; (உம்முடைய அழைப்பைப்) புறக்கணித்துத் திரும்பி விடும் செவிடர்களையும் (உம்முடைய) அழைப்பை நிச்சயமாக நீர் கேட்கச் செய்ய முடியாது.

31:21. "அல்லாஹ் இறக்கிவைத்த (வேதத்)தை நீங்கள் பின்பற்றுங்கள்" என அவர்களுக்குச் சொல்லப்பட்டால், அவர்கள் "அப்படியல்ல! நாங்கள் எங்களுடைய மூதாதையர்களை எதில் கண்டோமோ, அதைத்தான் நாங்கள் பின்பற்றுவோம்" என்று கூறுகிறார்கள்; அவர்களை ஷைத்தான் கொழுந்துவிட்டெரியும் (நரக) நெருப்பின் வேதனையின் பக்கம் அழைத்தாலுமா (பின்பற்றுவர்)?

31:30. அது எதனாலென்றால் நிச்சயமாக அல்லாஹ்வே மெய்யான (இறை)வனாவான்; அவனை அன்றி அவர்கள் பிரார்த்திப்பவையாவும் அசத்தியமானவை; மேலும், நிச்சயமாக அல்லாஹ்வே உயர்ந்தவன், மிகப்பெரியவன்.

31:32. (கப்பலில் செல்லும்) அவர்களை முகடுகளைப் போல் அலை சூழ்ந்துகொள்ளுமானால் அல்லாஹ்வை - அவனுக்கே வழிபடுவதை கலப்பற்றதாக ஆக்கியவர்களாக - அவர்கள் பிரார்த்திக்கின்றனர்; ஆனால், அவன் அவர்களைக் காப்பாற்றிக் கரை சேர்த்துவிட்டால், அவர்களில் சிலர் நடுநிலையாக நடந்துகொள்கிறார்கள்; எனினும், மிகவும் நன்றிகெட்ட பெரும் சதிகாரர்களைத் தவிர வேறு எவரும் நம் அத்தாட்சிகளை நிராகரிப்பதில்லை.

32:16. அவர்களுடைய விலாக்கள் படுக்கைகளிலிருந்து விலகிவிடும்; அவர்கள் தங்களுடைய இறைவனை அச்சத்தோடும், ஆர்வத்தோடும் பிரார்த்தனை செய்வார்கள்; மேலும், நாம் அவர்களுக்கு அளித்ததிலிருந்து (தானதர்மங்களில்) செலவும் செய்வார்கள்.

33:5. எனவே, நீங்கள் எடுத்து வளர்த்த அவர்களை அவர்களின் தந்தையரின் பெயர்களைச் சொல்லி இன்னாரின் பிள்ளையென அழையுங்கள்: அதுவே, அல்லாஹ்விடம் நீதமுள்ளதாகும்: ஆனால், அவர்களுடைய தந்தையரின் பெயர்களை நீங்கள் அறியவில்லையாயின் அவர்கள் மார்க்கத்தில் உங்களுடைய சகோதரர்களாகவும், உங்களுடைய நண்பர்களாகவும் இருக்கின்றனர்: முன்னர் இது பற்றி நீங்கள் தவறு செய்திருந்தால், உங்கள்மீது குற்றமில்லை; ஆனால், உங்களுடைய உள்ளங்கள் வேண்டுமென்றே செய்கின்ற ஒன்றுதான் (உங்கள்மீது குற்றமாகும்); அல்லாஹ் மிகவும் மன்னிப்பவனாகவும், மிக்க கிருபையுடையவனாகவும் இருக்கின்றான்.

33:46. இன்னும், அல்லாஹ்வின்பால் (மனிதர்களை) - அவன் அனுமதிப்படி அழைப்பவராகவும், பிரகாசிக்கும் விளக்காகவும் (உம்மை அனுப்பியுள்ளோம்).

