121. சுமாமா இப்னு உஸால் குறித்துக் கூறுகையில், ``அவர் இஸ்லாமை ஏற்றபோது இறைத்தூதர்(ஸல்) குளிக்குமாறு அவருக்குக் கட்டளை இட்டார்கள் என அபூ ஹுரைரா(ரலி) அறிவித்தார்.
நூல்: அப்துர் ரஸ்ஸாக்
இதன் மூலம் புகாரீ மற்றும் முஸ்லிமில் உள்ளது.
குறிப்பு: இஸ் லாமை ஏற்கும் ஒவ்வொருவரும் கட்டாயம் குளித்தாக வேண்டும் என்ற சட்டம் கிடையாது. குளிப்புக் கடமையாகி இருப்பது தெரியவந்தால் கட்டாயம் குளிக்குமாறு ஏவ வேண்டும் என்பதே இதன் பொருள். ஏனெனில், இஸ் லாமை ஏற்ற எல்லோரையுமே குளிக்குமாறு நபி(ஸல்) பணித்தார்கள் என்பதற்கு எந்த ஆதாரமும் இல்லை.

123. ``வெள்ளிக்கிழமையன்று `உளூ'ச் செய்தவர் சிறப்பான காரியத்தைச் செய்தார். அன்று குளித்தவர் அதைவிட சிறப்பான காரியத்தைச் செய்தார்'' என்று இறைத்தூதர்(ஸல்) கூறினார்கள் என ஸமுரா இப்னு ஜுன்துப்(ரலி) அறிவித்தார்.
நூல்கள்: அஹ்மத், நஸயீ, அபூ தாவூத், திர்மிதீ மற்றும் இப்னு மாஜா
இமாம் திர்மிதீ(ரஹ்) இதனை `ஹஸன்' எனும் தரத்தில் அமைந்துளளது எனக் கூறியுள்ளார்.

125. ``உங்களில் ஒருவர் மனைவியிடம் சென்று (பாலுறவு கொண்டு) விட்டு, பின்னர் மீண்டும் (பாலுறவு கொள்ள) விரும்பினால் அவர் அவ்விரண்டிற்கும் இடையே `உளூ'ச் செய்து கொள்ளட்டும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: முஸ்லிம்

127. இறைத்தூதர்(ஸல்) குளிப்புக் கடமையான நிலையில் தண்ணீரை (கையால்) தொடாமலேயே (`உளூ'ச் செய்யாமலேயே) தூங்கிவிடுவார்கள் என ஆயிஷா(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா
இது மஃலூல் எனும் குறைபாடு உள்ள ஹதீஸ் ஆகும்.

129. புகாரீ, முஸ்லிமின் மற்றோர் அறிவிப்பில் மைமூனா(ரலி) வாயிலாக, ``பின்னர், அவர்கள் தம் மர்ம உறுப்பின் மீது தண்ணீர் ஊற்றி அதைத் தம் இடக் கையால் கழுவுவார்கள். பின்னர் அதனை (இடக் கையை) தரையில் தேய்த்துக் கழுவுவார்கள் என்று அறிவிக்கப்பட்டுள்ளது.

131. ``இறைத்தூதர் அவர்களே! நான் (முடி அதிகம் உள்ளவளாய் இருப்பதால்) என் தலை முடியினைக் கட்டிக் கொள்கிறேன். குளிப்புக் கடமையாகி நான் குளிக்கும்போது என் முடியை அவிழ்க்க வேண்டுமா?'' என்று நபி(ஸல்) அவர்களிடம் கேட்டதற்கு அவர்கள், ``(தேவை) இல்லை. மும்முறை உன் தலையில் தண்ணீர் ஊற்றினால் போதுமானது'' என்று கூறினார்கள் என உம்மு ஸலமா(ரலி) அறிவித்தார்.
நூல்: முஸ்லிம்
மற்றோர் அறிவிப்பின்படி, ``மாதவிடாய் குளிப்பிற்கும் என் முடியை அவிழ்க்க வேண்டுமா?'' எனக் கேட்டதற்கு, ``வேண்டாம்'' எனக் கூறி, மேற்கண்டவாறே கூறினார்கள் என உள்ளது.

133. ``நானும், நபி(ஸல்) அவர்களும் ஒரு பாத்திரத்தில் (சம நேரத்தில்) கடமையான குளிப்பை குளித்துக் கொண்டிருந்தபோது, எங்கள் இருவரின் கைகளும் மாறிமாறி (பாத்திரத்தில்) போய் வந்து கொண்டிருந்தன'' என ஆயியஷா(ரலி) அறிவித்தார்.
நூல்கள்: புகாரீ, முஸ்லிம்
``எங்கள் கைகள் ஒன்றோடொன்று சந்தித்துக் கொண்டும் இருந்தன'' எனும் வாசகம் இப்னு ஹிப்பானில் அதிகப்படியாக உள்ளது.

135. ஆயிஷா(ரலி) வாயிலாக அஹ்மதிலும் இது போன்ற ஹதீஸ் இடம் பெறுகிறது. ஆனால், அங்கு அறிவிப்பாளர் வரிசைத் தொடரில் யாரென்றே அறியப்படாத ஒருவர் இடம் பெற்றுள்ளார்.
தயம்மும்

137. ``நமக்குத் தண்ணீர் கிடைக்காத பட்சத்தில், அதன் மண் நமக்குத் தூய்மையான தாக்கப்பட்டுள்ளது'' எனும் வாசகம் ஹுதைஃபா(ரலி) வாயிலாக முஸ்லிமில் உள்ளது.

139. என்னை இறைத்தூதர்(ஸல்) ஒரு தேவையின் நிமித்தம் அனுப்பி இருந்தார்கள். அப்போது எனக்குக் குளிப்புக் கடமையாயிற்று. எனவே, கால்நடைகள் மண்ணில் படுத்துப் புரளுவது போன்று நான் மண்ணில் படுத்துப் புரண்டேன். பின்னர் நபி(ஸல்) அவர்களிடம் நான் சென்று. நடந்ததைக் கூறினேன்.
``நீ உன் கைகளை இவ்வாறு செய்திருந்தாலே போதுமானது'' எனக் கூறி, பின்னர் தம் இரண்டு கைகளையும் பூமியில் ஒரேயொருமுறை அடித்தார்கள் பின்னர் மணிக்கட்டு வரையிலான வலக்கையின் மீது இடக் கையால் துடைத்தார்கள். தம் இரண்டு ககைளின் வெளிப்பக்கத்தையும் தம் முகத்தையும் மஸஹ் செய்தார்கள் என்று அம்மார் இப்னு யாசிர்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.