7:65. இன்னும், ஆது கூட்டத்தாரிடம் அவர்களுடைய சகோதரர் ஹூதை (நபியாக அனுப்பிவைத்தோம்); அவர், "என் சமூகத்தாரே! நீங்கள் அல்லாஹ்வையே வணங்குங்கள்; அவனையன்றி உங்களுக்கு வேறு கடவுள் இல்லை; நீங்கள் (அவனுக்கு) அஞ்ச வேண்டாமா?" என்று கேட்டார்.

7:74. இன்னும், நினைவுகூருங்கள்: 'ஆத்' கூட்டத்தாருக்குப் பின் அவன் உங்களைப் (பூமியில்) பின்தோன்றல்களாக்கி வைத்தான்; பூமியில் உங்களை வசிக்கச் செய்தான்; அதன் சமவெளிகளில் நீங்கள் மாளிகைகளைக் கட்டியும், மலைகளைக் குடைந்து வீடுகளை அமைத்தும் கொள்கிறீர்கள்; ஆகவே, நீங்கள் அல்லாஹ்வின் (இந்த) அருட்கொடைகளை நினைவுகூருங்கள்; பூமியில் குழப்பம் செய்பவர்களாக அலையாதீர்கள்" (என்றும் கூறினார்).

9:70. இவர்களுக்கு முன்னிருந்த நூஹுடைய சமுதாயம், ஆது, ஸமூது (சமுதாயம்), இப்ராஹீமுடைய சமுதாயம், மத்யன் நகர வாசிகள், தலைகீழாய் புரட்டப்பட்ட ஊரார் ஆகியவர்களின் செய்தி அவர்களுக்கு வரவில்லையா? அவர்களுக்கு (நாம் அனுப்பிய) அவர்களுடைய தூதர்கள் தெளிவான அத்தாட்சிகளைக் கொண்டு வந்தார்கள்; (தூதர்களை நிராகரித்ததினால் அவர்கள் அழிந்தனர்) - அல்லாஹ் அவர்களுக்கு அநியாயம் செய்பவனாக இல்லை; எனினும், அவர்கள் தமக்குத் தாமே அநியாயம் செய்து கொண்டிருந்தார்கள்.

11:50. 'ஆது' சமூகத்தாரிடம் அவர்களுடைய சகோதரர் ஹூதை (நம் தூதராக அனுப்பி வைத்தோம்); அவர் சொன்னார்: "என்னுடைய சமூகத்தாரே! அல்லாஹ்வையே நீங்கள் வணங்குங்கள்; அவனையன்றி (வேறு) எந்தக் கடவுளும் உங்களுக்கு இல்லை; நீங்கள் கற்பனை செய்பவர்களே தவிர வேறில்லை."

11:60. எனவே, இவ்வுலகிலும், மறுமைநாளிலும் (அல்லாஹ்வின்) சாபத்தினால் அவர்கள் தொடரப்பட்டனர்; அறிந்துகொள்வீர்களாக! நிச்சயமாக ஆது கூட்டத்தார் தங்கள் இறைவனை நிராகரித்தார்கள்; அறிந்துகொள்வீர்களாக! ஹூதுடைய சமுதாயமான 'ஆது' கூட்டத்தாருக்குக் கேடுதான்.

14:9. உங்களுக்குமுன் சென்றுபோன நூஹ், ஆது, ஸமூது போன்ற சமூகத்தாரின் செய்தியும் அவர்களுக்குப்பின் வந்தவர்களுடைய செய்தியும் உங்களுக்கு வரவில்லையா? அவர்களை அல்லாஹ்வைத் தவிர (வேறு) எவரும் அறியார்; அவர்களிடத்தில் (அல்லாஹ் அனுப்பிய) அவர்களுடைய தூதர்கள் தெளிவான அத்தாட்சிகளைக் கொண்டுவந்தார்கள்; தங்கள் கைகளை தங்கள் வாய்களின் பக்கம் கொண்டுசென்று, "நீங்கள் எதைக்கொண்டு அனுப்பப்பட்டிருக்கின்றீர்களோ அ(த்தூ)தை நிச்சயமாக நாங்கள் நிராகரிக்கின்றோம்; அன்றியும், நீங்கள் எங்களை எதன்பால் அழைக்கிறீர்களோ, அதைப்பற்றியும் நாங்கள் பெரும் சந்தேகத்தில் இருக்கின்றோம்" என்று கூறினார்கள்.

22:42. (நபியே!) இவர்கள் உம்மைப் பொய்யாக்க முற்பட்டால் (அதற்காகக் கவலைப்படாதீர்; ஏனெனில்,) நிச்சயமாக இவர்களுக்கு முன்னால் நூஹின் சமூகத்தினரும், ஆதும், ஸமூதும் (தத்தம் நபிமார்களைப்) பொய்ப்பிக்கவே முற்பட்டார்கள்.