33:53. நம்பிக்கை கொண்டோரே! உணவின்பால் (அதை உண்ண) உங்களுக்கு அனுமதியளிக்கப்பட்டாலன்றி, அது சமையலாவதை எதிர்பார்த்து (முன்னதாகவே) நபியுடைய வீடுகளில் பிரவேசிக்காதீர்கள்; ஆனால், நீங்கள் அழைக்கப்பட்டீர்களானால் (அங்கே) பிரவேசியுங்கள்; அன்றியும், நீங்கள் உணவருந்திவிட்டால் (உடனே) கலைந்து போய்விடுங்கள்; பேச்சில் மூழ்கி விடாதீர்கள்; நிச்சயமாக இது நபியை நோவினை செய்வதாக இருக்கிறது; இதனை உங்களிடம் கூற அவர் வெட்கப்படுகிறார்; ஆனால், உண்மையைக் கூற அல்லாஹ் வெட்கப்படுவதில்லை; (நபியுடைய மனைவியர்களாகிய) அவர்களிடம் ஏதாவது ஒரு பொருளை (அவசியப்பட்டு)க் கேட்டால், திரைக்கு அப்பாலிருந்தே அவர்களைக் கேளுங்கள்; அதுவே, உங்களுடைய இதயங்களுக்கும், அவர்களுடைய இதயங்களுக்கும் தூய்மையானதாகும்; அல்லாஹ்வின் தூதரை நோவினை செய்வது உங்களுக்கு தகுமானதல்ல; அன்றியும், அவருடைய மனைவிகளை அவருக்குப் பின்னர் நீங்கள் மணப்பது ஒருபோதும் கூடாது; நிச்சயமாக இது அல்லாஹ்விடத்தில் (பாவத்தால்) மகத்தானதாக இருக்கிறது.

34:22. (நபியே!) நீர் கூறுவீராக! "அல்லாஹ்வையன்றி எவர்களை நீங்கள் (தெய்வங்களென) எண்ணிக் கொண்டிருக்கிறீர்களோ அவர்களை அழையுங்கள்; வானங்களிலோ, இன்னும் பூமியிலோ அவர்களுக்கு ஓர் அணுவளவும் அதிகாரமில்லை; அவற்றில் இவர்களுக்கு எத்தகைய பங்குமில்லை; இன்னும், அவனுக்கு உதவியாளரும் அவர்களில் யாருமில்லை."

35:6. நிச்சயமாக ஷைத்தான் உங்களுக்குப் பகைவனாக இருக்கின்றான்; ஆகவே, நீங்களும் அவனைப் பகைவனாகவே எடுத்துக் கொள்ளுங்கள்; அவன் (தன்னைப் பின்பற்றும்) தன் கூட்டத்தாரை அழைப்பதெல்லாம் அவர்கள் கொழுந்துவிட்டெரியும் (நரக) நெருப்புக்கு உரியவர்களாய் இருப்பதற்காகவேதான்.

35:13. அவனே இரவைப் பகலில் புகுத்துகிறான்; பகலை இரவில் புகுத்துகிறான்; சூரியனையும் சந்திரனையும் (தன்) வசப்படுத்தி வைத்திருக்கின்றான்; இவை அனைத்தும் குறிப்பிட்ட காலத்தின்படியே செல்கின்றன; அவனே உங்களுடைய இறைவனாகிய அல்லாஹ்; அரசாட்சியெல்லாம் அவனுக்குரியதே! அவனையன்றி நீங்கள் எவர்களைப் பிரார்த்தி(த்து அழை)க்கின்றீர்களோ, அவர்களுக்கு அணுவளவும் அதிகாரம் இல்லை.

35:14. நீங்கள் அவர்களைப் பிரார்த்தித்து அழைத்தாலும் அவர்கள் உங்கள் பிரார்த்தனையை (அழைப்பை)ச் செவியேற்கமாட்டார்கள்; செவியேற்றாலும் கூட உங்களுக்குப் பதில் அளிக்கமாட்டார்கள்; மறுமைநாளில் நீங்கள் இணைவைத்ததையும் அவர்கள் நிராகரித்து விடுவார்கள்; யாவற்றையும் நன்கு அறிபவனைப் போன்று (அவர்கள்) எவருமே உமக்கு அறிவிக்க மாட்டார்.

