யூசுஃப் (அலை) அவர்கள் பின்யாமீனுக்கு ஆறுதல் கூறுதல்

அல்லாஹ் கூறுகிறான்: யூசுஃப் (அலை) அவர்களின் சகோதரர்கள் தம்முடைய உடன் பிறந்த சகோதரர் பின்யாமீனுடன் அவர் முன் வந்தபோது, அவர்களைச் சிறப்பு விருந்தினர்களாகக் கண்ணியமான ஓரிடத்திற்கு அவர் அழைத்தார்கள். அவர்களுக்குப் பரிசுகளையும், தாராளமான விருந்தோம்பலையும், அன்பையும் வழங்கினார்கள். விருந்தின்போது இருவர் இருவராக அமருமாறு பணித்தார்கள். பின்யாமீன் தனியாக நின்றார். அவரைத் தம்முடன் யூசுஃப் (அலை) அமர்த்திக் கொண்டார்கள். அவர் தம் சகோதரரைத் தனிமையில் சந்தித்து, தமக்கு நேர்ந்தவற்றை விவரித்து, தான் தான் உண்மையில் அவருடைய சகோதரர் என்பதையும் தெரிவித்தார்கள். அவரிடம் கூறினார்கள்: ﴾إِنِّي أَنَا أَخُوكَ فَلَا تَبْتَئِسْ بِمَا كَانُواْ يَعْمَلُونَ﴿

"நான் தான் உமது சகோதரன். (கவலைப்படாதீர்), அவர்கள் எனக்குச் செய்தவைகளுக்காக வருத்தப்பட வேண்டாம்." இந்தச் செய்தியை மற்றவர்களிடமிருந்து மறைக்கும்படியும், இந்த அஸீஸ் தம்முடைய சகோதரர் யூசுஃப் (அலை) தான் என்பதை அவர்களிடம் சொல்ல வேண்டாம் என்றும் பின்யாமீனுக்கு அவர்கள் கட்டளையிட்டார்கள். அவரை எகிப்திலேயே தங்க, கண்ணியத்தையும் பெரும் விருந்தோம்பலையும் அனுபவிக்கச் செய்வதற்காக, அவருடன் சேர்ந்து சூழ்ச்சி செய்து (அவரைத் தம்மிடமே நிறுத்திக் கொள்ள) ஒரு திட்டம் தீட்டினார்கள்.