218. `பாங்கிற்கும், `இகாமத்'திற்கும் இடைப்பட்ட நேரத்தில் துஆ (கேட்டால்) அது நிராகரிக்கப்படுவதில்லை'' என்று இறைத்தூதர்(ஸல்) கூறினார்கள் என அனஸ் இப்னு மாலிக்(ரலி) அறிவித்தார்.
நூல்: நஸயீ
இமாம் இப்னு குஸைமா(ரஹ்) இதனை ஆதாரப்பூர்வமான ஹதீஸ் எனக் குறிப்பிட்டுள்ளார்.

220. ``உங்களில் ஒருவருக்குத் தொழுகையில் காற்று பிரிந்தால் அவர் தொழுகையை விட்டுவிட்டு, `உளூ'ச் செய்து, பின்னர், தொழுகையை திரும்ப தொழட்டும் என்று இறைத்தூதர்(ஸல்) கூறினார்கள் என அலீ இப்னு தல்க்(ரலி) அறிவித்தார்.
நூல்கள்: அஹ்மத், நஸயீ, இப்னு மாஜா, திர்மிதீ மற்றும் அபூ தாவூத்
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

222. ஆடை விசாலமாய் இருப்பின், தொழும்போது அந்த ஆடையால் (உடல் முழுவதையும்) போர்த்திக் கொள்ளுமாறு தம்மிடம் இறைத்தூதர்(ஸல்) கூறினார்கள் என ஜாபிர்(ரலி) அறிவித்தார்.
நூல்கள்: புகாரீ, முஸ்லிம்
அதன் இரண்டு ஓரங்களையும் ஒன்றுக் கொன்று குறுக்காக (தோளில்) போட்டுக் கொள். அது சிறியதாய் இருந்தால் அதைக் கீழ் அங்கியாக அணிந்து கொள்'' என்று இறைத்தூதர்(ஸல்) கூறினார்கள் என முஸ்லிமில் அதிகப்படியாக உள்ளது.

224. ``கீழாடை (தனியாக) இல்லாமல், தலைக் கழுத்தை மறைக்கும் முழு நீளமான ஒரே அங்கியுடனும், முகத்திரையுடனும் ஒரு பெண் தொழலாமா?'' என நான் வினவினேன்.
``ஆடை கீழே வரை நீண்டு பாதங்களை மறைத்துக் கொண்டால் (தொழலாம்)'' என்று இறைத்தூதர்(ஸல்) கூறினார்கள் என உம்மு ஸலமா(ரலி) அறிவித்தார்.
நூல்: அபூ தாவூத்
இது `மவ்கூஃப்' எனும் தரத்தில் அமைந்துள்ள உம்மு ஸலமா(ரலி) அவர்களின் கருத்தாகும் என அறிஞர்கள் கூறியுள்ளனர்.

226. ``கிழக்கிற்கும், மேற்கிற்கும் இடையில் கிப்லா உள்ளது'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: திர்மிதீ
``இது வலுவான ஹதீஸ்'' என இமாம் புகாரீ(ரஹ்) குறிப்பிட்டுள்ளார்.

228. இறைத்தூதர்(ஸல்) பயணத்திலிருக்கும்போது நஃபில் தொழ நாடினால் தம்முடைய ஒட்டகத்தை கிப்லா திசையை நோக்கித் திருப்பி, தக்பீர் கூறுவார்கள். பின்னர் ஒட்டகம் எத்திசை நோக்கிச் செல்கிறாதோ, அதே திசையில் தொழுவார்கள் என அனஸ்(ரலி) அறிவித்தார்.
நூல்: அபூ தாவூத்
இது `ஹஸன்' எனும் தரத்தில் பதிவிடப்பட்டுள்ளது.
குறிப்பு: வாகனம் செல்லும் திசையை நோக்கி உபரித் தொழுகைகளைத் தொழலாம் என்பதையும், கடமையான தொழுகைகளை வாகனத்திலிருந்து இறங்கித்தான் தொழவேண்டும் என்பதையும் 227 மற்றும் 228 ஹதீஸ் கள் தெளிவுபடுத்துகின்றன. வாகனம் நம் கட்டுப்பாட்டில் இருக்கும்போது மட்டுமே இச்சட்டம் பொருந்தும். வாகனம் நம் கட்டுப்பாட்டில் இல்லாதபோது, அதாவது பேருந்து, இரயில், வானவூர்தி போன்ற நம் கட்டுப்பாட்டில் இல்லாத வாகனங்களில் பயணிக்கும்போது, தொழுகையின் நேரம் தவறிவிடும் என அஞ்சினால் வாகனம் எத்திசையை நோக்கிச் சென்றாலும் அத்திசையை நோக்கியே கடமையான தொழுகைகளையும் தொழுது கொள்ளலாம் என்பதை அறிக!

230. 1. குப்பைக் கிடங்கு 2. பிராணிகளை அறுக்கும் இடம் 3. அடக்கத்தலம் 4. பொதுவழி 5. குளியலறை 6. ஒட்டகம் கட்டுமிடம் 7. கஅபத்துல்லாஹ்வின் மேற்பகுதி ஆகிய ஏழு இடங்களில் தொழ வேண்டாம் என்று இறைத்தூதர்(ஸல்) தடை செய்துள்ளார்கள் என இப்னு உமர்(ரலி) அறிவித்தார்.
நூல்: திர்மிதீ
இமாம் திர்மிதீ(ரஹ்) இதனை பலவீனமானது எனக் குறிப்பிட்டுள்ளார்.

232. ``உங்களில் ஒருவர் காலணிகளுடன் இறைஇல்லத்திற்கு வந்து, அவற்றில் ஏதேனும் அசுத்தத்தைக் கண்டால், அதனைத் தூய்மைப்படுத்திக் கொண்டு அவற்றுடன் தொழட்டும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: அபூ தாவூத்
இமாம் இப்னு குஸைமா(ரஹ்) இதனை பலவீனமான ஹதீஸ் எனக் குறிப்பிட்டுள்ளார்.

234. ``தொழுகையில் தஸ்பீஹ் (சுப்ஹானல்லாஹ்) கூறுதல், அல்லாஹ் அக்பர் என்று கூறுதல், குர்ஆன் ஓதுதல் ஆகியவற்றைத் தவிர்த்து வேறு எதுவும்ம் மக்கள் பேசுவது சரியல்ல'' என்று இறைத்தூதர்(ஸல்) கூறினார்கள் என முஆவியா இப்னு ஹகம்(ரலி) அறிவித்தார்.
நூல்: முஸ்லிம்

236. ``(தொழுகையில் இமாமுக்கு மறதி ஏற்படும் போது) ஆண்கள், ``சுப்ஹானல்லாஹ்'' எனக் கூறவேண்டும், பெண்கள் கையைத் தட்ட வேண்டும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
முஸ்லிமில் தொழுகையில் என்பது அதிகப்படியாக உள்ளது.