641. பேரீச்சம் பழத்தில் `ஜகாத்' மதிப்பீடு செய்து (வசூலிப்பது) போன்றே திராட்சையிலும் `ஜகாத்' மதிப்பீடு செய்து (வசூலித்துக்) கொள்ளுமாறு இறைத்தூதர்(ஸல்) கட்டளையிட்டார்கள். அப்போது, அதற்குரிய `ஜகாத்' காய்ந்த திராட்சை (கிஸ்மிஸ்) ஆக வாங்கப்பட்டது என அத்தாப் இப்னு அஸீத்(ரலி) அறிவித்தார்.
நூல்கள்: அஹ்மத், அபூ தாவூத், நஸயீ, திர்மிதீ மற்றும் இப்னு மாஜா.
இதன் அறிவிப்பாளர் தொடர் துண்டிக்கப்பட்டுள்ளது.

643. தங்கத்தால் செய்யப்பட்டிருந்த ஒருவகை நகையை நான் அணிந்திருந்தேன். ``இறைத்தூதர் அவர்களே! இதுவும் (சேகரித்துப் பதுக்கி வைக்கும்) புதையல் ஆகுமா?'' என அது குறித்து நான் கேட்டேன்.
``அதற்கான `ஜகாத்' செலுத்தப்பட்டிருந்தால் அது பதுக்கிவைத்த புதையல் ஆகாது'' என்று இறைத்தூதர்(ஸல்) கூறினார்கள் என உம்மு ஸலமா(ரலி) அறிவித்தார்.
நூல்கள்: அபூ தாவூத், தாரகுத்னீ
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்..

645. ``புதையலில் (மற்றும் சுரங்கப் பொருட்களில்) ஐந்தில் ஒரு பங்கு (20 விழுக்காடு) `ஜகாத்' ஆகும்'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: புகாரீ, முஸ்லிம்

647. `கபலிய்யா' எனும் தங்கச் சுரங்கத்திலிருந்து கிடைக்கும் தங்கத்திற்கு இறைத்தூதர்(ஸல்) `ஜகாத்' வாங்கினார்கள் என பிலால் இப்னு ஹாரிஸ்(ரலி) அறிவித்தார்.
நூல்: அபூ தாவூத்
குறிப்பு: கபலிய்யா என்பது மதீனாவிலிருந்து ஐந்து நாள்கள் பயண தூரமுள்ள கடற்கரைப் பகுதியாகும். அங்கு குக்கிராமங்கள் பல உள்ளன.

649. ``அந்நாளில் (பெருநாளில்) ஏழைகள் (உணவில்லாமல்) அலைந்து திரிவதைப் போக்கிவிடுங்கள்'' என இப்னு அதீ எனும் நூலிலும், தார குத்னீயிலும் `ளயீஃப்' எனும் பலவீனமான தரத்தில் பதிவிடப்பட்டுள்ளது.

651. இறைத்தூதர்(ஸல்) பெருநாள் தர்மத்தைக்க கடமையாக்கி, ``நோன்பாளிகளின் வீண் மற்றும் ஆபாசப் பேச்சுகளைத் தூய்மைப்படுத்தும் முகமாகவும், ஏழைகளின் உணவாகவும் (பெருநாள் தர்மம்) உள்ளது. அதைப் பெருநாள் தொழுகைக்கு முன்பே செலுத்தியவரிடமிருந்து, அது ஏற்றுக் கொள்ளப்பட்ட தர்மமாகும். அதைத் தொழுகைக்கு முன்பே செலுத்தியவரிடமிருந்து, அது ஏற்கப்பட்ட தர்மமாகும். அதைத் தொழுகைக்குப் பின்பு செலுத்துபவருககு, அது தர்மங்களில் ஒரு தர்மமாகும்'' என்று கூறினார்கள் என இப்னு அப்பாஸ்(ரலி) அறிவித்தார்.
நூல்கள்: அபூ தாவூத், இப்னு மாஜா
இமாம் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்.

