1398. ``ஆண் குழந்தைக்கு இரண்டு ஆடுகளுக்கு, பெண் குழந்தைக்கு ஓர் ஆடும் அகீகா கொடுக்குமாறு இறைத்தூதர்(ஸல்) தம் தோழர்களுக்குக் கட்டளையிட்டாகள் என ஆயிஷா(ரலி) அறிவித்தார்.
நூல்: திர்மிதீ
இமாம் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1400. ``ஒவ்வொரு குழந்தையும் அதன் ஆகீகாவுக்குப் பிணையாக வைக்கப்பட்டுள்ளது. அதன் சார்பாக அது பிறந்த ஏழாவது நாளில் (ஆடு) அறுக்கப்பட வேண்டும். அதன் (குழந்தைiயின்) தலையை மழித்து அதற்குப் பெயர் சூட்ட வேண்டும்'' என்று இறைத்தூதர்(ஸல்) கூறினார்கள் என சமுரா(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னுமாஜா.
இமாம் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்..

1402. ``உங்கள் தந்தையர் மீதும், தாய்மார்கள் மீதும் இணைவைத்து வணங்கப்படும் பொய்க் கடவுள்கள் மீதும் சத்தியம் செய்யாதீர்கள். நீங்கள் உண்மையாளராய் இருந்தாலே தவிர, அல்லாஹ்வின் மீது சத்தியம் செய்யாதீர்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், நஸயீ

1404. மற்றோர் அறிவிப்பில், ``சத்தியத்தைக் கேட்டு வாங்கியவரின் (நீதிபதியின்) நோக்கத்தின் அடிப்படையிலேயே அந்த சத்தியத்திற்குப் பொருள் கொள்ளப்படும்'' என உள்ளது.
நூல்: முஸ்லிம்

1406. ``அல்லாஹ்வின் மீது சத்தியம் செய்து, அல்லாஹ் நாடினால் என்பதையும் கூறியவர் (அவர் அதை மீறிவிட்டால்) அதற்காகப் பரிகாரம் செய்யத் தேவை இல்லை'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

1408. நபி(ஸல்) அவர்களிடம் ஒரு கிராமவாசி வந்து, ``இறைத்தூதர் அவர்களே! பெரும் பாவங்கள் எவை?'' எனக் கேட்டார். (அறிவிப்பாளர் முழு ஹதீஸையும் கூறினார்) அதில், `பொய் சத்தியம் (பெரும் பாவங்களில் ஒன்று)'' என்றும் உள்ளது.
``இறைத்தூதர் அவர்களே! பொய் சத்தியம் என்றால் என்ன?'' என நான் வினவினேன்.
``ஒரு முஸ்லிமின் செல்வத்தைப் பொய் சொல்லியபடி சத்தியமிட்டுப் பறித்துக் கொள்கிறானே, அந்த மோசடியான சத்தியம்தான் அது'' எனக் கூறினார்கள் என்றும் அதில் உள்ளது. இதனை அப்துல்லாஹ் இப்னு அம்ர்(ரலி) அறிவித்தார்.
நூல்: புகாரீ

1410. ``அல்லாஹ்வுக்கு மொத்தம் 99 பெயர்கள் உள்ளன. அவற்றை மனனம் செய்தவர் சுவர்க்கம் புகுவார்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
திர்மிதீ மற்றும் இப்னு ஹிப்பானில் அந்த 99 பெயர்களும் குறிப்பிடப்பட்டுள்ளன. ஆனால், சில அறிவிப்பாளர்கள், அவற்றைச் சேர்த்துள்ளனர் என்பதே சரியான கருத்தாகும்.

1412. இறைத்தூதர்(ஸல்) நேர்ச்சை செய்வதைத் தடுத்து, ``அதன் மூலம் கஞ்சனிடமிருந்து (ஏழை எளியவர்களுக்காக) சிறிது பொருளை வெளியே கொண்டு வரலாம் என்பதைத் தவிர, வேறு எந்த நன்மையையும் அது தராது'' என்று கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்

1414. `இது அல்லாஹ்வுக்காகச் செய்யும் நேர்ச்சை எனக் குறிப்பிடாமல் நேர்ச்சை செய்பவன் அதை முறிக்க விரும்பினால், அதற்குரிய பரிகாரம் சத்தியத்திற்குரிய பரிகாரமேயாகும். மேலும், ஒருவர் பாவமான காரியங்களில் நேர்ச்சை செய்தால் அதற்குரிய பரிகாரமும் சத்தியத்திற்குரிய பரிகாரமேயாகும். மேலும், தன்னால் இயலாதவற்றில் நேர்ச்சை செய்பவர் (அதை முறிக்கும்போது) அதற்குரிய பரிகாரமும் சத்தியத்திற்குரிய பரிகாரமேயாகும்'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) வாயிலாக அபூ தாவூதில் ஆதாரப்பூர்வமான அறிவிப்பாளர் தொடரில் பதிவிடப்பட்டுள்ளது.
நூல்கள்: அஹ்மத், அபூதாவூத், நஸயீ இப்னு மாஜா மற்றும் திர்மிதீ
இதில் மவ்கூஃப் எனும் தரம் மேலோங்கியுள்ளது என ஹதீஸ் கலை வல்லுனர்கள் கூறியுள்ளனர்.

1416. ``பாவகாரியத்தில் செய்யப்பட்ட நேர்ச்சையை நிறைவேற்றக் கூடாது என இம்ரான்(ரலி) வாயிலாக முஸ்லிமில் உள்ளது.