1288. ``எந்தப் பொருளை அதிக அளவில் அருந்தினால் அது போதை உண்டாக்குமோ அதனைக் குறைந்த அளவில் அருந்துவதும் தடைசெய்யப்பட்டதேயாகும்'' என்று இறைத்தூதர்(ஸல்) கூறினார்கள் என ஜாபிர்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா.
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1290. ``அல்லாஹ் உங்களுக்கு எவற்றைத் தடைசெய்திருக்கிறானோ அவற்றில் அவன் உங்களுக்கு நிவாரணத்தை வைக்கவில்லை'' என்று இறைத்தூதர்(ஸல்) கூறினார்கள் என உம்மு ஸலமா(ரலி) அறிவித்தார்.
நூல்: பைஹகீ
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1292. ``அல்லாஹ் கடமையாக்கியுள்ள தண்டனைகள் எதிலும் பத்து கசையடிக்கு மேல் அடிக்க வேண்டாம்'' என்று இறைத்தூதர்(ஸல்) கூற அனஸ் (ரலி) செவியுற்றதாக அபூ புர்தா அல் அன்ஸாரீ(ரலி) அறிவித்தார்.
நூல்கள்: புகாரீ, முஸ்லிம்

1295. ``தன் சொத்தை (அநியாயமாகப் பிடுங்கிக் கொள்ள ஒருவர் முனையும்போது அதை) பாதுகாத்துக் கொள்வதற்காகப் போராடிக் கொண்டிருக்கும் நிலையில் ஒருவர் கொல்லப்பட்டால், அவர் உயிர்த்தியாகி ஆவார்'' என்று இறைத்தூதர்(ஸல்) கூறினார்கள் என ஸயீத் இப்னு ஸைத்(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா.
இமாம் திர்மிதீ(ரஹ்) இதனை ஆதாரப்பூர்வமான அறிவிப்பாளர் தொடரில் பதிவிட்டுள்ளார்.

1297. ஃகாலித் இப்னு உர்ஃபுதா வாயிலாக அஹ்மதில் மேற்கண்ட ஹதீஸ் போன்று உள்ளது.

1299. ``நீங்கள் உங்கள் பொருட்கள், உங்கள் உயிர்கள் மற்றும் உங்கள் நாவுகள் மூலம் இணைவைப்பாளர்களுடன் அறப்போரிடுங்கள்'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்கள்: அஹ்மத், நஸயீ
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1301. ஒருவர் இறைத்தூதர் அவர்களிடம் வந்து ஜிஹாதில் (கலந்து கொள்ள) அனுமதி கோரினார்.
``உன் பெற்றோர் உயிருடன் உள்ளனரா?'' என இறைத்தூதர்(ஸல்) வினவினார்கள்.
``ஆமாம்'' என அவர் கூறினார்.
``நீ அவர்களுக்கு உறுதுணையாய் இருந்து நீர் ஜிஹாத் செய்வீராக!'' என்று இறைத்தூதர்(ஸல்) அவரிடம் கூறினார்கள் என அப்துல்லாஹ் இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்
குறிப்பு: பெற்றோருக்கு உறுதுணையாக இருந்து, அவர்களை முதிய வயதில் நல்ல விதமாகப் பராமரித்து, பணிவிடை செய்து அவர்களின் நலனுக்காக உழைப்பதும் ஜிஹாத் எனும் அறப்போரின் ஓர் அம்சமாகும்.

1303. ``இணைவைப்பாளர்களுக்கு மத்தியில் வசிக்கும் ஒவ்வொரு முஸ்லிமை விட்டும் நான் விலகிக் கொள்கிறேன்'' என்று இறைத்தூதர்(ஸல்) கூறினார்கள என ஜரீர்(ரலி) அறிவித்தார்.
நூல்கள்: அபூ தாவூத், நஸயீ மற்றும் திர்மிதீ
இது `ஸஹீஹ்' எனும் தரத்தில் பதிவிடப்பட்டுள்ளது.
இது `முர்ஸல்' என்பதே சரி என இமாம் புகாரீ(ரஹ்) குறிப்பிட்டுள்ளார்.

1305. ``அல்லாஹ்வின் வாக்கை உயர்த்துவதற்காகப் போரிடுபவர், இறைவழியில் உள்ளவராவார்'' என்று இறைத்தூதர்(ஸல்) கூறினார்கள் என அபூ மூஸா அல் அஷ்அரி(ரலி) அறிவித்தார்.
நூல்கள்: புகாரீ, முஸ்லிம்

1307. இறைத்தூதர்(ஸல்) பனூ முஸ்தலிக் கூட்டத்தார் மீது (தீடீரெனப்) படை எடுத்தார்கள். அப்போது, அவர்கள் அசட்டையாய் இருந்தார்கள். அவர்களில் போரிடக் கூடியவர்களைக் கொன்று, பெண்கள் மற்றும் குழந்தைகள் பிடித்துக் கொள்ளப்பட்டார்கள். இதனை எனக்கு அப்துல்லாஹ் இப்னு உமர்(ரலி) கூறினார் என நாஃபிவு அறிவித்தார்.
நூல்கள்: புகாரீ, முஸ்லிம்
மற்றோர் அறிவிப்பில், பனூ முஸ் தலிக் போரின்போதுதான் கைதியாக ஜுவைரியா(ரலி) கிடைத்தார் என உள்ளது.