35:18. (மறுமைநாளில் தன்) சுமையைச் சுமக்கும் ஒருவன் வேறொருவனுடைய சுமையைச் சுமக்க மாட்டான்; அன்றியும், பளுவான சுமையைச் சுமப்பவன், அதில் (சிறிதேனும்) சுமந்து கொள்ளும்படி (வேறொருவனை) அழைத்தாலும், அவன் சொந்தக்காரனாக இருந்தபோதிலும் - அதில் சிறிதளவுகூட அவ்வாறு சுமந்துகொள்ளப்படாது; எவர்கள், மறைவிலும் தங்கள் இறைவனை அஞ்சி, தொழுகையையும் நிலைநாட்டுகின்றார்களோ அவர்களையே நீர் எச்சரிக்கை செய்வீர்; எவர் பரிசுத்தமாக இருக்கிறாரோ அவர், தம் நன்மைக்காகவே பரிசுத்தமாக இருக்கிறார்; அல்லாஹ்விடமே யாவும் மீண்டு செல்ல வேண்டியுள்ளது.

39:8. இன்னும், மனிதனை ஏதேனும் ஒரு துன்பம் தீண்டுமானால், அவன் தன் இறைவன்பால் திரும்பி அவனை அழைத்துப் பிரார்த்திக்கின்றான்; பின்னர், (இறைவன்) தன்னிடமிருந்து ஓர் அருட்கொடையை அவனுக்கு அளித்தானானால், முன்னர் அவன் எதற்காக அவனை அழைத்துப் பிரார்த்தித்துக் கொண்டிருந்தானோ அதை மறந்து விடுகிறான்; அல்லாஹ்வுக்கு இணைகளை ஏற்படுத்துகிறான் - (மற்றவர்களை) அவனுடைய பாதையிலிருந்து வழிகெடுப்பதற்காக; (நபியே!) நீர் கூறுவீராக! "உன் நிராகரிப்பைக் கொண்டு சிறிது காலம் சுகமனுபவி! நிச்சயமாக நீ நரகவாசிகளில் உள்ளவனே."

39:38. "வானங்களையும், பூமியையும் படைத்தவன் யார்?" என்று நீர் அவர்களைக் கேட்பீராயின்: "அல்லாஹ்தான்!" என்று அவர்கள் நிச்சயமாகக் கூறுவார்கள். (நபியே!) நீர் சொல்வீராக! "அல்லாஹ் எனக்கு ஏதேனும் ஒரு கெடுதி செய்ய நாடினால் நீங்கள் (பிரார்த்தித்து) அழைக்கும் அல்லாஹ் அல்லாதவை, அவனுடைய கெடுதியை நீக்கி விடக்கூடியவையா? அல்லது, அவன் எனக்கு ஏதேனும் ஓர் அருளை நாடினால், அவனுடைய (அந்த) அருளை அவை தடுத்துவிடக்கூடியவையா? என்பதை நீங்கள் கவனித்தீர்களா?" (நபியே!) மேலும், நீர் கூறுவீராக! "அல்லாஹ்வே எனக்குப் போதுமானவன்; சார்ந்திருப்போர் அவனையே (முழுமையாக) சார்ந்திருப்பார்கள்."

39:49. மனிதனை ஏதேனும் ஒரு துன்பம் தீண்டுமானால் அவன் நம்மையே (பிரார்த்தித்து) அழைக்கிறான்; பிறகு, நம்மிடமிருந்து அவனுக்கு ஓர் அருட்கொடையைக் கொடுத்தோமானால், அவன், "இது எனக்குக் கொடுக்கப்பட்டதெல்லாம், என் அறிவின் காரணமாகத்தான்!" என்று கூறுகின்றான்; அப்படியல்ல! இது ஒரு சோதனையே; ஆனால், அவர்களில் பெரும்பாலோர் (இதை) அறியமாட்டார்கள்.

