1092. ஒரு கன்னிப் பெண்ணை (தனக்கு மனைவி இருக்கும் நிலையில்) மணப்பவர் அவளுடன் ஏழு இரவுகள் தங்கி இருக்க வேண்டும். அதன் பின்னரே அவர் (இரவுகளை மனைவியரிடையே) பங்கிட வேண்டும். கன்னி கழிந்த (விதவை அல்லது கைவிடப்பட்ட) பெண்ணைத் திருமணம் செய்பவர் அவளுடன் மூன்று இரவுகள் தங்கிய பின்னரே (மற்ற மனைவியுடன்) இரவுகளைப் பங்கிட வேண்டும் என்பது நபிவழியாகும் என அனஸ்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.

1094. ஸவ்தா பின்த் ஸம்ஆ(ரலி) தம்முடைய ஓர் இரவை ஆயிஷா(ரலி) அவர்களுக்கு (அன்பளிப்பாக) அளித்ததால், இறைத்தூதர்(ஸல்) ஆயிஷா(ரலி) அவர்களின் நாளையும் ஸவ்தா(ரலி அவர்களின் நாளையும் ஆயிஷா(ரலி) அவர்களுக்கே பங்கிட்டார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

1096. இறைத்தூதர்(ஸல்) அஸ் ர் தொழுதுவிட்டால், தம் மனைவியர் அனைவரிடமும் சென்று அவர்களுடன் நெருக்கமாகப் பழகுவார்கள் என ஆயிஷா(ரலி) வாயிலாக முஸ்லிமில் இடம் உள்ளது. (ஹதீஸ் சுருக்கம்)

1098. இறைத்தூதர்(ஸல்) பயணம் மேற்கொள்ள விரும்பினால், தம் மனைவியருக்கிடையில் சீட்டுக் குலுக்கிப் போடுவார்கள். யாரின் பெயர் அப்போது வருகிறதோ, அவரைத் தம்முடன் அழைத்துச் செல்வார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

1100. ஸாபித் இப்னு கைஸ்(ரலி) அவர்களின் மனைவி நபி(ஸல்) அவர்களிடம் வந்து, `இறைத்தூதர் அவர்களே! ஸாபித் இப்னு கைஸ் அவர்களை அவர்களின் ஒழுக்கத்திலோ, மார்க்கத்திலோ நான் குறை ஏதும கூறவில்லை. ஆனால், இஸ்லாமில் இருந்து கொண்டு இறைமறுப்பை (இறைவனுக்கு மாறுசெய்வதை) வெறுக்கிறேன்'' எனக் கூறினார்.
``அப்படியானால் (அவர் மஹராக உனக்களித்த) அவரின் தோட்டத்தை அவரிடம் திருமபக் கொடுக்கிறாயா?'' என இறைத்தூதர்(ஸல்) வினவினார்கள்.
``கொடுக்கிறேன்'' என அவர் வறினார்.
அப்போது இறைத்தூதர்(ஸல்) ஸாபித் இப்னு கைஸிடம்) ``உன் தோட்டத்தைப் பெற்றுக் கொண்டு இவரை ஒட்டு மொத்தமாக விட்டுவிடு!'' என்று கூறினார்கள் என இப்னு அப்பாஸ்(ரலி) அறிவித்தார்.
நூல்: புகாரீ
மற்றோர் அறிவிப்பின்படி ``அவரை மணவிலக்குச் செய்யுமாறு அவரிடம் கட்டளையிட்டார்கள்''என்ற வாசகம் உள்ளது.
குறிப்பு: குல்வு என்பது ஒரு பெண் தன் கணவனை விவாகரத்துச செய்யும் சட்டம்.

