235. நபி(ஸல்) அவர்களின் காலத்தில் நாங்கள் தொழுகையில் பேசிக் கொண்டிருந்தோம். நாங்கள் எங்கள் தேவையைக் குறித்து ஒருவருடன் ஒருவர் பேசிக் கொள்வோம். அப்போது தொழுகைகளைப் பேணிக் கொள்ளுங்கள்; நடுத் தொழுகையையும் பேணுங்கள். மேலும், அல்லாஹ்வின் முன்பு (முற்றிலும்) கீழ்ப்படிந்தவர்களாக நில்லுங்கள். (2:237) என்னும் இறைவசனம் அருளப்பட்டு, தொழுகையில் மௌனமாக இருக்கும்படி எங்களுக்கு உத்தரவிடப்பட்டது. தொழுகையில் பேச வேண்டாம். என எங்களுக்கு (நபி(ஸல்) அவர்களால்) தடைவிதிக்கப்பட்டது என ஜைத் இப்னு அர்கம்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

237. தொழுகையில் நபி(ஸல்) அவர்களின் நெஞ்சில் அழுகையிலினால் சட்டி கொதிக்கும்போது ஏற்படுவது போன்ற சத்தம் ஏற்படுவதை நான் பார்த்துள்ளேன் என அப்துல்லாஹ் பின் ஷிக்கீர் தன் தந்தை வழியாக அறிவித்தார்.
நூல்கள்: அஹ்மத், அபூ தாவூத், நஸயீ மற்றும் திர்மிதீ.
இமாம் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
குறிப்பு: நரகத்தின் கொடுமைகள் குறித்த வசனங்களை குர்ஆனிலிருந்து ஓதும்போது அழுகை வந்தால் தொழுகைக்கு எவ்விதத் தீங்கும் இல்லை என்பதை இதன் மூலம் அறியமுடிகிறது.

239. ``இறைத்தூதர்(ஸல்) தொழுது கொண்டிருக்கும் நிலையில், அவர்களுக்கு ஸலாம் சொல்லப்பட்டால் அவர்கள் எவ்வாறு பதில் கொடுப்பார்கள்?'' என பிலால்(ரலி) அவர்களிடம் நான் வினவினேன்.
அவர் தம் கையை நீட்டி, ``இவ்வாறு செய்வார்கள்'' என்று கூறினார் என இப்னு உமர்(ரலி) அறிவித்தார்.
நூல்: அபூ தாவூத்
இது திர்மிதீயில் ஆதாரப்பூர்வமான எனப் பதிவிடப்பட்டுள்ளது.

241. ``தொழுகையில் பாம்பு மற்றும் தேள் ஆகிய இரண்டு கரும் ஊர்வினங்களைக் கண்டால் அவற்றைக் கொன்றுவிடுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்
நூல்கள்: அபூ தாவூத் திர்மிதீ, நஸயீ மற்றும் இப்னுமாஜா.
இமாம் இப்னு ஹிப்பான் இதனை ஆதாரப்பூர்வமானது எனக் குறிப்பிட்டுள்ளார்.
உயிருக்கு ஆபத்து ஏற்படுத்தக்கூடியவற்றைத் தொழுது கொண்டிருந்தாலும் அப்போதைக்கு தொழுகையை நிறுத்திவிட்டுத் அதைத் தடுக்க வேண்டும்.

243. தொழுகைக்கு வைக்கும் தடுப்பு (சுத்ராவைப்) பற்றி தபூக் போரின்போது நபி(ஸல்) அவர்களிடம் வினவப்பட்டது.
``(ஒட்டக) வாகனத்தின் பிற்பகுதியிலுள்ள குச்சியின் அளவு'' என்று கூறினார்கள் என ஆயிஷா(ரலி) அறிவித்தார்.
நூல்: முஸ்லிம்

245. ``ஓர் ஒட்டக சேணத்தின் பின்னாலுள்ள குச்சியளவு கூட தொழுகைக்கான தடுப்பு இல்லையெனில், பெண், கழுதை, கருப்பு நாய் ஆகியவை ஒரு முஸ்லிமின் தொழுகையை முறித்து விடும்'' என்று இறைத்தூதர்(ஸல்) கூறினார்கள் என அபூ தர் அல் கிஃபாரி(ரலி) அறிவித்தார்.
கருப்பு நாய் என்பது ஷைத்தானாகும் என்றும் (ஒர் அறிவிப்பில்) உள்ளது.
நூல்: முஸ்லிம்

247. கடைசி வார்த்தையைத் தவிர்த்து வெறும் `பெண்' என்பதற்கு பதிலாக `மாதவிடாய்ப் பெண்' என்னும் வாசகத்துடன் மேற்கண்ட ஹதீஸ் இப்னு அப்பாஸ் வாயிலாக அபூ தாவூத் மற்றும் நஸயீயில் இடம் பெற்றுள்ளது.
குறிப்பு: 245 முதல் 247 உள்ள ஹதீஸிற்கு விளக்கம் அவசியம்

249. ``நீங்கள் தொழும்போது உங்கள் முகத்திற்கு முன்பாக எதையேனும் ஒரு பொருளை (சுத்ரா) தடுப்பாக வைத்துக் கொள்ளுங்கள். அப்படி ஏதும் கிடைக்கவில்லையெனில் ஒரு குச்சியை நட்டுக் கொள்ளுங்கள். அப்படி எதுவும் கிடைக்கவில்லையெனில் ஒரு கோட்டைக் கிழித்துக் கொள்ளுங்கள். பின்னர் தமக்கு முன்னால் நடந்து செல்பவரால் தமக்குத் தீங்கு ஏற்படாது'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், இப்னு மாஜா
இமாம் இப்னு ஹிப்பான் இதனை ஆதாரப்பூர்வமானது எனக் குறிப்பிட்டுள்ளார்.. இந்த ஹதீஸில் குளறுபடியுள்ளது எனக் கருதுவோர் சரியாக எதையும் கூறவில்லை. இதன் `ஹஸன்' எனும் தரத்தில் உள்ளதாகும்.

251. ``இடுப்பில் கை வைத்த நிலையில் தொழுவதை இறைத்தூதர்(ஸல்) தடை செய்துள்ளார்கள்'' என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது. இதன் பொருள் இடுப்பில் கையை வைத்துக் கொள்வதாகும்.

253. ``இரவு உணவு முன்னதாகவே கொண்டு வரப்பட்டால், மக்ரிப் தொழுவதற்கு முன்னரே அதனை (உண்ணத்) தொடங்குங்கள்'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்கள்: புகாரீ, முஸ்லிம்