401. ரமலான் மாதத்திலும், அதுவல்லாத மற்ற நாள்களிலும் பதினோரு ரக்அத்திற்கு மேல் இறைத்தூதர்(ஸல்) தொழுததில்லை. அவர்கள் நான்கு ரக்அத்துகள் தொழுவார்கள்; அதன் அழகையும், நீளத்தையும் பற்றிக் கேட்க வேண்டியதில்லை. பின்னர், நான்கு ரக்அத்துக்கள் தொழுவார்கள். அதன் அழகையும், நீளத்தையும் பற்றிக் கேட்க வேண்டியதில்லை. பின்னர், மூன்று ரக்அத்துக்கள் தொழுவார்கள். ``இறைத்தூதர் அவர்களே! வித்ருக்கு முன்பு தாங்கள் தூங்குகிறீர்களே!'' என நான் (ஒருமுறை) வினவினேன்.
``ஆயிஷாவே! என் இரண்டு கண்களும் தூங்குகின்றன;. என் இதயம் தூங்குவதில்லை'' என்று கூறினார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

403. இறைத்தூதர்(ஸல்) இரவில் பதிமூன்று ரக்அத்துக்கள் தொழுவார்கள். அவற்றில் வித்ரு ஐந்து தொழுவார்கள். இறுதி இருப்பில் தவிர இடையில் எங்கும் (வித்ருத் தொழுகையில்) அமரமாட்டார்கள் என ஆயிஷா(ரலி) அறிவித்தார்.
நூல்கள்: புகாரீ, முஸ்லிம்

405. ``அப்துல்லாஹ்வே! இன்னாரைப் போல ஆகிவிடாதீர்! அவர் இரவில் நின்று வணங்கிக் கொண்டிருந்தார்; பின்னர், இரவில் நின்று வணங்குவதை அவர் விட்டுவிட்டார்'' என்று இறைத்தூதர்(ஸல்) எச்சரிக்கையாக) கூறினார்கள் என அப்துல்லாஹ் இப்னு அமர் இப்னி அல் ஆஸ்(ரலி) அறிவித்தார்.
நூல்கள்: புகாரீ, முஸ்லிம்

407. ``இரவில் உங்களின் தொழுகைகளில், வித்ரை இறுதியானதாய் ஆக்கிக் கொள்ளுங்கள்'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்கள்: புகாரீ, முஸ்லிம்

409. வித்ருத் தொழுகையில் சப்பிஹிஸ்ம ரப்பிக்கல் அஃலா, குல்யா அய்யுஹல் காஃபிரூன், குல்ஹு வல்லாஹு அஹத் ஆகிய அத்தியாயங்களை இறைத்தூதர்(ஸல்) ஓதுவார்கள் என உபய் இப்னு கலஃப்(ரலி) அறிவித்தார்.
நூல்கள்: அஹ்மத், அபூ தாவூத் மற்றும் நஸயீ
அவற்றின் (மூன்று ரக்அத்துக்களின்) இறுதியில்தான் ஸலாம் கொடுப்பார்கள் என்பது நஸயீயில் அதிகப்படியாக உள்ளது.

411. ``நீங்கள் அதிகாலைப் பொழுதை அடையும் முன்பு வித்ருத் தொழுதுவிடுங்கள்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: முஸ்லிம்

413. ``வித்ருத் தொழாமல் தூங்கியவர் அல்லது அதனை மறந்தவர் சுப்ஹ் (அதிகாலையை) அடைந்ததும் அல்லது ஞாபகம் வந்ததும் தொழட்டும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா

415. ``ஃபஜ்ர் உதித்துவிட்டால் இரவுத் தொழுகை மற்றும் வித்ரின் எல்லா நேரமும் போய்விட்டது. நீங்கள் ஃபஜ்ர் உதிப்பதற்கு முன்பு வித்ருத் தொழுது விடுங்கள்!'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: திர்மிதீ
குறிப்பு: 413 வது ஹதீஸிற்கு, வித்ரை ஞாபகம் வந்தால் எப்போது வேண்டுமானாலும் தொழலாம் என்பது பொருள் அல்ல. தொழும் அந்த நேரம் ஃபஜ்ர் - அதிகாலை உதிப்பதற்கு முன்னதாக இருக்க வேண்டும் என்பதை 415 வது ஹதீஸ் விளக்குகிறது.

417. ஆயிஷா(ரலி) வாயிலாக அவர்களிடம் ``இறைத்தூதர் அவர்கள் ளுஹா தொழுவார்களா?'' என வினவப்பட்டது.
``பயணத்திலிருந்து அவர்கள் திரும்பினால் தவிர (தொழுதது) இல்லை'' என முஸ்லிமின் மற்றோர் அறிவிப்பில் உள்ளது.

419. ``வெயிலின் காரணமாக சூடேறிய மணல் (ஒட்டகக் குட்டிகள் கால் வைக்க முடியாத அளவு வெப்பமாக) உள்ள நேரமே அவ்வாபீன் (ளுஹா) தொழுகைக்குரிய நேரமாகும்'' என்று இறைத்தூதர்(ஸல்) கூறினார்கள் என ஜைத் இப்னு அர்கம்(ரலி) அறிவித்தார்.
நூல்: திர்மிதீ
குறிப்பு: மக்ரிப் மற்றும் இஷாவிற்கு இடைப்பட்ட நேரத்தில் தொழும் தொழுகைக்கு அவ்வாபீன் எனச் சொல்லப்படுகிறது. ஆனால், இது தவறானதாகும். அவ்வாபீன் என்பதும் ளுஹா என்பதும் ஒன்றுதான் என்பதை அறிக!