518. இறைத்தூதர்(ஸல்) பெருநாள் தொழுகைக்கு முன்பு எதுவும் தொழ மாட்டார்கள். அவர்கள் தம் இல்லத்திற்குத் திரும்பினால் இரண்டு ரக்அத்துக்கள் தொழுவார்கள் என அபூ ஸயீத்(ரலி) அறிவித்தார்.
நூல்: இப்னு மாஜா
இமாம் இப்னு மாஜா இதனை `ஹஸன்' எனும் தரம் எனக் குறிப்பிட்டுள்ளார்.

520. ``நோன்புப் பெருநாள் தொழுகையில் முதல் ரக்அத்தில் ஏழு தக்பீரும் இரண்டாவது ரக்அத்தில் ஐந்து தக்பீரும் உள்ளன. அவை இரண்டிற்கும் பின்னரும் கிராஅத் (குர்ஆனை ஓதுதல்) உண்டு'' என இறைத்தூதர்(ஸல்) கூறினார்கள் என அம்ரு இப்னு ஷுஐப் தம் தந்தை மற்றும் பாட்டனார் வாயிலாக அறிவித்தார்.
நூல்: அபூ தாவூத்
இமாம் புகாரீ(ரஹ்) இதனை ஆதாரப்பூர்வமானது எனக் குறிப்பிட்டுள்ளார் என்பதை இமாம் திர்மிதீ(ரஹ்) பதிவிட்டுள்ளார்.

522. இறைத்தூதர்(ஸல்) பெருநாளின்போது (தொழுகைக்கு) செல்லும் போதும், (தொழுவிட்டு) திரும்பும் போதும்) வெவ்வேறு வழிகளில் சென்று வருவார்கள் என ஜாபிர்(ரலி) அறிவித்தார்.
நூல்: புகாரீ

524. இறைத்தூதர்(ஸல்) மதீனா வந்ததும் அவர்களுக்கு இரண்டு நாள்கள் இருந்தது. அதில் அவர்கள் விளையாடிக் கொண்டிருந்தார்கள். அப்போது, ``அல்லாஹ் அவை இரண்டிற்கும் பதிலாக அவ்விரண்டையும் விடச் சிறந்தவற்றை அளித்தான். அவை குர்பானிப் பெருநாள் மற்றும் நோன்புப் பெருநாளாகும்'' என்று இறைத்தூதர்(ஸல்) கூறினார்கள் என அனஸ்(ரலி) அறிவித்தார்.
நூல்கள்: அபூ தாவூத், நஸயீ
இதனை ஆதாரப்பூர்வமான அறிவிப்பாளர் தொடரில் இதனைப் பதிவிட்டுள்ளனர்.

526. ஒரு பெருநாளில் மழை பொழிந்தது; எனவே, அன்று இறைத்தூதர்(ஸல்) இறைஇல்லத்தில் (பெருநாள் தொழை) தொழவைத்தார்கள் என அபூ ஹுரைரா(ரலி) அறிவித்தார்.
நூல்: அபூ தாவூத்
இமாம் அபூ தாவூத்(ரஹ்) இதனை `லய்யின்' எனும் பலவீனமானது எனக் குறிப்பிட்டுள்ளார்.
கிரகணத் தொழுகை

528. ``அது உங்கள் முன்பிருந்து விலகும் வரை தொழுங்கள்; துஆச் செய்யுங்கள்'' எனும் வாசகம் அபூ பக்ரா(ரலி) வாயிலாக புகாரீயில் உள்ளது.

530. நபி(ஸல்) அவர்களின் காலத்தில் சூரிய கிரகணம் ஏற்பட்டபோது, இறைத்தூதர்(ஸல்) அது நீங்குவதற்காக) தொழுதார்கள். சூரத்துல் பகரா ஓதும் அளவு நீண்டநேரம் நின்றார்கள். பின்னர், ஒரு நீண்ட ருகூஃ செய்தார்கள். பின்னர் தலையை உயர்த்தி, நீண்டநேரம் நின்றார்கள். அது முதலில் நின்றதைவிட சற்று குறைவான நேரமாய் இருந்தது. பின்னர், நீண்டதொரு ருகூஃ செய்தார்கள். அது முதல் ருகூஃவின் அளவைவிட சற்று குறைவான இருந்தது. பின்னர், ஸஜ்தாச் செய்தார்கள். பின்னர், எழுந்து நீண்ட நேரம் நின்றார்கள். அது முதலில் நின்ற நேரத்துக்கும் சற்று குறைவானதாய் இருந்தது. பின்னர் நீண்டதொரு ருகூஃ செய்தார்கள். அது முதல் ரக்அத்தின் ருகூஃவை விடசற்று குறைவானதாய் இருந்தது. பின்னர், தலையை உயர்த்தி நீண்ட நேரம் நின்றார்கள். அது முதலில் நின்ற நேரத்தை விட சற்று குறைவானதாய் இருந்தது. பின்னர், நீண்டதொரு ருகூஃ செய்தார்கள். அது முதல் ருகூஃவின் நேரத்தை விடச் சற்று குறைவானதாய் இருந்தது. பின்னர், தம் தலையை உயர்த்தி, பின்னர் ஸஜ்தா செய்தார்கள். பின்னர், தொழுகையை முடித்துத் திரும்பிபோது சூரியன் வெளிச்சமாகி கிரகணம் நீங்கி இருந்தது. அப்போது, இறைத்தூதர்(ஸல்) மக்களுக்கு உரை நிகழ்த்தினார்கள்.
நூல்கள்: புகாரீ, முஸ்லிம்
இங்கு புகாரீயீன் வாசகம் இடம் பெற்றுள்ளது.
முஸ்லிமின் மற்றோர் அறிவிப்பில் சூரிய கிரகணம் ஏற்பட்டபோது ``இறைத்தூதர்(ஸல்) எட்டு ருகூஃவுகளுடனும், நான்கு ஸஜ்தாக்களுடனும் தொழுதார்கள் என உள்ளது.

532. ஆறு ருகூஃவுகளுடனும், நான்கு ஸஜ்தாக்களுடனும் தொழுதார்கள் என ஜாபிர்(ரலி) வாயிலாக முஸ்லிமில் உள்ளது.

534. பலத்த காற்று வீசியபோது நபி(ஸல்), மண்டியிட்டு அமர்ந்து, ``யா அல்லாஹ்! இதனை (எங்களுக்குக்) கருணையாய் ஆக்கியருள்! தண்டனையாய் ஆக்கிவிடாதே!''என்று பிரார்த்திப்பார்கள் என இப்னு அப்பாஸ்(ரலி) அறிவித்தார்.
நூல்: அஷ்ஷாஃபியீ, தப்ரானீ

536. இறைத்தூதர்(ஸல்) எளிய உடையணிந்து, பணிந்தவர்களாக, நிதானமான நடையுடன், இறைவனிடம் மன்றாடியவர்களாக (மதீனா நகரை விட்டு) வெளியே சென்றார்கள். மேலும், பெருநாள் தொழுகை தொழுவது போன்று (மழை வேண்டி பிரார்த்தித்தவர்களாக) இரண்டு ரக்அத்துகள் தொழுதார்கள். உங்களின் இந்த உரை போன்று உரையாற்றவில்லை என இப்னு அப்பாஸ்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா
இமாம் திர்மிதீ, அபூ அவானா மற்றும் இப்னு ஹிப்பான்(ரஹ்) இதனை ஆதாரப்பூர்வமானது எனக் குறிப்பிட்டுள்ளனர்.