537. மழை பொழியாதிருப்பது குறித்து நபி(ஸல்) அவர்களிடம் மக்கள் முறையிட்டனர். எனவே, ஒரு மிம்பரைக் கொண்டு வருமாறு நபி(ஸல்) கட்டளையிட்டார்கள். அவ்வாறே அது கொண்டு வரப்பட்டு, (பெருநாள்) தொழுமிடத்தில் வைப்பட்டது. மக்கள் அனைவரையும் ஒரு நாளில் அங்கு ஒன்று சேர்க்குமாறு இறைத்தூதர்(ஸல்) கட்டளையிட்டார்கள். சூரியன் ஓரத்தில் வெளிப்பட்டதும், இறைத்தூதர்(ஸல்) மிம்பரில் அமர்ந்தார்கள். பின்னர், தக்பீர் கூறினார்கள். இறைவனைப் புகழ்ந்தார்கள். பின்னர்,
``மக்களே! நீங்கள் உங்கள் நகரத்தின் வறட்சி குறித்து முறையிட்டீர்கள். தன்னிடம் துஆ கேட்குமாறு உங்களுக்கு அல்லாஹ் கட்டளையிட்டுள்ளான். அவன் உங்கள் வேண்டுதலை அங்கீகரிப்பான் என்று இறைத்தூதர்(ஸல்) கூறினார்கள்.
பின்னர், ``அனைத்துப் புகழும் இறைவனுக்கே! அவன் அகிலங்களின் இரட்சகன். அளவற்ற அருளாளன். நிகரற்ற கருணையாளன். தீர்ப்பு நாளின் அதிபதி. அவனைத் தவிர வேறு இறைவன் இல்லை. அவன் நாடியதைச் செய்கிறான். எங்கள் இரட்சகனே! நீயே அல்லாஹ்! உன்னைத் தவிர வேறு இறைவன் இல்லை. நீயோ தேவையற்றவன் (தன்னிறைவு மிக்கவன்). நாங்களோ (உன்னிடம்) தேவையுடையவர்கள் (தன்னிறைவு அற்றவர்கள்). எங்கள் மீது மழையைப் பொழியச் செய்வாயாக! நீ எங்கள் மீது இறக்கக் கூடியதை எங்களுக்கு ஆற்றல் மிக்கதாகவும், முழுமையானதாகவும் ஆக்குவாயாக!'' என்றும் இறைத்தூதர்(ஸல்) கூறினார்கள்.
பின்னர், தம் இரண்டு கைகளையும் உயர்த்தினார்கள். அவர்களின் அக்குளின் வெண்மை தெரியும் அளவு அது மெதுவாக உயர்ந்து கொண்டே போனது. பின்னர். மக்களின் பால் தம் முதுமைகத் திருப்பித் தம்முடைய மேலாடையைத் திருப்பிப் போட்டார்கள். அப்போதும், அவர்கள் தம் இரண்டு கைகளையும் உயர்த்தியே வைத்திருந்தார்கள். பின்னர், மக்களின் பால் திரும்பி, மிம்பரை விட்டு இறங்கினார்கள். பின்னர், இரண்டு ரக்அத்துக்ள் தொழ வைத்தார்கள். அப்போது, வானத்தில் மேகத்தை அல்லாஹ் உண்டாக்கினான். அதில் இடியுடன் சேர்ந்த மின்னலும் இருந்தது. பின்னர், மழை பொழியத் தொடங்கியது என ஆயிஷா(ரலி) அறிவித்தார்.
நூல்: அபூ தாவூத்

539. அபூ ஜஅஃபர் அல் பாகிர்(ரலி) வாயிலாக தாரகுத்னீயில், ``அவர்கள் தம்முடைய மேலாடையை பஞ்சம் மாறவேண்டும் என்பதற்காகத் திருப்பிப் போட்டார்கள்'' என `முர்ஸல்' எனும் தரத்தில் பதிவிடப்பட்டுள்ளது.