1102. மற்றோர் அறிவிப்பில், ``ஸாபித் இப்னு கைஸ் அருவருப்பான தோற்றமுடையவராய் இருந்தார். அதனால் அவரின் மனைவி, ``அல்லாஹ்வின் அச்சம் எனக்கு இல்லை என்றால், அவர் என்னுடன் உறவு கொண்டபோது அவரின் முகத்தில் நான் உமிழ்ந்திருப்பேன்'' எனக் கூறினார் என அம்ர் இப்னு ஷுஐபு தம் தந்தை மற்றும் பாட்டனார் வாயிலாக அறிவித்தார்.
நூல்: இப்னு மாஜா

1104. ``அனுமதிக்கப்பட்ட விஷயங்களிலேயே `தலாக்'தான் அல்லாஹ்வுக்கு மிகவும் கோபமூட்டக் கூடியது'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: அபூ தாவூத், இப்னு மாஜா
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார். இதனை `முர்ஸல்' என்பதே சரியானது என இமாம் அபூ ஹாதிம்(ரஹ்) குறிப்பிட்டுள்ளார்.

1106. முஸ்லிமின் மற்றோர் அறிவிப்பில், ``அவளைத் திரும்ப அழைத்துக் கொள்ளுமாறு கட்டளையிடு! பின்னர், அவள் தூய்மையாய் இருக்கும் நிலையிலோ, கர்ப்பமாய் இருக்கும் நிலையிலோ, அவளை அவர் மணவிலக்குச் செய்யட்டும்'' என உள்ளது.

1108. முஸ்லிமின் மற்றோர் அறிவிப்பில், (தம்மிடம் தலாக் குறித்து கேள்வி கேட்டவர்) ஒருவருக்கு பதிலளித்தபோது) இப்னு உமர்(ரலி), ``நீ அவளை ஒன்று அல்லது இரண்டு முறை தலாக் செய்திருந்தால் (நான் அவ்விதம் ஒருமுறை என் மனைவியை தலாக் செய்தபோது) இறைத்தூதர்(ஸல்) நான் அவளைத் திரும்ப அழைத்துக் கொண்டு, மற்றொரு மாதவிடாய்க் காலம் வரும் வரை அப்படியே அவளை வைத்திருந்து: அதிலிருந்து அவள் தூய்மையடையும் வரை காத்திருந்துவிட்டு பிறகு அவளுடன் உறவு கொள்ளும் முன்பே சொல்லிவிடு'' என்று எனக்குக் கட்டளையிட்டார்கள். (அவ்வாறே நீயும் செய்.) நீ அவளை (ஒரே சமயத்தில்) மூன்று தலாக் சொல்லிவிட்டால், உன் மனைவியை தலாக் சொல்ல உன் இறைவன் கட்டளை இட்ட வழிமுறையைக் கைவிட்டு அவனுக்கு நீ மாறு செய்தவானாய்'' எனக் கூறினார்கள்.

1110. இறைத்தூதர்(ஸல்) மற்றும் அபூ பக்ர்(ரலி) அவர்களின் ஆட்சிக் காலத்திலும், இன்னும் உமர்(ரலி) அவர்களின் ஆரம்ப ஈராண்டு ஆட்சிக் காலத்திலும் மூன்று தலாக் (சொல்வது) ஒன்றாகவே கருதப்பட்டது. பின்னர் உமர்(ரலி), ``எதில் தாமதப்படுத்துவதற்கு அவகாசம் அளிக்கப்பட்டுள்ளதோ, அதில் மக்கள் அவசரப்படுகின்றனர். எனவே, இதனை (ஒரே சமயத்தில் விடப்படும் மூன்று தலாக்கை) அவர்கள் மீது செல்லுபடியாக்கினால், அதுவே சரியானதாய் இருக்கும்'' எனக் கூறி, அதனை செல்லுபடியாக்கினார் என இப்னு அப்பாஸ்(ரலி) அறிவித்தார்.
நூல்: முஸ்லிம்
குறிப்பு: அன்றைய சூழலைக் கருத்தில் கொண்டு உமர்(ரலி) இவ்வாறு கூறியுள்ளார்கள். ஆனால், இதனை தலாக்கிற்கு நிரந்தரச் சட்டமாகக் கருத முடியாது.