1008. ``உனக்கு எது மனனமாக உள்ளது'' என இறைத்தூதர்(ஸல்) வினவினார்கள்.
``சூரத்துல் பகரா மற்றும் அதற்கு அடுத்த அத்தியாயம்'' என அவர் கூறினார்.
``எழு! அவளுக்கு இருபது வசனங்களைக் கற்றுக்கொடு'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) வாயிலாக அபூ தாவூதில் உள்ளது.

1010. ``பொறுப்பாளர் (பெண்ணிற்கு வலீ) இல்லாமல் திருமணம் இல்லை'' என்று இறைத்தூதர்(ஸல்) கூறினார்கள் என அபூ புர்தா இப்னு அபீ மூஸா தம் தந்தையிடமிருந்து அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இமாம் இப்னுல் மதீனி, இமாம் திர்மிதீ மற்றும் இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள். மேலும், இது முர்ஸல் எனும் தரம் எனவும் கூறப்படுகிறது.

1012. தன் வலீயின் (பொறுப்பாளரின்) அனுமதி இன்றி திருமணம் செய்து கொள்கிறவளின் திருமணம் செல்லாது. அவளின் கணவன் இல்லறத்தில் ஈடுபட்டு விட்டால் அவளின் மறைவிடத்தை அவன் ஹலாலாக்கிக் கொண்டதால், அவளுக்கு மஹர் உண்டு. அவர்களுக்கு மத்தியில் கருத்து வேறுபாடு ஏற்பட்டால் அப்போது, வலீ (பொறுப்பாளர்) இல்லாதவருக்கு ஆட்சியாளரே வலீ (பொறப்பாளர்) ஆவார்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: அபூ தாவூத், திர்மிதீ மற்றும் இப்னு மாஜா.
இமாம் அபூ ஹவானா, இமாம் இப்னு ஹிப்பான் மற்றும் இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

1014. ``விதவைப் பெண் (தன் திருமணத்தில்) தன் வலீயை (பொறுப்பாளரை) விட அதிகம் உரிமை பெற்றிருக்கிறான். மேலும், கன்னிப் பெண்ணிடம் சம்மதம் பெற வேண்டும். அவளின் அனுமதி மௌனமாய் இருப்பதாகும்'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்: முஸ்லிம்
மற்றோர் அறிவிப்பில், ``விதவைப் பெண்ணுக்கும், வலீ (பொறுப்பாளரு)க்கும் இடையே எந்தப் அதிகாரமும் இல்லை. இன்னும், அநாதைப் பெண்ணிடம் அவளின் அனுமதியைப் பெற வேண்டும்'' என உள்ளது.
நூல்கள்: அபூ தாவூத், நஸயீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
குறிப்பு: விதவைப் பெண்ணின் பொறுப்பாளர் அவளின் மறுமணத்திற்குத் தடையாய் இருந்தால், அவள் தன் பொறுப்பாளரைத் தானே தேர்வு செய்துகொண்டு, சாட்சிகளின் முன்னிலையில் திருமணம் செய்து கொள்ளும் உரிமையைப் பெறுகிறாள் என்பது இந்த ஹதீஸின் கருத்தாகும்.

1016. ``ஷிகார்'' வகைத் திருமணத்தை இறைத்தூதர்(ஸல்) தடைசெய்தார்கள் என இப்னு உமர்(ரலி) அறிவித்தார். `உன் மகளை எனக்கு மணமுடித்து வைக்க வேண்டும்' என்னும் நிபந்தனையுடன் ஒருவர் தன் மகளை ஒருவருக்கு மணமுடித்து வைப்பதும் அவர்கள் இருவருமே மஹர் ஏதும் கொடுக்காமல் இருந்துகொள்வதும் `ஷிகார்' ஆகும் என நாஃபிவு(ரஹ்) விளக்கம் அளிக்கிறார்கள்.
நூல்கள்: புகாரீ, முஸ்லிம்
ஷிகார் என்பதற்கான நாஃபிவு அவர்கள் மூலம் புகாரீ மற்றும் முஸ்லிம் ஆகிய இருவரும் மற்றோர் அறிவிப்பில் அறிவித்துள்ளனர்.

1018. ``ஒரு பெண்ணை இரண்டு வலீகள் (தனித்தனியாக இரண்டு ஆண்களுக்கு) திருமணம் செய்து வைத்திருந்தால் அப்பெண் அவர்களில் முதல் நபருக்கே (முதலில் திருமணம் செய்தவருக்கே) உரியவள்'' என்று இறைத்தூதர்(ஸல்) கூறினார்கள் என ஹஸன் என்பவர் சமூரா(ரலி) அவர்களிடமிருந்து அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா.
இமாம் திர்மிதீ(ரஹ்) இதனை ``ஹஸன்'' எனக் குறிப்பிட்டுள்ளார்.
குறிப்பு: தன்னை முதலாவதாக மணந்தவருடன் பாலுறவு கொள்ளாத நிலையில், இரண்டாவதாக மணந்தவருடன் பாலுறவு கொண்டால், அவள் இரண்டாம் நபருக்கே உரியவள் ஆகிறாள். (காண்க சுபுலுஸ் ஸலாம்)

1020. ``ஒரு பெண்ணையும் அவளின் அத்தையையும், ஒரு பெண்ணையும் அவளின் சிற்றன்னையையும் சம காலத்தில் மணமுடிக்க வேண்டாம் (சமகாலத்தில் மனைவியாக வைத்திருக்க வேண்டாம்)'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

1022. இறைத்தூதர்(ஸல்) இஹ்ராம் கட்டிய நிலையில் மைமூனா(ரலி) அவர்களை நிக்காஹ் செய்தார்கள் என இப்னு அப்பாஸ்(ரலி) அறிவித்தார்.
நூல்கள்: புகாரீ, முஸ்லிம்

1024. ``எதன் வாயிலாக மறைவிடங்களை (உங்களுக்கு) அனுமதிக்கப்பட்டதாக நீங்கள் ஆக்கிக் கொள்கிறீர்களோ அந்த மஹர் தொகைதான் நிபந்தனைகளிலேயே நிறைவேற்றுவதற்கு அதிகத் தகுதி வாய்ந்ததாகும்'' என்று இறைத்தூதர்(ஸல்) கூறினார்கள் என உக்பா இப்னு ஆமிர்(ரலி) அறிவித்தார்.
நூல்கள்: புகாரீ, முஸ்லிம்

1026. இறைத்தூதர்(ஸல்) `முத்ஆ' திருமணத்தை கைபர் போர் நடந்த ஆண்டில் தடைசெய்தார்கள் என அலீ(ரலி) அறிவித்தார்.
நூல்கள்: புகாரீ, முஸ்லிம்