411. ``நீங்கள் அதிகாலைப் பொழுதை அடையும் முன்பு வித்ருத் தொழுதுவிடுங்கள்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: முஸ்லிம்

413. ``வித்ருத் தொழாமல் தூங்கியவர் அல்லது அதனை மறந்தவர் சுப்ஹ் (அதிகாலையை) அடைந்ததும் அல்லது ஞாபகம் வந்ததும் தொழட்டும்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்கள்: அஹ்மத், அபூ தாவூத், திர்மிதீ மற்றும் இப்னு மாஜா

415. ``ஃபஜ்ர் உதித்துவிட்டால் இரவுத் தொழுகை மற்றும் வித்ரின் எல்லா நேரமும் போய்விட்டது. நீங்கள் ஃபஜ்ர் உதிப்பதற்கு முன்பு வித்ருத் தொழுது விடுங்கள்!'' என்று இறைத்தூதர்(ஸல்) கூறினார்கள் என இப்னு உமர்(ரலி) அறிவித்தார்.
நூல்: திர்மிதீ
குறிப்பு: 413 வது ஹதீஸிற்கு, வித்ரை ஞாபகம் வந்தால் எப்போது வேண்டுமானாலும் தொழலாம் என்பது பொருள் அல்ல. தொழும் அந்த நேரம் ஃபஜ்ர் - அதிகாலை உதிப்பதற்கு முன்னதாக இருக்க வேண்டும் என்பதை 415 வது ஹதீஸ் விளக்குகிறது.

417. ஆயிஷா(ரலி) வாயிலாக அவர்களிடம் ``இறைத்தூதர் அவர்கள் ளுஹா தொழுவார்களா?'' என வினவப்பட்டது.
``பயணத்திலிருந்து அவர்கள் திரும்பினால் தவிர (தொழுதது) இல்லை'' என முஸ்லிமின் மற்றோர் அறிவிப்பில் உள்ளது.

419. ``வெயிலின் காரணமாக சூடேறிய மணல் (ஒட்டகக் குட்டிகள் கால் வைக்க முடியாத அளவு வெப்பமாக) உள்ள நேரமே அவ்வாபீன் (ளுஹா) தொழுகைக்குரிய நேரமாகும்'' என்று இறைத்தூதர்(ஸல்) கூறினார்கள் என ஜைத் இப்னு அர்கம்(ரலி) அறிவித்தார்.
நூல்: திர்மிதீ
குறிப்பு: மக்ரிப் மற்றும் இஷாவிற்கு இடைப்பட்ட நேரத்தில் தொழும் தொழுகைக்கு அவ்வாபீன் எனச் சொல்லப்படுகிறது. ஆனால், இது தவறானதாகும். அவ்வாபீன் என்பதும் ளுஹா என்பதும் ஒன்றுதான் என்பதை அறிக!

421. இறைத்தூதர்(ஸல்) என் வீட்டில் நுழைந்தார்கள். பின்னர், எட்டு ரக்அத்துக்கள் ளுஹா தொழுதார்கள் என ஆயிஷா(ரலி) அறிவித்தார்.
நூல்: இப்னு ஹிப்பான்.
இமாம் இப்னு ஹிப்பான்(ரஹ்) இதனை தம்முடைய `ஸஹீஹ்' நூலில் பதிவிட்டுள்ளார்.

423. அபூ ஹுரைரா(ரலி) வாயிலாக புகாரீ, முஸ்லிமின் மற்றோர் அறிவிப்பில், ``இருபத்தைந்து மட்டும் சிறந்ததாகும்'' என்று இறைத்தூதர்(ஸல்) கூறினார்கள் என உள்ளது.

425. ``என் உயிரைத் தன் கையில் கொண்டவன் மீது ஆணையாக! விறகுக் கட்டைகளை ஒன்று சேர்க்குமாறும், பாங்கு சொல்லுமாறும் கட்டளையிட்ட நிலையில், யாரேனும் ஒருவரை இமாமத் செய்யுமாறு கட்டளையிட்ட நிலையில், தொழுகைக்கு வராதவர்களின் வீடுகளுக்குச் சென்று; அவர்களின் இல்லங்களை தீக்கிரையாக்கிட நான் விரும்புகிறேன். என் உயிரைத் தன் கையில் கொண்டவன் மீது ஆணையாக! (ஜமாஅத் தொழுகைக்கு வராமலிருக்கும்) அவர்கள் கொழுத்த சதைப்பற்றுள்ள எலும்போ, அல்லது அழகான இரண்டு குளம்புக் கறியோ தமக்குக் கிடைக்கும் என அறிவார்களாயின் இஷா தொழுகையில் கட்டாயம் கலந்து கொள்வார்கள்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயீன் வாசகம் இடம் பெற்றுள்ளது.

427. நபி(ஸல்) அவர்களிடம் பார்வையற்ற ஒருவர் வந்து, ``இறைத்தூதர் அவர்களே! என்னை இறைஇல்லத்திற்குச் அழைத்துச் செல்ல ஒரு வழிகாட்டி இல்லை'' எனக் கூறினார்.
எனவே, இறைத்தூதர்(ஸல்) அவருக்கு (வீட்டில் தொழ) சலுகை அளித்தார்கள். அவர் திரும்பிச் சென்றபோது அவரை (மறுபடியும்) அழைத்தார்கள். பின்னர், ``தொழுகைக்கான பாங்கை நீ செவியுறுகிறீரா?'' என இறைத்தூதர்(ஸல்) கேட்டார்கள்.
``ஆமாம்'' என அவர் கூறினார்.
``அப்படியானால் அதற்கு பதிலளிப்பீராக! (இறைஇல்லத்தில் வந்து தொழுவீராக!) என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்: முஸ்லிம்

429. நான் நபி(ஸல்) அவர்களுடன் ஃபஜ்ர் தொழுதேன். இறைத்தூதர்(ஸல்) தொழுகையை முடித்தபோது, தொழாமல் இரண்டு மனிதர்கள் நின்றிருந்தார்கள். அவர்கள் இருவரையும் இறைத்தூதர்(ஸல்) அழைத்து வரச் சொன்னார்கள். அவர்கள் இருவரும் இதயம் படபடத்தவர்களாக (பயந்த நிலையில்) வந்தார்கள். அவர்கள் இருவரிடமும், ``எங்களுடன் தொழுவதிலிருந்து உங்களைத் தடுத்தது எது?'' என்று இறைத்தூதர்(ஸல்) கேட்டார்கள்.
``நாங்கள் எங்கள் இல்லத்தில் தொழுதுவிட்டோம்'' என அவ்விருவரும் கூறினர்.
``நீங்கள் இருவரும் இவ்வாறு செய்யாதீர்கள். நீங்கள் இருவரும் உங்களின் இல்லங்களில் தொழுதுவிட்டு வந்தப் பின்பு இமாம் தொழுவதைக் காண்பீர்களாயின், அவருடனும் தொழுது கொள்ளுங்கள். அது உங்கள் இருவருக்கும் உபரியானதாகி (நஃபிலாகி) விடும்'' என்று இறைத்தூதர்(ஸல்) கூறினார்கள் என யஸீத் இப்னு அல் அஸ்வத்(ரலி) அறிவித்தார்.
நூல்கள்: அஹ்மத் அபூ தாவூத், நஸயீ மற்றும் திர்மிதீ
இமாம் இப்னு ஹிப்பான்(ரஹ்) மற்றும் திர்மிதீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள். இங்கு அஹமதின் வாசகம் இடம் பெற்றுள்ளது.