நிராகரிப்பாளர்களின் கோரிக்கைகளுக்கு இணங்கி வஹீ (இறைச்செய்தி)யில் சிறிதளவேனும் மாற்றம் செய்திருந்தால் நபி (ஸல்) அவர்கள் எவ்வாறு தண்டிக்கப்பட்டிருப்பார்கள்

கொடிய அக்கிரமக்காரர்களின் தீய சூழ்ச்சிகளிலிருந்து தன் தூதர் (ஸல்) அவர்களுக்கு அல்லாஹ் எவ்வாறு ஆதரவளித்து, அவர்களைப் பாதுகாத்து, பத்திரமாக வைத்திருந்தான் என்பதை அவன் நமக்குக் கூறுகிறான்.

அல்லாஹ் தான் அவர்களைக் கவனித்து, அவர்களுக்கு உதவி செய்தான். தன் படைப்புகளில் யாரிடமும் அவர்களை அவன் விட்டுவிடவில்லை.

அவன்தான் அவர்களின் உதவியாளனாகவும், ஆதரவாளனாகவும், பாதுகாவலனாகவும் இருக்கிறான். கிழக்கிலும் மேற்கிலும் அவர்களை எதிர்ப்பவர்கள், பகைப்பவர்கள், அவர்களுடன் போரிடுபவர்கள் மீது வெற்றிபெறவும், தன் மார்க்கத்தை மேலோங்கச் செய்யவும் உதவுபவன் அவனே.

நியாயத்தீர்ப்பு நாள் வரை அல்லாஹ் அவர்கள் மீது சாந்தியையும் அருளையும் பொழிவானாக.