1525. ``அநீதி மறுமை நாளில் (அதைச் செய்பவருக்கு, அது அடுக்கடுக்கான) பல இருள்களாக வந்து நிற்கும்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்

1527. ``உங்களைக் குறித்து நான் மிகவும் அஞ்சுவதெல்லாம், நீங்கள் சிறிய இணைவைப்பில் ஈடுபட்டு விடுவீர்கள் என்பதுதான். பிறருக்குக் காட்டிக் கொள்வதறக்காக வணக்கத்திலும், நற்செயல்களிலும் ஈடுபடுவதே சிறிய இணைவைப்பாகும்'' என்று இறைத்தூதர்(ஸல்) கூறினார்கள் என மஹ்மூத் இப்னு லபீத்(ரலி) அறிவித்தார்.
இது அஹ்மதில் `ஹஸன்' எனும் தரத்தில் பதிவிடப்பட்டுள்ளது.

1529. ``அவன் சண்டையிட்டால் தீய வார்த்தைகளால் திட்டுவான்'' என அப்துல்லாஹ் இப்னு உமர்(ரலி) வாயிலாக புகாரீ மற்றும் முஸ்லிமில் உள்ளது.

1531. ``சந்தேகப்பட வேண்டாம் என உங்களை நான் எச்சரிக்கின்றேன். ஏனெனில், செய்திகளில் மிகவும் பொய்யானது சந்தேகமேயாகும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

1533. ``என் இரட்சகனே! ஒரு வேலைக்குப் பொறுப்பாளராக நியமிக்கப்பட்டவர் (தன் பொறுப்பில் கவனமற்று) அதில் துன்பத்தை ஏற்படுத்தினால், அவர் மீது நீ துனத்தை ஏற்படுத்துவாயாக!'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: முஸ்லிம்

1535. இறைத்தூதர்(ஸல்) அவர்களிடம் ஒருவர் வந்து, ``இறைத்தூதர் அவர்களே! எனக்கு உபதேசம் செய்யுங்கள்'' எனக் கூறனார்.
``கோபம் கொள்ளாதே! என அவர்கள் கூறினார்கள்.
அவர் மறுபடியும் அவர் (அவ்வாறே) கேட்டார்.
``கோபம் கொள்ளாதே!'' என்றே இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: புகாரீ

1537. அல்லாஹ்விடமிருந்து அறிவிப்பவற்றில் (ஹதீஸ் குதுஸியில்) இறைத்தூதர்(ஸல்) கூறினார்கள். ``என் அடியார்களே! அநீதியை எனக்கு நானே விலக்கிக் கொண்டேன். இன்னும், உங்களுக்கிடையேயும் அதனை விலக்கிவிட்டேன். எனவே, நீங்கள் உங்களுக்கு இடையேயும் ஒருவருக்கொருவர் அநீதி இழைக்காதீர்கள்'' என்று அல்லாஹ் கூறுகிறான் என அபூ தர்(ரலி) அறிவித்தார்.
நூல்: முஸ்லிம்

1539. ``ஒருவருக்கொருவர் பொறாமை கொள்ளாதீர்கள்! நீங்கள் பொருளை வாங்கும் எண்ணமில்லாமல் பிறரை வாங்கச் செய்வதற்காக விலையை உயர்த்திவிடாதீர்கள்! ஒருவருக்கொருவர் பகைமை கொள்ளாதீர்கள்! ஒருவருக்கொருவர் முகம் திருப்பிக் கொள்ளாதீர்கள்! இன்னும், ஒருவரின் வியாபாரத்தில் மற்றவர் (இடையே புகுந்து) வியாபாரம் செய்யாதீர்கள்! நீங்கள் அல்லாஹ்வின் அடியார்களாகவும் (உங்களுக்குள்) சகோதரர்களாகவும் இருங்கள்! ஒரு முஸ்லிம் மற்றொரு முஸ்லிமிற்கு சகோதரனாய் இருக்கிறான்; அவன், அவனுக்கு அநீதி இழைக்க மாட்டான். அவன் அவனை ஏமாற்ற மாட்டான் அவன் அவனை இழிவுபடுத்தவும் மாட்டான்'' இறையச்சம் இங்கே இருக்கிறது என (கூறி) தம் நெஞ்சை மும்முறை சுட்டிக் காண்பித்து, ``மனிதன் தன் சகோதரனை இழிவாகக் கருதுவதே பெரும் தீங்கிற்குப் போதுமானதாகும்.
முஸ்லிமின் இரத்தமும், அவனுடைய சொத்தும், மேலும் அவனுடைய தன்மானமும் மற்றொரு முஸ்லிம் மீது ஹராம் (விலக்கப்பட்டது) ஆகும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

1541. ``உன் முஸ்லிம் சகோதரனுடன் சண்டையிடாதே! அவனைக் கேலி செய்யாதே! அவனிடம் உன்னால் நிறைவேற்ற முடியாத வாக்குறுதியை அளிக்காதே!'' என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
பலவீனமான அறிவிப்புத் தொடருடன் இது திர்மிதீயில் பதிவிடப்பட்டுள்ளது.

1543. ``இருவர் ஒருவருக்கொருவர் ஏசிக் கொண்டால் அதன் பாவம் (ஏச) ஆரம்பித்தவரைச் சாரும். இது எதுவரை எனில், அநீதி இழைக்கப்பட்டவர் வரம்பு மீறாதவரை'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்