40:12. (பதில் கூறப்படும்:) "அதற்குக் காரணம் அல்லாஹ் ஒருவனே (வணக்கத்திற்குரியவன்; எனவே, அவனையே வணங்குங்கள்) என்று அழைக்கப்பட்டபோது, நீங்கள் நிராகரித்தீர்கள், ஆனால், அவனுக்கு (எதையும்) இணையாக்கப்பட்டபோது, (அதன் மீது) நீங்கள் நம்பிக்கை கொண்டீர்கள்; ஆகவே, இத்தீர்ப்பு மிக்க மேலானவனும், மிக்க பெரியவனுமான அல்லாஹ்வுக்கே உரியது."

40:14. ஆகவே, நிராகரிப்பாளர்கள் வெறுத்தபோதிலும், நீங்கள் அல்லாஹ்வையே - முற்றிலும் வணக்கத்தை அவனுக்கே கலப்பற்றவர்களாக்கி வைக்கின்றவர்களாக - அழையுங்கள்.

40:20. மேலும், அல்லாஹ் உண்மையைக் கொண்டே தீர்ப்பளிப்பான்; அன்றியும், அவனையன்றி அவர்கள் (வேறு) எவர்களை அழைத்(துப் பிரார்த்தித்)தார்களோ, அவர்கள் யாதொரு விஷயத்தைப் பற்றியும் தீர்ப்புச் செய்யமாட்டார்கள்; நிச்சயமாக அல்லாஹ் அவனே (யாவற்றையும்) செவியேற்பவனாகவும், பார்ப்பவனாகவும் இருக்கின்றான்.

40:26. மேலும், ஃபிர்அவ்ன் கூறினான்: "மூஸாவைக் கொலைசெய்ய என்னை விட்டுவிடுங்கள்! இன்னும், இவர் தம்முடைய இறைவனை அழை(த்துப் பிரார்த்தி)க்கட்டும்! நிச்சயமாக இவர் உங்கள் மார்க்கத்தை மாற்றிவிடுவார்; அல்லது இப்பூமியில் குழப்பத்தை வெளியாக்குவார் என்று நான் அஞ்சுகிறேன்."

40:41. என்னுடைய சமூகத்தாரே! எனக்கென்ன? நான் உங்களை ஈடேற்றத்தின்பால் அழைக்கிறேன்; ஆனால், நீங்களோ என்னை (நரக) நெருப்பின்பால் அழைக்கிறீர்கள்.

40:42. நான் அல்லாஹ்வை நிராகரிக்க வேண்டுமென்றும், எனக்கு எதைப்பற்றி அறிவு இல்லையோ அதை நான் அவனுக்கு இணைவைக்க வேண்டுமென்றும் என்னை நீங்கள் அழைக்கின்றீர்கள்; ஆனால், நானோ (யாவரையும்) மிகைத்தவனும், மிக மன்னிப்பவனுமாகியவனின் பக்கம் அழைக்கின்றேன்.

40:43. "சந்தேகமில்லாமல் என்னை நீங்கள் எதன் பக்கம் அழைக்கின்றீர்களோ, அது நிச்சயமாக இவ்வுலகிலும் மறுமையிலும் (இறைவன் என) அழைக்கப்படுவதற்கு சிறிதும் தகுதியில்லாதது; மேலும், நிச்சயமாக நம்முடைய மீளுமிடம் அல்லாஹ்வின் பக்கமேயாகும்; இன்னும், நிச்சயமாக வரம்புமீறியவர்கள் நரகவாசிகளாகவே இருக்கிறார்கள்."

40:49. "இவ்வேதனையை ஒரு நாளைக்கு (மட்டுமாவது) எங்களுக்கு இலேசாக்கும்படி உங்கள் இறைவனிடத்தில் பிரார்த்தனை செய்யுங்கள்" என்று (நரக) நெருப்பில் இருப்பவர்கள் நரகத்தின் காவலர்களை நோக்கிக் கூறுவார்கள்.