653. ``(மறுமையில்) மக்கள் மத்தியில் தீர்ப்பளிக்கப்படும் வரை ஒவ்வொரு மனிதனும், தன் தர்மத்தின் நிழலில் இருப்பான்'' என்று இறைத்தூதர்(ஸல்) கூற நான் செவியுற்றுள்ளேன் என உக்பா இப்னு ஆமிர்(ரலி) அறிவித்தார்.
நூல்கள்: இப்னு ஹிப்பான், ஹாகிம்

655. மேலே இருக்கும் கை (கொடுக்கும்) கீழே இருக்கும் (வாங்கும்) கையைவிடச் சிறந்தது. மேலும், நீ தர்மத்தை உன் சொந்தபந்தங்களிலிருந்து தொடங்கு தேவைக்குப் போக (மீதம்) உள்ளதை தர்மம் செய்வதே சிறந்ததாகும். (பிறரிடம் தர்மம் கேட்காமல்) தன் சுயமரியாதையைப் பாதுகாக்க முயல்பவரின் சுயமரியாமையை அல்லாஹ் பாதுகாக்கிறான். (கிடைத்ததை வைத்துப்) போதும் என்ற எண்ணத்துடன் (தர்மத்தை ஏற்காமலேயே) இருப்பவருக்கு, அல்லாஹ்வும் அவருக்குப் போதும் என்ற எண்ணத்தை அளிக்கிறான்'' என்று இறைத்தூதர்(ஸல்) கூறினார்கள் என ஹக்கிம் இப்னு ஹிஜாம்(ரலி) அறிவித்தார்.
நூல்கள்: புகாரீ, முஸ்லிம்
இங்கு புகாரீயின் வாசகம் இடம் பெற்றுள்ளது.

657. ``தர்மம் செய்யுங்கள்!'' என (ஒரு நாள்) இறைத்தூதர்(ஸல்) கூறினார்கள்.
``இறைத்தூதர் அவர்களே! என்னிடம் ஒரு தீனார் உள்ளது?'' என அப்போது ஒருவர் கூறினார்.
``நீ அதனை உன் செலவுக்கு வைத்துக் கொள்! என இறைத்தூதர்(ஸல்) கூறினார்கள்.
பின்னர், ``என்னிடம் மேலும் ஒன்று உள்ளது'' என அவர் கூறினார்.
``நீ உன் பிள்ளைகளுக்கு செலவிடு!'' என இறைத்தூதர்(ஸல்) கூறினார்கள்.
பின்னர், ``என்னிடம் மேலும் ஒன்று உள்ளது'' எனக் கூறினார்.
``நீ உன் மனைவிக்கு செலவிடு!'' என இறைத்தூதர்(ஸல்) கூறினார்கள்.
நீ அதனை என் ஊழியர்களுக்குச் செலவிடு'' என இறைத்தூதர்(ஸல்) கூறினார்கள்.
பின்னர், ``என்னிடம் மேலும் ஒன்று உள்ளது'' எனக் கூறினார்.
``அது குறித்து நீயே தீர்மானித்துக் கொள்!'' என்று இறைத்தூதர்(ஸல்) கூறினார்கள் என அபூ ஹுரைரா(ரலி) அறிவித்தார்.
நூல்கள்: அபூ தாவூத், நஸயீ
இமாம் இப்னு ஹிப்பான் மற்றும் ஹாகிம்(ரஹ்) இதனை ஆதாரப்பூர்வமானது எனக் குறிப்பிட்டுள்ளார்கள்.

659. இப்னு மஸ்வூத்(ரலி) அவர்களின் மனைவி ஜைனப்(ரலி) இறைத்தூதர்(ஸல்) அவர்களிடம் வந்து, ``இறைத்தூதர் அவர்களே! தர்மம் செய்யுமாறு இன்று தாங்கள் கட்டளையிட்டீர்கள். என்னிடம் சில நகைகள் உள்ளன. அவற்றை தர்மம் செய்வதைவிட நான் விரும்பினேன். ஆனால், இப்னு மஸ்வூத்(ரலி) அவர்களோ (அவற்றை அளிக்க நான் விரும்புவோரை விட) அவருக்கும் அவரின் பிள்ளைகளுக்கும் அதற்கு உரிமையுண்டு எனக் கூறினார்.'' (நான் என்ன செய்வது) என வினவினார்.
``மஸ்வூத் உண்மையே கூறினார். நீ செலவிட விரும்புவோரைவிட, உன் கணவர் மற்றும் உன் (அவரின்) பிள்ளைகளே அதிகம் உரிமை பெற்றவர்கள்'' என்று இறைத்தூதர்(ஸல்) கூறினார்கள் என அபூ ஸயீத் அல் குத்ரீ(ரலி) அறிவித்தார்.
நூல்: புகாரீ