1546. ``இறைநம்பிக்கையாளன் குத்திப் பேசுபவனாகவும், அடிக்கடி சாபமிடுபவனாகவும் இருக்கமாட்டான்; மானங்கெட்ட செயல்புரிபவனாகவும், (சண்டையில்) தீய வார்த்தைகள் பேசுபவனாகவும் இருக்கமாட்டான்'' என்று இறைத்தூதர்(ஸல்) கூறினார்கள் என அபூ தர்தா(ரலி) அறிவித்தார்.
நூல்: ஹாகிம்
இமாம் ஹாகிம்(ரஹ்) இதனை ஆதாரப்பூர்வமானது என்றும், இமாம் தாரகுத்னீ(ரஹ்) இதனை `மவ்கூஃப்' என்றும் குறிப்பிட்டுள்ளார்கள்.

1548. ``புறம் பேசுபவன் சுவர்க்கம் புகமாட்டான்'' என்று இறைத்தூதர்(ஸல்) கூறினார்கள் என ஹுதைஃபா(ரலி) அறிவித்தார்.
நூல்கள்: புகாரீ, முஸ்லிம்

1550. மேற்கண்ட 1549 வது ஹதீஸிற்குச் சான்றாக இப்னு அபித் துன்யாவில் இப்னு உமர்(ரலி) வாயிலாக ஹதீஸ் உள்ளது.

1552. ஒரு கூட்டம் வெறுக்கக் கூடிய நிலையில், அவர்களின் பேச்சைக் கேட்பதற்கு முயல்பவரின் காதில் மறுமை நாளில் (காய்ச்சிய) ஈயம் ஊற்றப்படும் என்று இறைத்தூதர்(ஸல்) கூறினார்கள் என இப்னு அப்பாஸ்(ரலி) அறிவித்தார்.
நூல்: புகாரீ

1554. ``தன்னைத்தானே பெரியவன் என எண்ணிக்கொண்டும், பெருமையாக பூமியில் நடந்து கொண்டும் இருப்பவன் (மறுமையில்) அவன் மீது கோபமாய் இருக்கும் நிலையில் அல்லாஹ்வைக் சந்திப்பான்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: ஹாகிம்
இதன் அறிவிப்பாளர் தொடரில் இடம் பெற்றுள்ளவர்கள் பலமானவர்கள்.

1556. ``துர்க்குறி என்பது தீயகுணமேயாகும்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்: அஹ்மத்
இது பலவீனமான அறிவிப்பாகும்.

1558. ``தன் முஸ்லிம் சகோதரன் செய்த ஒரு பாவத்திற்காகக் குறை கூறிப்பழிப்பவன் அந்தப் பாவத்தை, தானும் செய்யாதவரை மரணிக்க மாட்டான் என்று இறைத்தூதர்(ஸல்) கூறினார்கள் என முஆத் இப்னு ஜபல்(ரலி) அறிவித்தார்.
நூல்: திர்மிதீ
இமாம் திர்மிதீ(ரஹ்) இதனை ஹஸன் எனக் குறிப்பிட்டுள்ளார். ஆனால், இதன் அறிவிப்பாளர் தொடர் துண்டிக்கப்பட்டதாகும்.

1560. ``நீ யாரைப் பற்றியாவது புறம் பேசினால் அதற்குப் பரிகாரம் அவரிடம் மன்னிப்புக் கேட்பதாகும்'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்: ஹாரிஸ் இப்னு அபீ உஸாமா
இதன் அறிவிப்பாளர் தொடர் பலவீனமானது.

1562. உண்மையில் நிலைத்திருங்கள். ஏனெனில், உண்மை நன்மையில் கொண்டு செல்கிறது. நன்மை, சுவர்க்கத்திற்குக் கொண்டு செல்கிறது. மனிதன் எப்போதும் உண்மையையே பேசிக்கொண்டு உண்மையைத் தேடிக் கொண்டே இருந்தால், அல்லாஹ் அவனை உண்மையாளர்களில் ஒருவனாக எழுதுகிறான்.
பொய் பேசுதல் குறித்து உங்களை நான் எச்சரிக்கிறேன். ஏனெனில், பொய் தீயவழியில் கொண்டு செல்கிறது. மேலும், தீயவழி நரகத்திற்குக் கொண்டு செல்கிறது. மனிதன் எப்போதும் பொய்யே பேசிக்கொண்டு பொய்யின் தேட்டத்திலேயே இருந்தால், அவனைப் பொய்யர்களில் ஒருவனாக எழுதுகிறான்'' என்று இறைத்தூதர்(ஸல்) கூறினார்கள் என இப்னு மஸ்வூத்(ரலி) அறிவித்தார்.
நூல்கள்: புகாரீ, முஸ்லிம்

1564. ``பாதைகளில் அமர்வது குறித்து உங்களை நான் எச்சரிக்கிறேன்'' என இறைத்தூதர்(ஸல்) கூறினார்கள்.
``இறைத்தூதர் அவர்களே! நாங்கள் பேசிக் கொள்வதற்கு எங்களுக்கு சபைகள் தேவைப்படுகின்றனவே'' என மக்கள் கூறினார்கள்.
``நீங்கள் பேசித்தான் ஆக வேண்டும் என்றால், பாதைக்கு அதன் உரிமையைக் கொடுத்துவிடுங்கள்'' என இறைத்தூதர்(ஸல்) கூறினார்கள்.
``அதன் உரிமைகள் யாவை?'' என வினவினர்
``(அந்நியப் பெண்களைக் கூர்ந்து பார்ககாமல்) பார்வையைத் தாழ்த்திக் கொள்வதும், பிறருக்குத் துன்பம் விளைவிக்காமல் இருப்பதும், ஸலாமுக்கு பதிலுரைப்பதும், நன்மை புரியும்படிக் கட்டளையிட்டு, தீமையிலிருந்து தடுப்பதும்தாம் அவை'' என பதிலளித்தார்கள்.
நூல்: புகாரீ, முஸ்லிம்