40:50. "உங்கள் தூதர்கள் உங்களிடம் தெளிவான அத்தாட்சிகளுடன் வரவில்லையா?" என (அக்காவலர்கள்) கேட்பார்கள்: "ஆம்!" என அவர்கள் பதில் கூறுவார்கள்; "அவ்வாறாயின், நீங்களே பிரார்த்தனை செய்துகொள்ளுங்கள்" என்று அவர்கள் கூறுவர்; ஆனால், நிராகரிப்பாளர்களின் பிரார்த்தனை வீணானதாகவே அல்லாமல் (வேறு) இல்லை.

40:65. அவனே (என்றென்றும்) உயிரோடிருப்பவன்; அவனையன்றி (வேறு) தெய்வமில்லை; ஆகவே, வணக்கத்தை அவனுக்கே கலப்பற்றவர்களாக்கி வைக்கின்றவர்களாய், அவனையே நீங்கள் அழையுங்கள்; அனைத்துப் புகழும் அகிலங்களின் இறைவனான அல்லாஹ்வுக்கே ஆகும்.

40:66. (நபியே!) நீர் கூறுவீராக! "என்னுடைய இறைவனிடமிருந்து தெளிவான அத்தாட்சிகள் எனக்கு வந்தபொழுது, அல்லாஹ்வையன்றி நீங்கள் அழைப்பவற்றை வணங்குவதை விட்டும் நிச்சயமாக நான் தடுக்கப்பட்டுள்ளேன்; அன்றியும், அகிலத்தாரின் இறைவனுக்கே அடிபணிய வேண்டும் என்று கட்டளையிடப்பட்டிருக்கின்றேன்."

40:74. அல்லாஹ்வையன்றி (நீங்கள் இணைவைத்துக் கொண்டிருந்தவை எங்கே?' என்று கேட்கப்பட்டதும்): "அவை எங்களைவிட்டும் மறைந்து விட்டன; அன்றியும், முன்னர் நாங்கள் (அல்லாஹ்வைத் தவிர) வேறு எதையும் அழைத்துக் கொண்டிருக்கவில்லையே!" என்று கூறுவார்கள். இவ்வாறுதான் நிராகரிப்பாளர்களை அல்லாஹ் வழிகெடச் செய்கிறான்.

41:5. மேலும் அவர்கள்: "நீர் எதன் பக்கம் எங்களை அழைக்கின்றீரோ அதனைவிட்டும் எங்கள் இதயங்கள் உறையினுள் இருக்கின்றன; எங்கள் காதுகளில் மந்தம் இருக்கின்றது; எங்களுக்கிடையிலும், உமக்கிடையிலும் திரை இருக்கிறது; ஆகவே, நீர் (உம் வேலையைச்) செய்து கொண்டிரும்! நிச்சயமாக நாங்கள் (எங்கள் வேலையைச்) செய்துகொண்டிருப்பவர்கள்" என்று கூறினர்.

41:33. எவர் அல்லாஹ்வின் பக்கம் (மக்களை) அழைத்து, நற்செயலையும் செய்து, "நிச்சயமாக நான் (அல்லாஹ்வுக்கு முற்றிலும் வழிப்பட்ட) முஸ்லிம்களில் உள்ளவன்" என்று கூறுகின்றாரோ, அவரைவிட சொல்லால் அழகியவர் யார்? (இருக்கின்றார்?)

41:48. அன்றியும், முன்னால் அவர்கள் (தெய்வங்கள் என) அழைத்துக்கொண்டிருந்தவை அவர்களை விட்டும் மறைந்துவிடும்; எனவே, அவர்களுக்குப் புகலிடமில்லை என்பதை அவர்கள் அறிந்து கொள்வார்கள்.

41:49. மனிதன் (நம்மிடம் பிரார்த்தனை செய்து) நல்லதைக் கேட்பதற்குச் சோர்வடைவதில்லை; ஆனால், அவனைக் கெடுதி தீண்டுமாயின் அவன் மனமுடைந்து நிராசையுள்ளவனாகின்றான்.