541. உமர்(ரலி) அவர்களின் காலத்தில் பஞ்சம் ஏற்பட்டால், அப்பாஸ் இப்னு அப்தில் முத்தலிப்(ரலி) அவர்களை மழைக்கு துஆச் செய்யுமாறு உமர்(ரலி) வேண்டுவார்கள். இன்னும், ``அல்லாஹ்வே! நபி(ஸல்) (அவர்களின் காலத்தில்) அவர்களின் துஆ மூலம் உன்னிடம் மழையை வேண்டுவோம். நீ எங்களுக்கு மழை பொழிவாய்! இப்போது நாங்கள் நபி(ஸல்) அவர்களின் சிறிய தந்தையின் வாயிலாகக் வேண்டுகிறோம் எங்கள் மீது மழையைப் பொழிவாயாக!'' என்றும் கூறுவார்கள். ``அப்போது எங்கள் மீது மழை பொழியப்படும்'' என அனஸ்(ரலி) அறிவித்தார்.
நூல்: புகாரீ

543. இறைத்தூதர்(ஸல்) மழை பொழிவதைக் கண்டால், ``அல்லாஹ்வே! எங்களுக்குப் பலன் தரக்கூடிய மழையைப் பொழிவாயாக!'' என்று கூறுவார்கள் என ஆயிஷா(ரலி) அறிவித்தார்கள்.
நூல்கள்: புகாரீ, முஸ்லிம்

545. சுலைமான்(அலை) மழை பொழிய வேண்டுவதற்காக நகரை விட்டு வெளியேறினார்கள். அப்போது, ஓர் எறும்பு மல்லாக்காகப்படுத்து, தன் கால்களை வானத்தின் பால் தூக்கிய நிலையில், ``இரட்சகனே! நாங்கள் உன் படைப்புகளில் ஒரு படைப்பாக உள்ளோம். உன் மழை எங்களுக்கு அவசியம் தேவை'' எனக் கூறிக் கொண்டிருந்ததைக் கண்டார்கள். பின்னர், ``நீங்கள் எல்லோரும் திரும்பிச் செல்லுங்கள். உங்களை அல்லாத ஓர் உயிரினத்தின் துஆவால் நீர் புகட்டப்பட்டு விட்டீர்கள்'' என சுலைமான்(அலை) கூறினார்கள் என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்கள்.
நூல்: அஹ்மத்
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

547. ``என் சமுதாயத்தில் சில கூட்டத்தார், வெட்கத்தலத்தையும் (விபச்சாரத்தையும்), பட்டாடையையும் (ஆண்கள் அணிவது) ஹலால் (அனுமதிக்கப்பட்டது) என எண்ணுவர். (ஆனால், அவையோ விலக்கப்பட்டவை)'' என்று இறைத்தூதர்(ஸல்) கூறினார்கள் என அபூ ஆமிர் அல் அஷ் அரீ(ரலி) அறிவித்தார்.
நூல்: அபூ தாவூத்
இதன் மூலம் புகாரீயில் உள்ளது.

549. இரண்டு விரற்கடை அல்லது மூன்று அல்லது நான்கு விரற்கடைகள் அளவு பட்டுத்துணி சேர்ந்த மற்ற துணிகளைத் தவிர (முழுக்க முழுக்க) பட்டினால் ஆன ஆடைகள் அணிவதை இறைத்தூதர்(ஸல்) தடை செய்தார்கள் என உமர்(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

551. இறைத்தூதர்(ஸல்) எனக்கு ஒரு பட்டாடை கொடுத்தார்கள். நான் அதனை அணிந்தவாறு வெளியில் வந்தபோது, நபி(ஸல்) அவர்களின் முகத்தில் கோபத்தின் அறிகுறியைக் கண்டேன். உடனே, நான் அதைக் கிழித்து என் வீட்டுப் பெண்களுக்குப் பங்கிட்டேன் என அலீ(ரலி) அறிவித்தார்.
நூல்கள்: புகாரீ, முஸ்லிம்
இங்கு முஸ்லிமின் வாசகம் இடம் பெற்றுள்ளது.

553. ``அல்லாஹ் தன் அடியான் மீது அருள்செய்தால், அவனிடம் அந்த அருளின் அடையாளத்தைக் காண விரும்புகிறான்'' என்று இறைத்தூதர்(ஸல்) கூறினார்கள் என இம்ரான் இப்னு ஹுஸைன்(ரலி) அறிவித்தார்.
நூல்: பைஹகீ

555. இறைத்தூதர்(ஸல்) என் உடலில் இரண்டு காவியாடைகளைக் கண்டதும் (கோபத்தால்), ``இதனை அணிவதற்கு உன் தாயா உனக்குக் கட்டளையிட்டார்?'' என்று (கோபமாக) கூறினார்கள் என அப்துல்லாஹ் இப்னு அம்ர்(ரலி) அறிவித்தார்.
நூல்: முஸ்லிம்