37. உஸ்மான்(ரலி) `உளூ'விற்காகத் தண்ணீர் கேட்டார்கள். (தண்ணீர் கொடுக்கப்பட்டதும்) மும்முறை தம் கைகளைக் கழுவினார்கள். பின்னர், வாய்கொப்பளித்தார்கள். இன்னும், மூக்கில் தண்ணீர் செலுத்திச் சிந்தினார்கள். பின்னர், தம் முகத்தை மும்முறை கழுவினார்கள். பின்னர், தம் வலக் கையை முழங்கை வரை மும்முறை கழுவினார்கள். பின்னர், தம் இடக் கையை அதே போன்று கழுவினார்கள். பின்னர், தம் தலைக்கு மஸஹ் செய்தார்கள். (தலையை ஈரக் கையால் தடவினார்கள்). பின்னர், தம் வலக் காலை கணுக்கால்கள் வரை மும்முறை கழுவினார்கள். பின்னர், தம் இடக் காலை அதே போன்று கழுவினார்கள். பின்னர், ``இறைத்தூதர்(ஸல்) `உளூ'ச் செய்வதை நான் பார்த்துள்ளேன். அவர்களின் `உளூ' (நான் செய்து காட்டிய) என்னுடைய இந்த `உளூ'வைப் போன்றே அமைந்திருந்தது'' என்று கூறினார்கள் என உஸ் மான்(ரலி) அவர்களின் அடிமை ஹும்ரான் அறிவித்தார்.
நூல்கள்: புகாரீ, முஸ்லிம்

39. நபி(ஸல்) அவர்களின் `உளூ' குறித்துக் கூறுகையில், ``இறைத்தூதர்(ஸல்) தலைக்கு மஸஹ் செய்தபோது, தம் இரண்டு (உள்ளங்)கைகளையும் தலையின் முன்நெற்றியில் வைத்து பின்னே தடவிக் கொண்டே சென்று, பிறகு முன்னே கொண்டு வந்தார்கள்'' என அப்துல்லாஹ் இப்னு ஜைத் இப்னு ஆஸிம்(ரலி) அறிவித்தார்.
நூல்கள்: புகாரீ, முஸ்லிம்

41. இறைத்தூதர்(ஸல்) அவர்களின் `உளூ' குறித்துக் கூறுகையில் ``அவர்கள் தம் தலைக்கு மஸஹ் செய்தார்கள். இன்னும், தம் இரண்டு ஆட்காட்டி விரல்களையும் காதிகளினுள் நுழைத்து, தம் கட்டை விரல்கள் இரண்டினாலும் காதுகளின் வெளிப்பகுதியில் மஸஹ் செய்தார்கள்'' என அப்துல்லாஹ் இப்னு அம்ர்(ரலி) அறிவித்தார்.
நூல்கள்: அபூ தாவூத், நஸயீ மற்றும் இப்னு குஸைமா.
இது ஸஹிஹ் எனும் தரத்தில் உள்ளது என இமாம் இப்னு குஸைமா(ரஹ்) குறிப்பிட்டுள்ளார்

43. ``உங்களில் ஒருவர் தூக்கத்திலிருந்து எழுந்தால், அவர் தம் கை மும்முறை கழுவாத வரை, தண்ணீர் உள்ள பாத்திரத்தினுள் தம் கையை நுழைக்க வேண்டாம். ஏனெனில், அவரின் கை இரவை எங்கு கழித்தது என்பதை அவர் அறியமாட்டார்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

45. ```உளூ'ச் செய்தால் நீ வாய்கொப்பளி'' எனும் வாசகம் அபூ தாவூதின் மற்றோர் அறிவிப்பில் உள்ளது.

47. நபி(ஸல்) அவர்களிடம் ஒரு முத்து (இரண்டு கைகளையும் கூட்டி அள்ளும்) தண்ணீரின் அளவில், மூன்றில் இரண்டு பங்கு தண்ணீர் (மட்டுமே) தரப்பட்டது. அவர்கள் (கழுவியபோது) தம் முழங்கைகளைத் தேய்க்கலானார்கள்!'' என அப்துல்லாஹ் இப்னு ஜைத்(ரலி) அறிவித்தார்.
நூல்கள்: அஹமத், இப்னு குஸைமா
இது ஆதரப்பூர்வமான ஹதீஸ் என இமாம் இப்னு குஸைமா(ரஹ்) குறிப்பிட்டுள்ளார்.

49. ``நிச்சயமாக என் சமுதாயம், மறுமை நாளில் `உளூ'வின் அடையாளத்தால் கைகள் ஒளிர்ந்த வண்ணம் வருவார்கள். தம் கையின் ஒளியை அதிகப்படுத்திக் கொள்ள முடிந்தவர் அவ்வாறே செய்து கொள்ளட்டும்'' என்று இறைத்தூதர்(ஸல்) கூறியதை நான் செவியுற்றுள்ளேன் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

51. ``நீங்கள் `உளூ'ச் செய்யும்போது உங்களின் வலப் பக்கத்திலிருந்து (ஒவ்வோர் உறுப்பையும் கழுவு) ஆரம்பியுங்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், நஸயீ, திர்மிதீ மற்றும் இப்னு மாஜா
இது ஆதாரப்பூர்வமான ஹதீஸ் என இமாம் இப்னு குஸைமா(ரஹ்) குறிப்பிட்டுள்ளார்.

53. நபி(ஸல்) அவர்களின் ஹஜ் குறித்து ஜாபிர்(ரலி) கூறுகையில், ``அல்லாஹ் ஆரம்பித்தததைக் கொண்டே நீங்களும் ஆரம்பியுங்கள்'' என்று நபி(ஸல்) கூறினார்கள் என அறிவித்தார்.
நூல்கள்: நஸயீ, முஸ்லிம்
இந்த ஹதீஸ் நஸயீயில் கட்டளை வாக்கியமாகவும், முஸ்லிமில் செய்தி வாக்கியமாகவும் உள்ளது.
குறிப்பு: எச்செயலாய் இருப்பினும், அதனை முறையாகச் செய்தல் அவசியம். ஒவ்வொரு செயலையும் இறைவன் வரிசைப்படுத்திக் காண்பித்தவாறே செய்ய வேண்டும். `உளூ'ச் செய்யும்போது குர்ஆனின் 5:6 வசனத்தின் அடிப்படையில் வரிசையாகச் செய்ய வேண்டும். எனவேதான், இந்த ஹதீஸ் இங்கு இடம்பெற்றுள்ளது.

55. ``(`உளூ'வை ஆரம்பிக்கும்போது), `பிஸ்மில்லாஹ் சொல்லாதவரின் `உளூ' கூடாது'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அஹ்மத், அபூ தாவூத் மற்றும் இப்னு மாஜா
இதனை இமாம் இப்னு மாஜா(ரஹ்) பலவீனமான அறிவிப்புத் தொடரில் பதிவிட்டுள்ளார்.