42:15. எனவே, (நபியே! நேர்வழியின் பக்கம் அவர்களை) நீர் அழைத்துக்கொண்டே இருப்பீராக! மேலும், நீர் ஏவப்பட்ட பிரகாரம் உறுதியுடன் நிற்பீராக! அவர்களுடைய (இழிவான) மனோ இச்சைகளை நீர் பின்பற்றாதீர்; இன்னும், "வேதத்திலிருந்து அல்லாஹ் இறக்கிவைத்ததை நான் நம்புகிறேன்; அன்றியும், உங்களிடையே நீதி வழங்கும்படியும் நான் ஏவப்பட்டுள்ளேன்; அல்லாஹ்வே எங்களுடைய இறைவனும் உங்களுடைய இறைவனும் ஆவான்; எங்கள் செயல்கள் எங்களுக்கு; உங்கள் செயல்கள் உங்களுக்கு; எங்களுக்கும் உங்களுக்குமிடையே தர்க்கம் வேண்டாம்; அல்லாஹ் நம்மிடையே (மறுமையில்) ஒன்று சேர்ப்பான்; அவன்பாலே (நாம்) மீண்டு செல்ல வேண்டியிருக்கிறது" என்றும் கூறுவீராக!

43:13. அவற்றின் முதுகுகளின் மீது நீங்கள் சரியாக அமர்ந்து கொள்வதற்காகவும், அவற்றின் மீது நீங்கள் சரியாக அமர்ந்ததும், உங்கள் இறைவனுடைய அருளை நினைவுகூர்ந்து "இதன் மீது (செல்ல) சக்தியற்றவர்களாக இருந்த எங்களுக்கு, இதனை வசப்படுத்தித்தந்த அ(வ் இறை)வன் மிக்க பரிசுத்தமானவன்" என்று நீங்கள் கூறுவதற்காகவும்.

43:86. அன்றியும், (அல்லாஹ்வாகிய) அவனையன்றி அவர்கள் எவர்களை (தெய்வங்களாக) அழைக்கிறார்களோ, அவர்கள் (அவனிடம் அவர்களுக்குப்) பரிந்துபேச அதிகாரமுள்ளவர்கள் அல்லர்; ஆனால், எவர்கள் அறிந்தவர்களாக இருக்கும் நிலையில் சத்தியத்தைக்கொண்டு சாட்சியம் கூறுகிறார்களோ அவர்களைத் தவிர.

44:22. (அவர்கள் வரம்பு மீறியவர்களாகவே இருந்தார்கள்;) "நிச்சயமாக இவர்கள் குற்றவாளிகளான சமூகத்தாராகவே இருக்கிறார்கள்" என்று தம் இறைவனிடம் பிரார்த்தித்துக் கூறினார்.

45:28. (அன்று) ஒவ்வொரு சமுதாயத்தையும் முழந்தாளிட்டிருக்க (நபியே!) நீர் காண்பீர்; ஒவ்வொரு சமுதாயமும் அதனதன் (பதிவுப்) புத்தகத்தின் பக்கம் அழைக்கப்படும்; "இன்று, நீங்கள் (உலகில்) செய்திருந்ததற்குரிய கூலி கொடுக்கப்படுவீர்கள்."

46:4. நீங்கள் அழைக்கும் அல்லாஹ் அல்லாதவற்றை கவனித்தீர்களா? பூமியிலுள்ள எதை அவை படைத்துள்ளன? அல்லது அவற்றுக்கு வானங்களில் ஏதாவது பங்கு உண்டா? என்பதை எனக்குக் காண்பியுங்கள்! நீங்கள் உண்மையாளர்களாக இருந்தால், இதற்கு முன்னேயுள்ள ஒரு வேதத்தையோ அல்லது (முன்னோர்களின்) அறிவில் மிஞ்சிய ஏதேனும் பகுதியையோ (உங்கள் கூற்றுக்கு ஆதாரமாக) என்னிடம் கொண்டு வாருங்கள்!" என்று (நபியே!) நீர் கூறுவீராக!