25:38. இன்னும், ஆது, ஸமூது (கூட்டத்தாரையும்) ரஸ் (கிணறு) வாசிகளையும், இவர்களுக்கிடையில் இன்னும் அநேக தலைமுறையினரையும் (நாம் தண்டித்தோம்).

26:23. அதற்கு ஃபிர்அவ்ன்: "அகிலத்தாருக்கு இறைவன் யார்?" என்று கேட்டான்.

29:38. இவ்வாறே ஆது, ஸமூது (சமூகத்தாரையும் அழித்தோம்); அன்றியும், அவர்கள் வசித்த இடங்களிலிருந்து (ஒரு சில சின்னங்கள்) உங்களுக்குத் தெளிவாகிவிட்டது; இன்னும், ஷைத்தான் அவர்களுடைய (தீச்) செயல்களை அவர்களுக்கு அழகாகக் காண்பித்து, அவர்கள் நல்லறிவு உடையவர்களாக இருந்தும், அவர்களை (நேர்) வழியிலிருந்து அவன் தடுத்துவிட்டான்.

38:12. (இவ்வாறே) இவர்களுக்கு முன் இருந்த நூஹுடைய சமூகத்தாரும், ஆது (சமூகத்தாரு)ம், முளைகளுடைய (- பெரும்படைகளுடைய) ஃபிர்அவ்னும் நம் தூதர்களைப் பொய்ப்பித்தனர்.

40:31. "நூஹுடைய சமூகத்திற்கும், இன்னும் ஆது, ஸமூதுடைய சமூகத்தாருக்கும், அவர்களுக்குப் பின்னுள்ளவர்களுக்கும் உண்டான நிலையைப் போன்று (உங்களுக்கு நிகழ்ந்துவிடுமோ எனப் பயப்படுகிறேன்); ஆனால், அல்லாஹ் (தன்) அடியார்களுக்கு அநியாயம் செய்ய நாடமாட்டான்" (என்றும்).

41:13. ஆகவே, அவர்கள் புறக்கணித்து விடுவார்களாயின், "ஆது, ஸமூது கூட்டத்தாருக்கு உண்டான பேரிடி முழக்கத்தைப் போன்ற பேரிடி முழக்கத்தை, நான் உங்களுக்கு அச்சுறுத்துகின்றேன்" என்று (நபியே!) நீர் கூறுவீராக!

41:15. அன்றியும், ஆது(க் கூட்டத்தார்) பூமியில் அநியாயமாகப் பெருமையடித்துக்கொண்டு "எங்களைவிட வலிமையில் மிக்கவர்கள் யார்?" என்று கூறினார்கள்; அவர்களைப் படைத்த அல்லாஹ் நிச்சயமாக அவர்களை விட வலிமையில் மிக்கவன் என்பதை அவர்கள் கவனிக்கவில்லையா? இன்னும், அவர்கள் நம் அத்தாட்சிகளை மறுத்தவாறே இருந்தார்கள்.

46:21. மேலும், ஆது சமூகத்தாரின் சகோதரர் (ஹூது) திடமாகவே, அவருக்கு முன்னரும், அவருக்குப் பின்னரும் எச்சரிக்கை செய்பவர்கள் (இறைத் தூதர்கள்) வந்திருக்கிறார்கள்; (அவர்) தம் சமூகத்தாரை, "அல்லாஹ்வையன்றி (வேறு எதனையும்) நீங்கள் வணங்காதீர்கள்! நிச்சயமாக ஒரு கடுமையான நாளின் வேதனை உங்களுக்கு வரும் என்று நான் பயப்படுகிறேன்" என்று மணல் குன்றுகளிலிருந்து அச்சமூட்டி எச்சரிக்கை செய்ததை (நபியே!) நீர் நினைவு கூர்வீராக!

50:13. ஆது (சமூகத்தாரும்), ஃபிர்அவ்னும், லூத்தின் சகோதரர்களும் (பொய்ப்பித்தனர்).

51:41. இன்னும், ஆது (சமூதாயத்தாரிலும் ஒரு படிப்பினை இருக்கிறது); நாம் அவர்கள் மீது (நாசம் விளைவிக்கக்கூடிய) மலட்டுக்காற்றை அனுப்பியபோது,

53:50. நிச்சயமாக முந்திய ஆ(து கூட்டத்)தை அழித்தவனும் அவன்தான்.

54:18. ஆது (கூட்டத்தாரும் தங்கள் நபியை) பொய்ப்படுத்தினார்; அதனால், என் (கட்டளையினால் ஏற்பட்ட) வேதனையும், எச்சரிக்கைகளும் எப்படி இருந்தன (என்பதைக் கவனிக்க வேண்டாமா?)

69:4. ஸமூது (கூட்டத்தாரு)ம் ஆது (கூட்டத்தாரு)ம் திடுக்கிடச் செய்வதை (கியாம நாளைப்) பொய்ப்பித்தனர்.

89:6. உம்முடைய இறைவன் ஆ(து கூட்டத்)தை என்ன செய்தான் என்பதை நீர் பார்க்கவில்லையா?