3. தண்ணீரை அதன் வாடை, சுவை, நிறம் ஆகியவை மிகைப்பதைத் தவிர வேறு எதுவும் நிச்சயமாக அசுத்தமாகக்காது'' என்று இறைத்தூதர்(ஸல்) கூறினார்கள் என அபூ உமாமா அல் பாஹிலீ(ரலி) அறிவித்தார்.
நூல்: இப்னு மாஜா
இமாம் அபூ ஹாதிம்(ரஹ்) இதனை பலவீனமான ஹதீஸ் எனக் குறிப்பிட்டுள்ளார்.

5. தண்ணீர் `குல்லத்தைன்' அளவு இருந்தால் அது அசுத்தமாகாது'' என்று இறைத்தூதர்(ஸல்) கூறினார்கள் என அப்துல்லாஹ் இப்னு உமர்(ரலி) அறிவித்தார்.
நூல்கள்: அபூ தாவூத், நஸயீ, இப்னு மாஜா, திர்மிதீ.
இப்னு குஸைமா, ஹாகிம் மற்றும் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளனர்.

7. உங்களில் ஒருவர் ஓடாமல் தேங்கி நிற்கும் தண்ணீரில் சிறுநீர் கழித்துவிட்டு, பின்னர் அதில் குளிக்க வேண்டாம்'' என்று இறைத்தூதர்(ஸல்) கூறினார்கள் என புகாரீயில் உள்ளது.

9. கணவனால் மீதம் வைக்கப்பட்ட தண்ணீரில் மனைவியும், மனைவியால் மீதம் வைக்கப்பட்ட தண்ணீரில் கணவனும் குளிப்பதை இறைத்தூதர்(ஸல்) தடுத்துள்ளார்கள். ``தேவை ஏற்பட்டால் இருவரும் சேர்ந்து குளிக்கலாம்'' என நபித் தோழர்களில் ஒருவர் அறிவித்தார்.
நூல்கள்: அபூ தாவூத், நஸயீ.
இது `ஸஹீஹ்' எனும் தரத்தில் பதிவிடப்பட்டுள்ளது.

11. நபி(ஸல்) அவர்களின் மனைவியரில் ஒருவர், பெரும் பாத்திரம் ஒன்றிலிருந்து குளித்தார், அப்போது, அங்கு வந்த இறைத்தூதர்(ஸல்) அதில் குளிக்க விரும்பினார்கள்.
``நிச்சயமாக நான் குளிப்பு கடமையானவளாய் இருந்தேன்'' என (அவர்களின் மனைவி) கூறினார்.
``தண்ணீர் ஒருபோதும் (இதன் காரணமாக) அசுத்தமாகாது'' என இறைத்தூதர்(ஸல்) கூறினார்கள்.
நூல்கள்: திர்மிதீ, இப்னு குஸைமா
இது `ஸஹீஹ்' எனும் தரத்தில் பதிவிடப்பட்டுள்ளது.

13. பூனை குறித்து இறைத்தூதர்(ஸல்) கூறியபோது, ``அது அசுத்தமானதல்ல; அது உங்களிடையே சுற்றிவரக் கூடியதே'' என்று கூறினார்கள் என அபூ கதாதா(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னுமாஜா.
திர்மிதீ மற்றும் இப்னு குஸைமாவில் இது `ஸஹீஹ்' எனும் தரத்தில் பதிவிடப்பட்டுள்ளது.

15. ``செத்தவை இரண்டும், இரத்தம் இரண்டும் (ஹலால்) நமக்கு அனுமதிக்கப்பட்டுள்ளன. அவற்றில் செத்தவை வெட்டுக்கிளி மற்றும் மீன் ஆகும். அந்த இரத்தம், ஈரல் மற்றும் கல்லீரல் ஆகும்' என்று இறைத்தூதர்(ஸல்) கூறினார்கள்'' என இப்னு உமர்(ரலி) அறிவித்தார்.
நூல்கள்: அஹ்மத், இப்னு மாஜா
இது `ளயீஃப்' எனும் தரத்தில் பதிவிடப்பட்டுள்ளது.

17. ``உயிருள்ள கால் நடைகளில் (அதன் உறுப்புகள்) வெட்டப்பட்டால், அதுவும் செத்ததே (பிணத்திற்குச் சமம்)'' என்று இறைத்தூதர்(ஸல்) கூறினார்கள் என அபூ வாஹித் அல்லைஸி(ரலி) அறிவித்தார்.
நூல்கள்: திர்மிதீ, அபூ தாவூத்
இது திர்மிதீயில் `ஹஸன்' எனும் தரத்தில் பதிவிடப்பட்டுள்ளது. இங்கு திர்மிதீயின் வாசகம் இடம் பெற்றுள்ளது.

19. ``வெள்ளிப் பாத்திரங்களில் பருகுபவரின் வயிற்றில் நரக நெருப்பு குமுறிக் கொண்டிருக்கிறது' என்று இறைத்தூதர்(ஸல்) கூறினார்கள்'' என உம்மு ஸலமா(ரலி) அறிவித்தார்.
நூல்: புகாரீ, முஸ்லிம்

21. எந்தத் தோலானாலும் பதனிடப்பட்டால் (அது தூய்மையாகிவிடும்'' என அபூ தாவூத், திர்மிதீ, நஸயீ மற்றும் இப்னு மாஜாவில் இடம்பெற்றுள்ளது.