46:5. மறுமைநாள் வரை (அழைத்தாலும்) தனக்கு பதில் கொடுக்கமுடியாத - அல்லாஹ் அல்லாதவர்களை அழைப்பவனைவிட வழிகெட்டவன் யார்? அவர்களோ தங்களை அழைப்பதையே அறியாதவர்களாக இருக்கின்றனர்.

46:31. எங்கள் சமூகத்தாரே! அல்லாஹ்வின் அழைப்பாளருக்கு பதிலளித்து, (அவர் கூறுவதை ஏற்று) அவர்மீது நம்பிக்கை கொள்ளுங்கள்: (அதனால்) அவன் உங்கள் பாவங்களை விட்டும் உங்களை மன்னிப்பான்; நோவினைதரும் வேதனையிலிருந்தும் உங்களைப் பாதுகாப்பான்.

46:32. ஆனால், எவர் அல்லாஹ்வின் அழைப்பாளருக்குப் பதிலளிக்கவில்லையோ, அவர் பூமியில் (அல்லாஹ்வை) இயலாமல் ஆக்கமுடியாது; அவனையன்றி அவரைப் பாதுகாப்போர் எவருமில்லை; அ(த்தகைய)வர்கள் பகிரங்கமான வழிகேட்டிலேயே இருக்கின்றார்கள்.

47:38. அறிந்துகொள்க! நீங்கள்தாம் அல்லாஹ்வின் பாதையில் செலவுசெய்யுமாறு அழைக்கப்படுகிறீர்கள்; ஆனால், உங்களில் கஞ்சத்தனம் உடையோரும் இருக்கிறார்கள்: எவன் கஞ்சத்தனம் செய்கிறானோ, அவன் தன் ஆத்மாவுக்கே கஞ்சத்தனம் செய்கிறான்; அல்லாஹ் எவ்விதத் தேவையுமற்றவன்; நீங்களோ தேவையுடையவர்களாக இருக்கின்றீர்கள்; எனவே, (சத்தியத்தை) நீங்கள் புறக்கணிப்பீர்களாயின், உங்களல்லாத (வேறு ஒரு) சமூகத்தாரை (உங்கள் இடத்தில்) அவன் மாற்றிவிடுவான்; பின்னர், உங்களைப் போன்று அவர்கள் இருக்கமாட்டார்கள்.

48:16. பின் தங்கிவிட்ட நாட்டுப்புறத்து அரபிகளிடம்: "நீங்கள் சீக்கிரத்தில் மிக்க பலசாலிகளான ஒரு சமூகத்தாரிடம் (அவர்களை எதிர்த்துப் போரிட) அழைக்கப்படுவீர்கள்; அவர்களுடன் நீங்கள் போரிட வேண்டும்; அல்லது, அவர்கள் (யுத்தம் செய்யாது) இஸ்லாத்திற்கு வந்து விடுவார்கள்; அப்போது நீங்கள் கீழ்ப்படிவீர்களானால், அல்லாஹ் உங்களுக்கு அழகிய (நற்)கூலியைக் கொடுப்பான்; ஆனால், இதற்கு முன் நீங்கள் (போரிடாமல்) பின்னடைந்தது போல் (இப்பொழுதும்) நீங்கள் பின்வாங்குவீர்களாயின், அவன் உங்களை நோவினைதரும் வேதனையாக வேதனை செய்வான்" என்று (நபியே!) நீர் கூறும்.

54:6. ஆகையால், (நபியே!) அவர்களை விட்டும் நீர் திரும்பிவிடும்; (அவர்களுக்கு) வெறுப்பான (கேள்வி கணக்கு) விஷயத்திற்காக அழைப்பவர் (அவர்களை) அழைக்கும் நாளில்.

54:10. அப்போது அவர் "நிச்சயமாக நான் தோல்வியடைந்தவனாக இருக்கிறேன்; ஆகவே, நீ எனக்கு உதவி செய்வாயாக" என்று தம் இறைவனிடம் பிரார்த்தித்தார்.

