128. இறைத்தூதர்(ஸல்) கடமையான குளிப்பைக் குளிக்க ஆரம்பித்தால், தம் கைகளைக் கழுவுவார்கள். பின்னர் தம் வலக் கையால் இடக் கையின் மீது தண்ணீர் ஊற்றி தம் மர்ம உறுப்பைக் கழுவுவார்கள். பின்னர் `உளூ'ச் செய்வார்கள். பின்னர் தண்ணீரை எடுத்துத் தம் கை விரல்களை (தலை) முடியின் அடிப்பகுதியில் நுழைத்து (கோதி), தம் தலை மீது தண்ணீரை மும்முறை (இரண்டு கைகளையும் கூட்டி அள்ளி) ஊற்றுவார்கள். பிறகு உடல் முழுவதும் தண்ணீரை ஊற்றுவார்கள். பின்னர் தம் இரண்டு கால்களையும் கழுவுவார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

130. புகாரீ, முஸ்லிமின் மற்றோர் அறிவிப்பில் ``தரையில் (மர்ம உறுப்பை சுத்தம் செய்தப் பின்) கையைத் துடைத்தார்கள்'' என்றும், (`உளூ'ச் செய்தப் பின்) அதன் இறுதியில் அவர்களிடம் நான் கைக்குட்டையைக் கொண்டு சென்றேன். அதனை அவர்கள் மறுத்து விட்டு, (துடைக்காமல்) தம் கையால் தண்ணீரை வழித்தார்கள்'' என்றுள்ளது.

132. ``குளிப்புக் கடமையானவர்களும், மாதவிடாய் பெண்களும், இறைஇல்லத்திற்குள் (தங்குவதை) நான் அனுமதிக்க மாட்டேன்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: அபூ தாவூத்
இமாம் இப்னு குஸைமா(ரஹ்) இதனை ஆதாரப்பூர்வமானது எனக் கூறியுள்ளார்.

134. ``நிச்சயமாக ஒவ்வொரு முடியின் அடிப்பாகமும், குளிப்புக்கடமையானதாக உள்ளது. எனவே, முடியை (நன்றாகக்) கழுவிக் கொள்ளுங்கள். இன்னும் மேனியை (உடலை) நன்றாகச் சுத்தம் செய்யுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், திர்மிதீ.
இதனைப் பதிவிட்டுள்ள இந்த இரண்டு இமாம்களும் இதனை பலவீனமானது எனக் கூறியுள்ளார்கள்.

136. ``எனக்குக் கொடுக்கப்பட்டுள்ள ஐந்து (அருட் கொடைகள்) போன்று எனக்கு முன்னர் யாருக்கும் கொடுக்கப்படவில்லை. இன்னும் பூமி முழுவதும் எனக்கு தொழுமிடமாகவும், தூய்மையானதாகவும் ஆக்கப்பட்டுள்ளது. ஒருவருக்கு தொழுகை நேரம் எங்கு வந்துவிட்டாலும், அவர் அங்கு தொழுது கொள்ளலாம்'' என்று இறைத்தூதர்(ஸல்) கூறினார்கள் என ஜாபிர்(ரலி) அறிவித்தார். (ஹதீஸ் சுருக்கம்)
நூல்கள்: அஹ்மத், பைஹகீ

138. ``(பூமியின்) மண் எனக்காகத் தூய்மையாக்கப்பட்டுள்ளது'' எனும் வாசகம் அலீ(ரலி) வாயிலாக அஹ்மதில் இடம் பெற்றுள்ளது.

140. புகாரீயின் மற்றோர் அறிவிப்பில் தம் உள்ளங்கையை பூமியில் அடித்தார்கள். இன்னும் அதில் ஊதினார்கள். பின்னர் தம் முகத்தையும், இரண்டு கைகளையும் மஸஹ் செய்தார்கள் என்றும் இடம் பெற்றுள்ளது.

142. ``பத்து ஆண்டுகளுக்குத் தண்ணீர் கிடைக்காவிட்டாலும் ஒரு முஸ்லிமிற்குத் தூய்மையான மண் (மூலம் தயம்மும் செய்வதே) `உளூ'விற்கு ஒப்பாகும். ஆனால், தண்ணீர் கிடைத்துவிட்டால், அவர் அல்லாஹ்வை அஞ்சட்டும்! அவர் தன் மேனியைத் தண்ணீரால் தீண்ட (சுத்தம்) செய்யட்டும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: பஜ்ஜார்
இப்னு கத்தான்(ரஹ்) இதனை ஆதாரப்பூர்வமான எனக் குறிப்பிட்டுள்ளார். இது `முர்ஸல்' என்பதே சரி என இமாம் தார குத்னீ(ரஹ்) குறிப்பிட்டுள்ளார்.

144. இரண்டு நபர்கள் பயணித்தார்கள்: தொழுகையின் நேரம் வந்துவிட்டது. ஆனால், அவர்களிடம் (`உளூ'விற்கான) தண்ணீர் இல்லை. எனவே, அவர்கள் தூய்மையான மண்ணில் தயம்மும் செய்தார்கள். பின்னர் தொழுதார்கள். பின்னர் அந்த (தொழுகையின்) நேரத்திற்குள் இருவருக்கும் தண்ணீர் கிடைத்தது. ஒருவர் `உளூ' (செய்து) உடன் (தன் தொழுகையை) மீண்டும் தொழுதார். மற்றவர் மீண்டும் தொழவில்லை. பின்னர் இருவரும் நபி(ஸல்) அவர்களிடம் வந்து, நடந்ததை விவரித்தனர்.
மீண்டும் தொழாதவரை நோக்கி, ``நீயே சுன்னத்தை நிலை நிறுத்திவிட்டாய்! உனக்கு உன் தொழுகை போதுமானது'' என்றும், (மீண்டும் தொழுத) மற்றவரை நோக்கி, ``உனக்கு இருமுறை நன்மை உண்டு'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.

146. என் கையின் மணிக்கட்டுப் பகுதி உடைந்திருந்தது. நபி(ஸல்) அவர்களிடம் நான் இது குறித்துக் கேட்டேன். அதன் மருந்துக் கட்டின் மீது மஸஹ் செய்யுமாறு என்னைப் பணித்தார்கள் என அலீ(ரலி) அறிவித்தார்.
இமாம் இப்னு மாஜா(ரஹ்) இதனை முற்றிலும் பலவீனமான அறிவிப்புத் தொடரில் பதிவிட்டுள்ளார்.