261. ``உணவு முன்னால வைக்கப்பட்டிருக்கும் போதும், இரண்டு துன்பங்கள் (மலம் ஜலம்) நிர்பந்திக்கும்போதும் (அவற்றை முடிக்காமல்) தொழுகை இல்லை'' என்று இறைத்தூதர்(ஸல்) கூறியதை நான் செவியுற்றேன் என ஆயிஷா(ரலி) அறிவித்தார்.
நூல்: முஸ்லிம்

263. ``தெருக்களில் இறைஇல்லங்கள் கட்டுமாறும், அவற்றைத் தூய்மையாக வைத்திருக்குமாறும், அவற்றில் நறுமணம் கமழச் செய்யுமாறும் இறைத்தூதர்(ஸல்) கட்டளையிட்டார்கள்'' என ஆயிஷா(ரலி) அறிவித்தார்.
நூல்கள்: அஹ்மத், அபூ தாவூத் மற்றும் திர்மிதீ.
இது `முர்ஸல்' எனும் தரம் பெற்றது என்பதே சரியானது என இமாம் திர்மிதீ(ரஹ்) குறிப்பிட்டுள்ளார்.

265. மேலும், ``அவர்களில் (யூதர்கள் மற்றும் கிறிஸ்தவர்களில்) நல்ல மனிதர் ஒருவர் இறந்துவிட்டால் அவருடைய அடக்கஸ்தலத்தின் மீது இறைஇல்லங்கள் கட்டிவிடுவார்கள். இவர்களே படைப்புகளில் மிகக் கெட்டவர்கள்'' என்று இறைத்தூதர்(ஸல்) கூறினார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

267. ஒரு முறை இறைஇல்லத்தில் கவிதை படித்துக் கொண்டிருந்த ஹஸ்ஸான் இப்னு ஸாபித்தை உமர்(ரலி) கடந்து சென்றபோது, அவரை உமர்(ரலி) உற்று நோக்கினர்கள்.
``தங்களைவிடச் சிறந்தவர் (இறைத்தூதர்) இங்கே இருந்த நிலையில் (அவரின் முன்பே), இதே இடத்தில் நான் கவிதை பாடியுள்ளேன்'' என்று (ஹஸ் ஸான்) கூறினார் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

269. ``இறைஇல்லத்தில் விற்று, வாங்கிக் கொண்டிருப்போரை (வணிகம் செய்வோரை) நீங்கள் கண்டால், அல்லாஹ் உம்முடைய வியாபாரத்தில் இலாபம் இல்லாமல் ஆக்கட்டும்!'' எனக் கூறுங்கள்! என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: நஸயீ, திர்மிதீ
இமாம் திர்மிதீ(ரஹ்) இதனை `ஹஸன்' எனும் தரத்தில் குறிப்பிடுகிறார்.

271. அகழ் போரின்போது ஸஅத் இப்னு முஆத்(ரலி) அவர்களுக்குக் காயம் ஏற்பட்டது. அதனால், அவருக்கு அருகே இருந்து அவரை நலம் விசாரிப்பதற்காக (தொழுகைக்காக ஏற்படுத்தப்பட்ட இறைஇல்லத்தில்) இறைத்தூதர்(ஸல்) கூடாரம் ஒன்றை அமைத்தார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

273. ``கருநிற அடிமைப் பெண் ஒருவருக்கு இறைஇல்லத்தில் கூடாரம் ஒன்று இருந்தது. அவர் என்னிடம் வருவார்; பேசிக் கொண்டிருப்பார்'' என ஆயிஷா(ரலி) அறிவித்தார். (ஹதீஸ் சுருக்கம்)
நூல்கள்: புகாரீ, முஸ்லிம்

275. ``இறைஇல்லங்களைக் கொண்டு மக்கள் பெருமையடிக்காத வரை கியாமத் (அழிவு) நாள் ஏற்படாது'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ மற்றும் இப்னு மாஜா.
இமாம் இப்னு குஸைமா(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.
குறிப்பு: இறைஇல்லங்கள் கட்டும்போது வீணான ஆடம்பரங்கள் கூடாது. இவ்வாறு செய்தல் மறுமையின் அடையாளங்களில் ஒன்று.

277. இறைஇல்லத்திலிருந்து குப்பை கூளத்தை ஒருவர் வெளியேற்றுவது உட்பட என் சமுதாயத்தாரின் நற்செயல்களுக்கான நற்கூலிகள் எனக்குக் காண்பிக்கப்பட்டன'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்: அபூ தாவூத்
இமாம் திர்மிதீ(ரஹ்) இதனை கரீப் என்றும், இமாம் இப்னு குஸைமா(ரஹ்) ஆதாரப்பூர்வமானது என்றும் குறிப்பிட்டுள்ளனர்.

279. நீ தொழுகைக்குத் தயாரானால் `உளூ'வை முழுமைப்படுத்து! பின்னர், கிப்லாபை நோக்கி நின்று, `அல்லாஹு அக்பர்' எனக் தக்பீர் கூறிக் கொள்! பின்னர், குர்ஆனிலிருந்து உனக்குத் தெரிந்தததை ஓதிக் கொள்! பின்னர், நிதானமாக ருகூவு செய்கொள்! பின்னர், எழுந்து நேராக உனக்குத் திருப்தி ஏற்படும் வகையில் நிதானமாக நின்றுகொள்! பின்னர், நிதானமாக ¹ஸஜ்தாச் செய்து கொள்! பின்னர், தலையை உயர்த்தி நன்றாக அமர்ந்து கொள்! பின்னர், நிதானமாக ஸஜ்தாச் செய்து கொள்! பின்னர், இதேபோன்று உனக்குத் திருப்தி ஏற்படும் வரையில் தொழுகை முழுவதும் (ஒவ்வொரு ரக்அத்திலும்) செய்து கொள்! என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம், அஹ்மத், அபூ தாவூத், திர்மிதீ, நஸயீ மற்றும் இப்னு மாஜா
உனக்குத் திருப்தி ஏற்படும் வகையில் ``நின்று கொள்!'' என்பது இப்னு மாஜாவில் முஸ்லிமின் அறிவிப்பாளர் தொடருடன் பதிவிடப்பட்டுள்ளது.