57:8. உங்கள் இறைவன்மீது நம்பிக்கைகொள்ள (நம்) தூதர் உங்களை அழைக்கையில் - இன்னும் திட்டமாய் ஏற்கனவே (அவன்) உங்களிடம் உறுதிமொழி வாங்கியிருக்கும்போது, அல்லாஹ்வின் மீது நீங்கள் நம்பிக்கை கொள்ளாதிருக்க உங்களுக்கு என்ன நேர்ந்தது? நீங்கள் நம்பிக்கையாளர்களாக இருப்பீர்களாயின் (இறைப் போதனைப்படி நடங்கள்).

61:7. மேலும், எவன் இஸ்லாத்தின்பால் அழைக்கப்பட்ட நிலையில், அல்லாஹ்வின் மீது பொய்யை இட்டுக் கட்டுகிறானோ அவனைவிட அநியாயக்காரன் யார்? அன்றியும், அநியாயக்கார சமூகத்தாரை அல்லாஹ் நேர்வழியில் செலுத்த மாட்டான்.

68:43. அவர்களுடைய பார்வைகள் கீழ் நோக்கியவையாக இருக்கும் நிலையில் இழிவு அவர்களை மூடிக்கொள்ளும்; அவர்களோ (உலகில்) திடமாக இருந்தபோது, ஸுஜூது செய்யுமாறு அழைக்கப்பட்டுக் கொண்டுதான் இருந்தனர். (ஆனால், அப்போது அலட்சியமாக இருந்தனர்.)

70:17. (நேர்வழியைப்) புறக்கணித்துப் புறங்காட்டிச் சென்றோரை அ(ந்நரகத் தீயான)து அழைக்கும்.

71:5. பின்னர் அவர்: "என் இறைவா! நிச்சயமாக, நான் என் சமூகத்தாரை இரவிலும், பகலிலும் (நேர்வழியின்பால்) அழைத்தேன்" என்று கூறினார்.

71:6. ஆனால், என் அழைப்பு (நேர்வழியிலிருந்து) வெருண்டு ஓடுதலைத் தவிர அவர்களுக்கு (வேறெதையும்) அதிகப்படுத்தவில்லை.

71:7. "அன்றியும், நீ அவர்களுக்கு மன்னிப்பதற்காக (உன் பக்கம்) நிச்சயமாக அவர்களை நான் அழைத்தபோதெல்லாம், தம் காதுகளில் தம் விரல்களை வைத்துக்கொண்டனர்; மேலும், தங்களைத் தம் ஆடைகளைக்கொண்டு மூடிக்கொண்டனர்; அன்றியும், அவர்கள் (தம் வழிகேட்டில்) பிடிவாதமாகவும், பெரும் அகம்பாவம் கொள்வோராகவுமே இருக்கிறார்கள்."

71:8. பின்னர், நிச்சயமாக நான் அவர்களை சப்தமாக அழைத்(தும் போதித்) தேன்.

72:18. அன்றியும், நிச்சயமாக பள்ளிவாசல்கள் அல்லாஹ்வுக்காகவே இருக்கின்றன; எனவே, (அவற்றில்) அல்லாஹ்வுடன் (சேர்த்து வேறு) எவரையும் நீங்கள் பிரார்த்திக்காதீர்கள்.

72:19. மேலும், நிச்சயமாக அல்லாஹ்வின் அடியார் அவனைப் பிரார்த்தித்தவராக நிற்கும்பொழுது, அவர்பால் அவர்கள் கூட்டம் கூட்டமாக (வந்து) நெருங்கிவிடுகின்றனர்.

72:20. (நபியே!) நீர் கூறும்: "நான் பிரார்த்திப்பதெல்லாம் என்னுடைய இறைவனைத்தான்; அன்றியும், நான் அவனுக்கு எவரையும் இணையாக்கமாட்டேன்."

96:17. ஆகவே, அவன் தன் சபையோரை அழைக்கட்டும்.

96:18. நாமும் நரகக் காவலாளிகளை விரைவில் அழைப்போம்.