1377. (கூர்மையற்ற கல் போன்றவற்றை) எறிந்து வேட்டையாடுவதை இறைத்தூதர்(ஸல்) தடுத்தார்கள். இன்னும் ``அது எப்பிராணியையும் வேட்டையாடவும் செய்யாது; எதிரிக்குத் தண்டனையையும் கொடுக்காது. ஆனால், அது பல்லை உடைக்கும்; கண்ணைத் தோண்டி எடுத்துவிடும்'' என்று இறைத்தூதர்(ஸல்) கூறினார்கள் என அப்துல்லாஹ் இப்னு முகஃப்பல்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

1379. பெண்ணொருத்தி ஆடு ஒன்றைக் கல்லால் அறுத்துவிட்டாள். அது குறித்து இறைத்தூதர்(ஸல்) அவர்களிடம் (சட்டம்) கேட்கப்பட்டதற்கு, அதனை உண்ணுமாறு கட்டளையிட்டார்கள் என கஅப் இப்னு மாலிக்(ரலி) அறிவித்தார்.
நூல்: புகாரீ

1381. ``கால்நடைககைளைக் கட்டி வைத்து அதன் மீது ஏதாவது ஒன்றை எறிந்து கொல்வதை இறைத்தூதர்(ஸல்) தடைசெய்தார்கள்'' என ஜாபிர் இப்னு அப்தில்லாஹ்(ரலி) அறிவித்தார்.
நூல்: முஸ்லிம்

1383. ``(சினையாக உள்ள) தாய்ப்பிராணியை அறுத்தாலே வயிற்றிலுள்ள குட்டியையும் அறுத்தாய் ஆகிவிடும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: அஹ்மத்
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1385. இன்னும், இது `ஸஹீஹ்' எனும் தரத்திலும் `மவ்கூஃப்' எனும் தரத்திலும் இப்னு அப்பாஸ் வாயிலாக அப்துர் ரஸ்ஸாக்கில் பதவிடப்பட்டுள்ளது.

1387. இறைத்தூதர்(ஸல்) கொம்புகள் உடைய இரண்டு செம்மறியாட்டுக் கிடாய்களை அவற்றின் கழுத்தின் மீது தன் காலை வைத்து அல்லாஹ்வின் பெயர் சொல்லி, தக்பீர் கூறி; அறுத்து குர்பானீ கொடுப்பார்கள்'' என அனஸ் இப்னு மாலிக்(ரலி) அறிவிப்பில் தம் கையால் அவற்றை அறுப்பார்கள்'' என உள்ளது.
மற்றோர் அறிவிப்பில், ``கொழுத்த இரண்டு ஆடுகளை'' என உள்ளது. அபூ அவானாவின் ஸஹீஹில், ``விலை உயர்ந்த இரண்டு ஆடுகள்'' என உள்ளது. முஸ்லிமின் மற்றோர் அறிவிப்பில் ``பிஸ்மில்லாஹி அல்லாஹு அக்பர்'' என்று கூறுவார்கள் என உள்ளது.

1389. ``வசதி இருந்தும் குர்பானீ கொடுக்காதவர் நம் தொழும் இடத்திற்கு வரவேண்டாம்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், இப்னு மாஜா
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார். மற்ற இமாம்கள் இதனை `மவ்கூஃப்' தரம் பெற்றுள்ளதாகக் கூறியுள்ளனர்.

1391. இறைத்தூதர்(ஸல்) எங்களிடையே எழுந்துநின்று, 1. நான்கு தெரியும் படியாக கண் பொட்டையான பிராணி 2. வெளிப்படையாகத் தெரியும்படியாக நோயுற்று இருக்கும் பிராணி 3. ஊனம் வெளிப்படையாகத் தெரியும் அளவிற்குள்ள நொண்டியான பிராணி 4. எலும்பு மஜ்ஜை பலவீனமான வயது முதிர்ந்த பிராணி ஆகிய நான்கு பிராணிகளை குர்பானிக்காக அறுப்பது கூடாது என்று கூறினார்கள் என பராவு இப்னு ஆஸிப்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இமாம் திர்மிதி மற்றும் இமாம் இப்னு ஹிப்பான் (ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1393. ``கூர்ந்து கவனித்து கண்ணிலும் காதிலும் குறை இல்லாத பிராணியையே குர்பானீ கொடுக்கத் தேர்ந்தெடுக்க வேண்டும் என்றும், காதின் ஓரம் கிழிக்கப்பட்டு தொங்கிக் கொண்டிருக்கிற பிராணியையும், பின் காது கிழிக்கப்பட்டுத் தொங்கிக் கொண்டிருக்கும் பிராணியையும், காதுகள் இரண்டும் கிழிக்கப்பட்டுப் பிளந்திருக்கிற பிராணியையும், முன்பற்கள் விழுந்துள்ள பிராணியையும் குர்பானீ கொடுக்கக் கூடாது என்றும் எங்களுக்கு இறைத்தூதர்(ஸல்) கட்டளையிட்டார்கள்'' என அலீ(ரலி) அறிவித்தார்.
நூல்கள்: அஹ்மத், திர்மிதீ, நஸயீ இப்னு மாஜா மற்றும் அபூ தாவூத்
இமாம் திர்மிதீ, இமாம் இப்னு ஹிப்பான் மற்றும் இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

1395. நாங்கள் நபி(ஸல்) அவர்களுடன் ஹுதைபிய்யா ஆண்டில், ஒட்டகம் மற்றும் மாட்டை ஏழு நபர்கள் சார்பாக குர்பானீ கொடுத்தோம் என ஜாபிர் இப்னு அப்தில்லாஹ்(ரலி) அறிவித்தார்.
நூல்: முஸ்லிம்